THE NEWS PLUS PORTAL FOR THE DISCERNING INDIANS OVER THE GLOBE

Saturday, February 27, 2021

THE NEWS PLUS PORTAL FOR THE DISCERNING INDIANS OVER THE GLOBE

Home America ശിശിരകാലത്തിന്റെ ലഹരിയിലേക്കു വഴുതി വീണ ലാസ് വേഗാസ് ഉണരുന്നു (മാത്യു ജോയിസ്, ലാസ് വേഗാസ്)

ശിശിരകാലത്തിന്റെ ലഹരിയിലേക്കു വഴുതി വീണ ലാസ് വേഗാസ് ഉണരുന്നു (മാത്യു ജോയിസ്, ലാസ് വേഗാസ്)

നേരിയ കുളിര്‍മയുള്ള പുലരിയും സായാഹ്നങ്ങളുമായി ലാസ് വേഗാസ് ശിശിരകാലത്തിന്റെ ലഹരിയിലേക്കു വഴുതി വീണുകഴിഞ്ഞു. നെവാഡയിലെ ഹൈവേകളിലൂടെ യാത്ര ചെയ്യുമ്പോള്‍, നിരനിരയായി ഉയര്‍ന്നുനില്‍ക്കുന്ന മലകളില്‍ പാറകളും ഉരുളന്‍ കല്ലുകളുമല്ലാതെ മരങ്ങള്‍ പൊതുവെ ഇല്ലാത്തതിനാല്‍ ഫോള്‍ സീസണിന്റെ സവിശേഷതകളായ വിവിധ നിറങ്ങളിലുള്ള ഇലകളൊന്നും കാണാന്‍ ഭാഗ്യമുണ്ടാകില്ല. ചെറിയ പട്ടണങ്ങളിലോ സിറ്റികളിലോ വഴിയോരങ്ങളില്‍ വെച്ചുപിടിപ്പിച്ചു നനച്ചു വളര്‍ത്തുന്ന ചെടികളും മരങ്ങളും ഇതൊരു മരുഭൂമിയുടെ വിരസത ഒഴിവാക്കുന്നു.

കോവിഡ് പടര്‍ന്നപ്പോള്‍ ലാസ് വേഗാസ് ശ്മശാനമൂകതയിലേക്കു. എന്നതുപോലെ വിജനമായിക്കൊണ്ടിരിക്കയായിരുന്നു. കോവിഡ് പാന്‍ഡെമിക്കിന്റെ ഫലങ്ങള്‍ സതേണ്‍ നെവാഡയില്‍ അനുഭവപ്പെട്ടുതുടങ്ങിയതിനുശേഷം ഇതാദ്യമായി, പ്രദേശത്തിന്റെ ഫ്രീവേയുടെ ചില ഭാഗങ്ങളിലെ ട്രാഫിക് അളവ് 2019 നിരക്കിനേക്കാള്‍ വര്‍ദ്ധിച്ചുകൊണ്ടിരിക്കുന്നു.

സതേണ്‍ നെവാഡയിലെ റീജിയണല്‍ ട്രാന്‍സ്‌പോര്‍ട്ടേഷന്‍ കമ്മീഷന്റെ ഡാറ്റ കാണിക്കുന്നത് നെവാഡകാലിഫോര്‍ണിയ അതിര്‍ത്തിയിലെ അന്തര്‍സംസ്ഥാന 15 എന്ന ഹൈവേയിലെ ട്രാഫിക് അളവ് ഒക്ടോബര്‍ മൂന്നാം വാരം മുതല്‍ എട്ടു ശതമാനം ഉയര്‍ന്നു വെന്നാണ്. കോവിഡ് 9 പാന്‍ഡെമിക്കിന്റെ ആഘാതം അനുഭവപ്പെട്ടതിനുശേഷം, വര്‍ദ്ധിച്ച ആദ്യത്തെ വര്‍ദ്ധനവായി ഇത് അടയാളപ്പെടുത്തുന്നു.

മാര്‍ച്ച് മുതല്‍ മെയ് വരെയുള്ള കാലയളവില്‍ ഗണ്യമായി കുറഞ്ഞ ശ്രേണിയില്‍ നിന്നും, ട്രാഫിക് അളവ് സാധാരണ നിലയിലേക്ക് ക്രമാതീതമായി വര്‍ദ്ധിച്ചുകൊണ്ടിരിക്കുന്നു, കഴിഞ്ഞ കുറച്ച് മാസങ്ങളായി സ്ഥിരമായി ഗതാഗതനിരക്ക് പൊതുവെ കുറവായിരുന്നു.

താങ്ക്‌സ് ഗിവിങ് ആഘോഷമായപ്പോള്‍ പ്രാദേശിക ഗതാഗത കമ്മീഷന്റെ ട്വീറ്റില്‍ കാലിഫോര്‍ണിയയില്‍ നിന്നും ലാസ് വേഗാസിലേക്കുള്ള യാത്രാമധ്യേ പല സ്ഥലങ്ങളിലും രണ്ടു മണിക്കൂര്‍ വരെ ഗതാഗതം ബാക്കപ്പുചെയ്തു. ലാസ് വെഗാസില്‍ നിന്ന് 45 മൈല്‍ തെക്കുപടിഞ്ഞാറായി പ്രിം എന്നൊരു ചെറിയ പട്ടണം ഐ 15 ഹൈവേയിലുണ്ട്. അവിടെ മുതല്‍ 12 മൈല്‍ നീളത്തില്‍ ഗതാഗതക്കുരുക്കു ആയിരുന്നു.

”ഒക്ടോബര്‍ 25 ഞായറാഴ്ച പ്രിമ്മില്‍ ഐ 15 യിലെ ഗതാഗത നിരക്ക് 36,500 ആയിരുന്നു, ഇത് തൊഴിലാളി ദിന വാരാന്ത്യത്തിനുശേഷം ഏറ്റവും ഉയര്‍ന്ന യാത്രാനിരക്കാണ്…” ആര്‍ടിസി ഡെപ്യൂട്ടി സിഇഒ ഡേവിഡ് സ്വാലോ പറഞ്ഞു. രാവിലെ 11 നും ഉച്ചയ്ക്കും ഇടയില്‍ പരമാവധി മണിക്കൂറില്‍ 3,400 വാഹനങ്ങള്‍ വീതം കടന്നുപോയിട്ടുണ്ട്. ട്രാഫിക് വര്‍ദ്ധിച്ചതിന്റെ ഫലമായി, ലാസ് വെഗാസിലേക്കുള്ള വാരാന്ത്യ സന്ദര്‍ശനങ്ങള്‍ക്ക് ശേഷം ഐ 15 തെക്ക് ഭാഗത്തേക്കുള്ള യാത്രക്കാര്‍ക്ക് കാര്യമായ കാലതാമസം ഉണ്ടായി.

താങ്ക്‌സ് ഗിവിങ് വാരാന്ത്യം, ലാസ് വേഗാസിനെ വീണ്ടും ഉണര്‍ത്തിയെണ്ണി പറയാം. പതിവുപോലെ കാലിഫോര്‍ണിയായില്‍ നിന്നും ലാസ് വേഗാസിലേക്കു ഐ15 ഹൈവേ യുടെ മൂന്നു ലൈനുകളും നിറഞ്ഞു കവിഞ്ഞ തിരക്കായിരുന്നു. യൂട്ടാ, അരിസോണ തുടങ്ങിയ സമീപ സംസ്ഥാനങ്ങളില്‍ നിന്നും, കോവിഡിനെ തല്‍ക്കാലത്തേക്ക് മറന്ന്, സിന്‍സിറ്റിയിലേക്കു ജനം ആഘോഷത്തിമിര്‍പ്പില്‍ വന്നെത്തി . ഇനിയുള്ള ക്രിസ്തുമസ്സിന്റെയും ന്യൂ ഈയറിന്റെയും വാരാന്ത്യങ്ങള്‍ ലാസ് വേഗാസിനു പുതുജീവന്‍ പകരട്ടേ, ഇവിടെ വന്നെത്തുന്ന ടൂറിസ്റ്റുകള്‍ക്കും അതിഥികള്‍ക്കും. ഹര്‍ഷോന്മാദത്തിന്റെ ലഹരി ഒരിക്കല്‍ക്കൂടി നുകരാന്‍ അവസരവും ഒരുക്കട്ടെ. ഇനിയുള്ള രാവുകള്‍, ലാസ് വേഗാസിന്റ നനുത്ത പ്രഭാതങ്ങള്‍ക്കു ഉണര്‍വ് പകരാനായിരിക്കട്ടെ..!

LEAVE A REPLY

Please enter your comment!
Please enter your name here

Most Popular

Recent Comments