പി. പി. ചെറിയാന്‍
വാഷിങ്ടന്‍ ഡിസി : ഇന്ത്യന്‍ അമേരിക്കന്‍ നീരാ ടാണ്ടൻറെ നോമിനേഷനെ സെനറ്റില്‍ എതിര്‍ക്കുമെന്ന് വെസ്റ്റ് വെര്‍ജിനിയായില്‍ നിന്നുള്ള ഡമോക്രാറ്റിക് സെനറ്റര്‍ ജോ മാൻചിൻ. നീര ട്വിറ്ററില്‍ ബെര്‍ണി സാന്റേഴ്‌സ്, മിച്ച് മെക്കോണല്‍ എന്നിവര്‍ക്കെതിരെ നടത്തിയ പരാമര്‍ശമാണ് സെനറ്റര്‍ ജോയെ നീരക്കെതിരെ തിരിച്ചത്. ഇരുപാര്‍ട്ടികളേയും ഒന്നിച്ചുകൊണ്ടു പോകേണ്ട ഇവര്‍ ഇത്തരം പ്രസ്താവനകള്‍ നടത്തുന്നത് ഭൂഷണമല്ലെന്നും സെനറ്റര്‍ പറഞ്ഞു.
വൈറ്റ് ഹൌസ് ഓഫിസ് ഓഫ് മാനേജ്‌മെന്റ് ആന്റ് ബജറ്റ് ഡയറക്ടറായിട്ടാണ് നീരാ ടാണ്ടനെ നോമിനേറ്റ് ചെയ്തിരുന്നത്. ഇത് കാബിനറ് പദവിയാണ്
ഇതോടെ നീരയുടെ കണ്‍ഫര്‍മേഷന്‍ സംഭവിക്കുമോ എന്ന ആശങ്കയുണ്ടെന്നും റിപ്പബ്ലിക്കന്‍ പാര്‍ട്ടിയിലെ 50 സെനറ്റര്‍ മാര്‍ക്കൊപ്പം ജോ ഒന്നിച്ചാല്‍ നീര പുറത്താകും. അടുത്ത ആഴ്ചയാണ് നീരയുടെ കണ്‍ഫര്‍മേഷന്‍ സെനറ്റില്‍ ചര്‍ച്ചകെടുത്തതും മിറ്റ് റോംനി ഉള്‍പ്പെടെ റിപ്പബ്ലിക്കന്‍ വിമതര്‍മാര്‍ പോലും നീരയെ എതിര്‍ക്കുമെന്നു പ്രഖ്യാപിച്ചിട്ടുണ്ട്.
ഇന്ത്യയില്‍ നിന്നും കുടിയേറിയ മാതാപിതാക്കള്‍ക്ക് 1970 ല്‍ മാസ്സച്യുസെറ്റില്‍ ജനിച്ച മകളാണ് നീരാ.
കലിഫോര്‍ണിയ യൂണിവേഴ്‌സിറ്റിയില്‍ നിന്നും ബിരുദവും യെല്‍ ലൊ സ്‌കൂളില്‍ നിന്നും നിയമ ബിരുദവും നേടിയ നീരാ ന്യുഎനര്‍ജി പോളിസി, ഹെല്‍ത്ത് കെയര്‍ റിഫോം അസ്സോസിയേറ്റ് ഡയറക്ടറായി പ്രസിഡന്റ് ബില്‍ ക്ലിന്റന്‍ ക്യാംപെയ്‌നില്‍ പ്രവര്‍ത്തിച്ചിരുന്നു.
