THE NEWS PLUS PORTAL FOR THE DISCERNING INDIANS OVER THE GLOBE

Wednesday, December 1, 2021

THE NEWS PLUS PORTAL FOR THE DISCERNING INDIANS OVER THE GLOBE

Home America കോൺഗ്രസ് വമ്പിച്ച ഭൂരിപക്ഷത്തോടെ അധികാരത്തിലെത്തും - ചാണ്ടി ഉമ്മൻ

കോൺഗ്രസ് വമ്പിച്ച ഭൂരിപക്ഷത്തോടെ അധികാരത്തിലെത്തും – ചാണ്ടി ഉമ്മൻ

ജിനേഷ് തമ്പി

കേരളത്തിൽ നടക്കാനിരിക്കുന്ന അസംബ്ലി  തെരെഞ്ഞെടുപ്പിൽ കോൺഗ്രസ് നയിക്കുന്ന യുഡിഫ് വമ്പിച്ച ഭൂരിപക്ഷത്തോടെ അധികാരത്തിലെത്തുമെന്ന് കോൺഗ്രസ് നേതാവ് ചാണ്ടി ഉമ്മൻ.  നോർത്ത് അമേരിക്കയിലെ പ്രശസ്ത  പ്രവാസി ചാനൽ സംഘടിപ്പിച്ച  അഭിമുഖത്തിൽ സംസാരിക്കുകയായിരുന്നു ശ്രീ ചാണ്ടി ഉമ്മൻ 


കഴിഞ്ഞ അഞ്ചു വർഷകാലം  കേരളത്തിൽ പിണറായി വിജയൻ  നയിക്കുന്ന ഇടതു മുന്നണി സർക്കാർ അമ്പേ പരാജയമായിരുന്നുവെന്നും ,  കേരളം  നേരിട്ട അതിദാരുണമായ പ്രകൃതിദുരന്തങ്ങളായ പ്രളയക്കെടുതിയും   , ഓഖി കൊടുങ്കാറ്റും   ഫലപ്രദമായി നേരിടാൻ പിണറായി സർക്കാരിന് സാധിച്ചില്ലെന്നും ചാണ്ടി ഉമ്മൻ ആരോപിച്ചു .  പി സ് സി  ഉദ്യോഗാർത്ഥികൾക്ക്‌  നേരെ അത്യന്തം മനുഷ്യത്വരഹിതമായ നടപടിയാണുണ്ടായതെന്നും , മനുഷ്യമനഃസാക്ഷിയെ  നടുക്കിയ ശരത് , ക്രപേഷ് ഉൾപ്പെടെയുള്ള  യൂത്ത് കോൺഗ്രസ് കാരുടെ    കൊലപാതകവും, കൊലയാളികളെ സംരക്ഷിക്കാനായി പിണറായി സർക്കാർ  സി  ബി ഐ  അന്വേഷണത്തിന്  തയ്യാറാകാതിരുന്നതും അക്ഷരാർത്ഥത്തിൽ തന്നെ ഞെട്ടിച്ചുവെന്നും   ചാണ്ടി ഉമ്മൻ  അഭിപ്രായപ്പെട്ടു . 

ശബരിമലയിൽ അയ്യപ്പഭക്തരെ ജയിലിൽ അടച്ച സംഭവം മുൻപ് ഉണ്ടായിട്ടുണ്ടോ എന്ന് അദ്ദേഹം എടുത്തു ചോദിച്ചു . മതേതരത്തിണ്റ്റെ  പ്രതീകമായ , കോടാനുകോടി ജനങ്ങളുടെ ആശാകേന്ദ്രമായ ശബരിമലയിൽ സംഘർഷവും, അരാജകത്വവും ഈ സർക്കാരിന്റെ പിടിപ്പുകേട് കൊണ്ട്  മാത്രമാണുണ്ടായതെന്നു ചാണ്ടി ഉമ്മൻ ആരോപിച്ചു.  

ഓഖി കൊടുംകാറ്റിനു ശേഷം കടൽ തീരം  സന്ദർശിക്കാൻ പോലും മുഖ്യമന്ത്രി പിണറായി വിജയൻ തയ്യാറായിലെന്നും   , പ്രതിപക്ഷ നേതാവ് രമേശ് ചെന്നിത്തല , മുൻ മുഖ്യമന്ത്രി ഉമ്മൻ ചാണ്ടി,  വി എസ് ശിവകുമാർ ഉൾപ്പെടെയുള്ള കോൺഗ്രസ് നേതൃത്വമാണ്   രക്ഷപ്രവർത്തനങ്ങൾക്ക് മുൻകൈ  എടുത്തതെന്നും ചാണ്ടി ഉമ്മൻ  ചൂണ്ടി കാട്ടി . പ്രളയ സമയത്തു സമയോചിതമായി ഡാം തുറന്നു വെള്ളം വിടാൻ സാധിക്കാതിരുന്നതും ,  കാര്യങ്ങൾ കൈ വിട്ടു പോയപ്പോൾ മാത്രം വെള്ളം തുറന്നു വിട്ടതുമാണ് സ്ഥിതിഗതികൾ കൂടുതൽ  രൂക്ഷമാക്കിയതെന്നു ചാണ്ടി ഉമ്മൻ ആരോപിച്ചു  


പി സ് സി  ഉദ്യോഗാർത്ഥികളെ  ചർച്ചക്ക് വിളിക്കാൻ പോലും മുഖ്യമന്ത്രി തയ്യാറാകാതിരുന്നത്‌  തന്നെ അമ്പരപ്പിച്ചുവെന്നു അദ്ദേഹം പറഞ്ഞു .

രണ്ടു പതിറ്റാണ്ടായി കോൺഗ്രസ് പാർട്ടിക്ക് വേണ്ടി സജീവമായി പ്രവർത്തിച്ചു   , എൻ എസ് യു ഐ , യൂത്ത് കോൺഗ്രസ് , കെ എസ് യു’യിൽ സുപ്രധാന പദവികൾ അലങ്കരിച്ചിട്ടും എന്ത് കൊണ്ടാണ്  സ്ഥാനാർത്ഥിയായി  രാഷ്ട്രീയകളരിയിൽ ഇറങ്ങാത്തതു  എന്ന ചോദ്യത്തിന് പാർട്ടിയെ ശക്‌തിപ്പെടുത്തണമെന്നും   , സംഘടനാ പ്രവർത്തനത്തിലാണ്  ഇപ്പോൾ ശ്രദ്ധ എന്നായിരുന്നു മറുപടി 

കേരളം കണ്ട ഏറ്റവും ജനകീയനായ മുഖ്യമന്ത്രിമാരിൽ ഒരാളായ പിതാവ് ഉമ്മൻ ചാണ്ടിയിൽ തന്നെ ഏറ്റവും കൂടുതൽ സ്വാധീനിച്ച സ്വഭാവവിശേഷം എന്താണ് എന്ന ചോദ്യത്തിന് ശ്രീ ഉമ്മൻ ചാണ്ടിയുടെ വലിയ ക്ഷമാ ശീലം,   ജനങ്ങളുടെ   അടുത്തുള്ള അനുകമ്പ, ജനഹൃദയങ്ങളെ സ്വാധീനിക്കാനുള്ള കഴിവ് എന്നായിരുന്നു ഉത്തരം 

ഐശ്വര്യ കേരളയാത്രക്ക് ശേഷം കോൺഗ്രസ് പ്രവർത്തകർ വലിയ ആവേശത്തിലാണെന്നും , കഴിവുറ്റ യുവാക്കൾക്കും , വനിതകൾക്കും പ്രാതിനിധ്യം ഉറപ്പാക്കി തിരഞ്ഞെടുപ്പ്‌ രംഗത്തിറങ്ങിയാൽ  വമ്പിച്ച ഭൂരിപക്ഷത്തോടെ കോൺഗ്രസ് അധികാരത്തിലേറുമെന്നും ചാണ്ടി ഉമ്മൻ പ്രതീക്ഷ പങ്കു വെച്ചു 

LEAVE A REPLY

Please enter your comment!
Please enter your name here

Most Popular

Recent Comments