THE NEWS PLUS PORTAL FOR THE DISCERNING INDIANS OVER THE GLOBE

Wednesday, December 1, 2021

THE NEWS PLUS PORTAL FOR THE DISCERNING INDIANS OVER THE GLOBE

Home America കാനഡയും വിലക്കി

കാനഡയും വിലക്കി

ഒട്ടാവ: കൊവിഡ്-19 വ്യാപനം രൂക്ഷമായ ഇന്ത്യയിൽ നിന്നുള്ള യാത്ര വിമാനങ്ങൾക്ക് വിലക്കുമായി കാനഡയും. 30 ദിവസത്തേക്കാണ് വിലക്കേർപ്പെടുത്തിയിരിക്കുന്നതെന്ന് കാനഡ ഗതാഗത മന്ത്രാലയം അറിയിച്ചു. പാകിസ്ഥാനിൽ നിന്നുള്ള വിമാനങ്ങൾക്കും താൽക്കാലിക വിലക്കേർപ്പെടുത്തിയിട്ടുണ്ട്.

വ്യാഴാഴ്‌ച മുതൽ അടുത്ത 30 ദിവസത്തേക്ക് വിമാനങ്ങൾക്ക് വിലക്ക് ഏർപ്പെടുത്തുന്നതെന്ന് ഗതാഗത മന്ത്രി ഒമർ അൽഗാബ്ര പ്രഖ്യാപിച്ചു. കൊവിഡ് വാക്‌സിൻ, പിപിഇ കിറ്റ് എന്നീ ആവശ്യ സാധനങ്ങൾ കൈമാറുന്ന ചരക്ക് വിമാനങ്ങൾക്ക് വിലക്ക് ബാധകമാകില്ലെന്ന് അൽഗബ്ര പറഞ്ഞു. കൊവിഡ് കേസുകൾ കൂടുതലായി റിപ്പോർട്ട് ചെയ്യുന്ന രാജ്യങ്ങളിൽ നിന്നുള്ളവർ രാജ്യത്ത് എത്തുന്നതിനാലാണ് വിമാനങ്ങൾക്ക് വിലക്കേർപ്പെടുത്തുന്നതെന്ന് അദ്ദേഹം പറഞ്ഞു.

മറ്റേതെങ്കിലും രാജ്യം വഴി കാനഡയിൽ എത്താൻ ആഗ്രഹിക്കുന്ന ഇന്ത്യയിൽ നിന്നോ പാകിസ്ഥാനിൽ നിന്നുള്ള യാത്രക്കാർ കാനഡയിൽ എത്തുന്നതിന് മുൻപ് ഏറ്റവും അവസാനമായി നടത്തിയ കൊവിഡ് പരിശോധനയുടെ നെഗറ്റീവ് സർട്ടിഫിക്കറ്റ് കൈവശം സൂക്ഷിക്കണമെന്ന് അൽഗബ്ര വ്യക്തമാക്കി.

ഏതെങ്കിലും രാജ്യത്ത് നിന്നും കര – വ്യോമ മാർഗത്തിൽ കാനഡയിൽ എത്തുന്നവർ കൊവിഡ് നെഗറ്റീവ് സർട്ടിഫിക്കറ്റ് കൈവശം സൂക്ഷിക്കണം. യാത്ര ആരംഭിക്കുന്നതിന് മുൻപ് എടുത്ത ഏറ്റവും പുതിയ സർട്ടിഫിക്കറ്റാണ് ആവശ്യം. 14 ദിവസം ക്വാറൻ്റൈനിൽ കഴിയുകയും വേണമെന്നും അധികൃതർ വ്യക്തമാക്കി.

കൊവിഡ് സാഹചര്യത്തിൽ ഇന്ത്യയിൽ നിന്നുള്ള വിമാനങ്ങള്‍ക്ക് യുഎഇ പ്രവേശനവിലക്ക് ഏര്‍പ്പെടുത്തിയിരുന്നു. യുഎഇയിലെ എല്ലാ വിമാനത്താവളങ്ങളിലും ഇന്ത്യയിൽ നിന്നുള്ള വിമാനങ്ങള്‍ക്ക് വിലക്ക് ഏര്‍പ്പെടുത്തിയിട്ടുണ്ട്. 24 ശനിയാഴ്ച മുതലാണ് നിയന്ത്രണങ്ങളാണ് പ്രാബല്യത്തിൽ വരും. മെയ് നാല് വരെ പത്ത് ദിവസത്തേക്കാണ് വിലക്ക് ഏര്‍പ്പെടുത്തിയിട്ടുള്ളത്. സ്ഥിതിഗതികള്‍ വിലയിരുത്തിയ ശേഷം തീരുമാനം പുന പരിശോധിക്കുമെന്ന് അധികൃതർ വ്യക്തമാക്കി.

LEAVE A REPLY

Please enter your comment!
Please enter your name here

Most Popular

Recent Comments