THE NEWS PLUS PORTAL FOR THE DISCERNING INDIANS OVER THE GLOBE

Sunday, July 3, 2022

THE NEWS PLUS PORTAL FOR THE DISCERNING INDIANS OVER THE GLOBE

Home America ജോര്‍ജ് മണ്ണിക്കരോട്ട് രചിച്ച 'അമേരിക്കയിലെ ആധുനിക മലയാള സാഹിത്യചരിത്രം' പ്രസിദ്ധീകരിച്ചു

ജോര്‍ജ് മണ്ണിക്കരോട്ട് രചിച്ച ‘അമേരിക്കയിലെ ആധുനിക മലയാള സാഹിത്യചരിത്രം’ പ്രസിദ്ധീകരിച്ചു

എ. സി. ജോർജ്

ഹൂസ്റ്റൺ: അമേരിക്കയില്‍ അധിവസിക്കുന്ന പ്രസിദ്ധ മലയാള ഭാഷാസാഹിത്യകാരനും ചരിത്രകാരനുമായ ജോര്‍ജ് മണ്ണിക്കരോട്ട് രചിച്ച ‘അമേരിക്കയിലെ ആധുനിക മലയാള സാഹിത്യചരിത്രം’ പ്രസിദ്ധീകരിച്ചു. വടക്കെ അമേരിക്കയ്ക്കു പുരമെ കാനഡയിലെയും ആധുനിക മലയാള സാഹിത്യ ചരിത്രം ഈ ബൃഹത്തായ ഗ്രന്ഥത്തില്‍ ഉള്‍പ്പെടുത്തിയിരിക്കുന്നു. അമേരിക്കയില്‍ ആദ്യമായി 2007ല്‍ ‘അമേരിക്കയിലെ മലയാള സാഹിത്യ ചരിത്രം’ എന്ന ഒരു ചരിത്ര പുസ്തകം ജോര്‍ജ് മണ്ണിക്കരോട്ട് രചിച്ചിരുന്നു. 2021ല്‍ കൂടുതല്‍ വസ്തുതകളും ചരിത്രവും വിവരണങ്ങളുമായി 400 പേജുകള്‍ വരുന്ന പരിഷ്കരിച്ച ഈ ചരിത്ര ഗ്രന്ഥത്തിന് ‘അമേരിക്കയിലെ ആധുനിക മലയാള സാഹിത്യ ചരിത്രം’ എന്ന് നാമകരണം ചെയ്യപ്പെട്ടിരിക്കുന്നു. കാരണം ഈ പുസ്തകത്തില്‍ ആധുനിക ഡിജിറ്റല്‍, ഓണ്‍ലൈന്‍, ബ്ലോഗ് ഭാഷാസാഹിത്യകാരന്മാരെയും, അവരുടെ രചനാചരിത്രങ്ങളെയും സമഗ്രമായി പ്രതിപാദിച്ചിരിക്കുന്നു, കൂട്ടിച്ചേര്‍ത്തിരിക്കുന്നു എന്നുള്ളതാണ്. 2007ല്‍ നിന്ന് 2021 വരെയുണ്ടായ ഭാഷാസാഹിത്യത്തിലെ മാറ്റങ്ങളും, പരിണാമങ്ങളും ഈ പുതിയ ചരിത്ര പുസ്തകത്തില്‍ ചേര്‍ത്തിട്ടുണ്ട്. 
ചരിത്രങ്ങള്‍ കഴിയുന്നത്ര വിവരമായിട്ടും സത്യസന്ധമായിട്ടും കണ്ടുപിടിക്കുകയും രേഖപ്പെടുത്തുകയും ചെയ്യുക എന്നത് വളരെ വിഷമകരമായ ഒരു ദൗത്യമാണ്. അതിനായി ഈ രചയിതാവ് അമേരിക്കയിലെ പല വിഭാഗത്തിലുള്ള പ്രസിദ്ധീകരണക്കാരെയും എഴുത്തുകാരെയും സംഘടനാ പ്രതിനിധികളെയും, മത പ്രതിനിധികളെയും നേരില്‍ മുഖാമുഖം കാണുകയും, ഫോണ്‍വഴിയും ഇമെയില്‍ വഴിയും വിവരങ്ങള്‍ ശേഖരിച്ചതും അനേകം റഫറന്‍സ് ഗ്രന്ഥങ്ങള്‍ പരിശോധിച്ചതും ഗവേഷണങ്ങള്‍ നടത്തിയതും ജോര്‍ജ്ജ് മണ്ണിക്കരോട്ട് പുസ്തകത്തിന്‍റെ ആമുഖത്തില്‍ പറയുന്നുണ്ട്.

1 COMMENT

  1. പ്രവാസി മലയാളി സാഹിത്യത്തിൽ വ്യക്തിമുദ്ര പതിച്ചവരെയും ‘അമ്മ മലയാളത്തെ പരിപോഷിപ്പിക്കാൻ അന്യനാട്ടിൽ പാടുപെടുന്നവരെയും അംഗീകരിച്ചു ചരിത്രത്തിന്റെ താളുകളിൽ ആലേഖനം ചെയ്യുന്ന ഒരേഒരു റഫറൻസ് ഗ്രന്ഥമാണ്, ജോർജ്ജ് മണ്ണിക്കരോട്ട് സാറിന്റെ ‘അമേരിക്കയിലെ ആധുനിക മലയാള സാഹിത്യ ചരിത്രം’. ഇതിനു വേണ്ടി വർഷങ്ങൾ നീണ്ട കഠിനാദ്ധ്വാനവും തപസ്യവും വിനിയോഗിച്ച മണ്ണിക്കരോട്ട് സാറിന്റെ ഗവേഷണ ചാതുര്യവും വിവരശേഖരണ പാടവവും എത്ര മാത്രം പുകഴ്ത്തിയാലും മതിയാവില്ല. വരും തലമുറയ്ക്ക് ഇതൊരു വഴികാട്ടി ആവട്ടെ എന്നാശംസിക്കുന്നു.
    ഈ മഹത് ഗ്രന്ഥം പരിഷ്കരിച്ചു പ്രസിദ്ധപ്പെടുത്തിയതിന്റെ കോപ്പികൾ എവിടെ ലഭിക്കും, എന്ത് വിലയായിരിക്കും തുടങ്ങിയ വിവരങ്ങൾ കൂടി അറിയിച്ചാൽ നന്നായിരിക്കും.
    മണ്ണിക്കരോട്ട് സാറിനും ഒരിക്കൽ കൂടി അഭിനന്ദനങൾ, ആയുരാരോഗ്യ ആശംസകൾ🙏മാത്യു ജോയിസ്, ലാസ് വേഗാസ്

LEAVE A REPLY

Please enter your comment!
Please enter your name here

Most Popular

Recent Comments