THE NEWS PLUS PORTAL FOR THE DISCERNING INDIANS OVER THE GLOBE

Wednesday, December 1, 2021

THE NEWS PLUS PORTAL FOR THE DISCERNING INDIANS OVER THE GLOBE

Home America കൊവിഡ്: ബൈഡനുമായി ഫോണിൽ സംസാരിച്ച് മോദി

കൊവിഡ്: ബൈഡനുമായി ഫോണിൽ സംസാരിച്ച് മോദി

ന്യൂഡൽഹി: കൊവിഡ്-19 വ്യാപനം രൂക്ഷമായ ഇന്ത്യക്ക് യുഎസ് സഹായം പ്രഖ്യാപിച്ച പശ്ചാത്തലത്തിൽ അമേരിക്കൻ പ്രസിഡൻ്റ് ജോ ബൈഡനുമായി പ്രധാനമന്ത്രി നരേന്ദ്ര മോദി ചർച്ച നടത്തി. രണ്ട് രാജ്യങ്ങളിലെയും കൊവിഡ് സാഹചര്യങ്ങൾ ഫോണിലൂടെ സംസാരിച്ചെന്ന് പ്രധാനമന്ത്രി ട്വീറ്റ് ചെയ്‌തു.

ഇന്ത്യക്ക് യുഎസ് നൽകുന്ന പിന്തുണയ്‌ക്ക് നന്ദി അറിയിച്ചതായി പ്രധാനമന്ത്രി വ്യക്തമാക്കി. കൊവിഡ് പ്രതിരോധ വാക്‌സിൻ അസംസ്‌കൃത വസ്‌തുക്കളുടെ വിതരണവും മരുന്നുകളുടെ വിതരണം സുഗമമാക്കുന്നതും സംഭാഷണത്തിൽ ചർച്ചയായി.

കൊവിഡ് പ്രതിരോധ മാർഗങ്ങൾ ശക്തിപ്പെടുത്തുന്നതിന് ഇന്ത്യക്ക് അമേരിക്ക സഹായം പ്രഖ്യാപിച്ചിരുന്നു. കൊവിഷീൽഡ് വാക്‌സിൻ നിർമ്മിക്കാനാവശ്യമായ അസംസ്‌കൃത വസ്‌തുക്കൾ കൈമാറുമെന്ന് വ്യക്തമാക്കിയ യുഎസ് വെന്റിലേറ്റർ, പിപിഇ കിറ്റുകൾ, പരിശോധനാ കിറ്റുകൾ, മറ്റ് സാമ്പത്തിക, സാങ്കേതിക സഹായം എന്നിവ ഉടൻ ലഭ്യമാക്കുമെന്ന് വ്യക്തമാക്കിയിരുന്നു. അഞ്ചു ടണ്‍ ഓക്‌സിജൻ കോണ്‍സന്‍ട്രേറ്റും യുഎസ് ഇന്ത്യയ്ക്ക് കൈമാറിയിരുന്നു.

കൊവിഡ്-19 മഹാമാരിയുടെ ആദ്യഘട്ടത്തിൽ ഇന്ത്യ യുഎസിനെ സഹായിച്ചതു പോലെ തിരിച്ചും സഹായിക്കുമെന്ന് യുഎസ് പ്രസിഡൻ്റ് ജോ ബൈ‍ഡൻ കഴിഞ്ഞ ദിവസം അറിയിച്ചിരുന്നു. ഇന്ത്യയിലെ കൊവിഡ് ബാധിതരുടെ ജീവൻ രക്ഷിക്കാനായി യുഎസ് അടിയന്തരമായി മരുന്നുകളും ഉപകരണങ്ങളും അയയ്ക്കുമെന്ന് യുഎസ് ദേശീയ സുരക്ഷാ ഉപദേഷ്ടാവ് ജെയ്ക്ക് സള്ളിവൻ ഇന്ത്യൻ സുരക്ഷാ ഉപദേഷ്ടാവ് അജിത് ഡോവലിനെ അറിയിച്ചിരുന്നു.

ഇന്ത്യയിലെ കേന്ദ്രസര്‍ക്കാരുമായി സംസാരിക്കുന്നുണ്ടെന്നും കൊവിഡ് 19 സാഹചര്യത്തിൽ ഇന്ത്യയിലെ ജനങ്ങള്‍ക്ക് ആവശ്യമായ സഹായം നല്‍കുമെന്നും രാജ്യത്തിനും ആരോഗ്യപ്രവര്‍ത്തകര്‍ക്കും വേണ്ടി പ്രാര്‍ഥിക്കുന്നുവെന്നും വൈസ് പ്രസിഡൻ്റ് കമലാ ഹാരിസ് വ്യക്തമാക്കുകയും ചെയ്‌തിരുന്നു.

LEAVE A REPLY

Please enter your comment!
Please enter your name here

Most Popular

Recent Comments