THE NEWS PLUS PORTAL FOR THE DISCERNING INDIANS OVER THE GLOBE

Sunday, November 28, 2021

THE NEWS PLUS PORTAL FOR THE DISCERNING INDIANS OVER THE GLOBE

Home America കൊവിഡ് വന്നു പോയവർക്ക് ഒരു ഡോസ് വാക്സിൻ മതിയോ?

കൊവിഡ് വന്നു പോയവർക്ക് ഒരു ഡോസ് വാക്സിൻ മതിയോ?

ലോസ് ആഞ്ചൽസ്: കൊവിഡ് ഭീതിയിൽ നിന്നും രക്ഷ തേടുന്നതിന് ലോകം മുഴുവൻ വാക്സിനിൽ അഭയം തേടുന്ന സമയമാണ് ഇത്. എന്നാൽ, വാക്സിനുകളുടെ അഭാവം ഒട്ടുമിക്ക രാജ്യങ്ങൾക്കും ഭീഷണി ഉയർത്തുന്നുമുണ്ട്. മാസങ്ങള്‍ക്ക് മുൻപ് ആരംഭിച്ച വാക്സിന്‍ വിതരണം വിവിധ രാജ്യങ്ങളിലായി പുരോഗമിച്ച് വരികയാണ്. ഇതിനിടെ, വാക്സിൻ ഫലത്തെക്കുറിച്ച് വിവിധ തലങ്ങളിലായി പലതരത്തിലുള്ള ഗവേഷണങ്ങളും നടക്കുന്നുണ്ട്.

അമേരിക്കയിലെ ലോസ് ആഞ്ചൽസിലെ സിഡാർസ്-സിനായി മെഡിക്കൽ സെന്ററിലെ ആയിരത്തിലധികം ഉദ്യോഗസ്ഥർ ഡിസംബര്‍ മാസം മുതൽ സ്വമേധയാ ഇത്തരത്തിൽ ഒരു പഠനം നടത്തി. വാക്സിൻ കുത്തിവയ്പ്പിനോടുള്ള രോഗപ്രതിരോധ പ്രതികരണങ്ങൾ എങ്ങനെ വ്യത്യാസപ്പെടാമെന്ന് നിർണ്ണയിക്കുന്നതിനാണ് പഠനം നടത്തിയിരിക്കുന്നത്. കൊവിഡ് മുക്തര്‍ക്ക് അടക്കം ആശ്വാസം നൽകുന്നതാണ് പുതിയ ഗവേഷണഫലം.

വാക്സിൻ പരീക്ഷിച്ചതിൽ കൊവിഡ് -19 ൽ നിന്ന് മുക്തരായവർ അവരുടെ ആദ്യ കുത്തിവയ്പ്പിൽ തന്നെ വളരെ ശക്തമായി പ്രതിരോധമുണ്ടാക്കിയതായാണ് പഠനങ്ങള്‍ സൂചിപ്പിക്കുന്നത്. അത് രോഗബാധ ഏൽക്കാതെ തന്നെ രണ്ട് വാക്സിനുകളും സ്വീകരിച്ചവരേക്കാൾ മികച്ച പ്രതിരോധമാണ് അത് എന്നാണ് കണ്ടെത്തിയിരിക്കുന്നത്. ഫൈസർ‍, മോഡേണ എന്നീ വാക്സിനുകള്‍ ഉപയോഗിച്ചാണ് പരിശോധന നടത്തിയത്. ഗവേഷണ ഫലം ഞങ്ങളെ ആകർഷിച്ചതായി ഗവേഷണ സംഘത്തിന്റെ നേതാവ് സൂസൻ ചെംഗ് പറഞ്ഞു.

ഇത്രയധികം ഫലമുണ്ടാകുമെന്ന് കരുതിയില്ലെന്ന് ഗവേഷണ സംഘത്തെ ഉദ്ധരിച്ച് മാധ്യമങ്ങള്‍ റിപ്പോര്‍ട്ട് ചെയ്യുന്നു. സമാനമായ ഒരു പഠനം ഇറ്റലിയിലും നടക്കുന്നുണ്ട്. ഇതിൽ പറയുന്നത് പ്രകാരം ഒരാൾ വൈറസ് ബാധിതനെങ്കിൽ ഒരു വാക്സിൻ കഴിഞ്ഞുള്ള രോഗപ്രതിരോധ പ്രതികരണം ഒരിക്കലും ബാധിക്കാത്ത ഒരു വ്യക്തിയെക്കാൾ മികച്ചതായിരിക്കും. ഇറ്റാലിയിലെ ന്യൂ ഇംഗ്ലണ്ട് ജേണൽ ഓഫ് മെഡിസിനിൽ ഗവേഷണത്തിലാണ് ഇക്കാര്യം വിശദമാക്കുന്നത്.

കഴിഞ്ഞ ഫെബ്രുവരിക്ക് ശേഷം ഫ്രാൻസ്, സ്പെയിൻ, ഇറ്റലി, ജർമനി ഉൾപ്പടെ യൂറോപ്യൻ രാജ്യങ്ങള്‍ കൊവിഡ് മുക്തര്‍ക്ക് ഒറ്റഡോസ് വാക്സിൻ മാത്രമാണ് വിതരണം ചെയ്തിരുന്നത്. അതേസമയം ഇസ്രായേൽ രോഗമുക്തി ലഭിച്ചവര്‍ക്ക് ആദ്യ ഘട്ടത്തിൽ വാക്സിൻ വിതരണം നടത്തിയിരുന്നില്ല. ഇപ്പോള്‍, ഒരു ഡോസ് വീതം നൽകുന്നുണ്ട്. രണ്ടാമത്തെ നൽകുന്ന ഡോസ് പുതിയ വകഭേദങ്ങളെ കൂടി ചെറുക്കാൻ സഹായിക്കുമെന്നാണ് മറ്റൊരു പഠനത്തിൽ പറയുന്നത്. എന്നിരുന്നാലും അമേരിക്കയിൽ കൊവിഡ് മുക്തര്‍ക്ക് രണ്ട് ഡോസ് വാക്സിന്‍ വീതമാണ് നൽകുന്നത്. ഇതിനോടകം യുഎസിൽ 31 ശതമാനം ആളുകള്‍ക്കും വാക്സിൻ വിതരണം ചെയ്തതായാണ് റിപ്പോര്‍ട്ട്.

LEAVE A REPLY

Please enter your comment!
Please enter your name here

Most Popular

Recent Comments