THE NEWS PLUS PORTAL FOR THE DISCERNING INDIANS OVER THE GLOBE

Saturday, June 12, 2021

THE NEWS PLUS PORTAL FOR THE DISCERNING INDIANS OVER THE GLOBE

Home America ഐഫോൺ 12 ആരോഗ്യ പ്രശ്നങ്ങൾ വർധിപ്പിക്കും; വെളിപ്പെടുത്തലുമായി ആപ്പിൾ

ഐഫോൺ 12 ആരോഗ്യ പ്രശ്നങ്ങൾ വർധിപ്പിക്കും; വെളിപ്പെടുത്തലുമായി ആപ്പിൾ

കാലിഫോർണിയ : ഹൃദയസംബന്ധമായ പ്രശ്നമുള്ളവർ ഐഫോൺ 12 ഉപയോഗിച്ചാൽ ആരോഗ്യ പ്രശ്നങ്ങൾ വർധിപ്പിക്കുമെന്ന് ആപ്പിൾ കമ്പനി . ഫോൺ ഒരു കാരണവശാലും പോക്കറ്റിൽ സൂക്ഷിക്കരുതെന്നും ഐഫോൺ 12 , മാഗ് സേഫ് ആക്സസറികൾ ചാർജ് ചെയ്യുമ്പോൾ സുരക്ഷിതമായ അകലത്തിൽ സൂക്ഷിക്കണമെന്നും ആപ്പിൾ വ്യക്തമാക്കി . നിലവിലെ ഐഫോൺ 12 മോഡലുകൾ മെഡിക്കൽ ഉപകരണങ്ങളോട് വളരെ അടുത്ത് വച്ചാൽ അപകടസാധ്യതയുണ്ടെന്ന് വ്യക്തമാക്കുന്ന ഒരു സപ്പോർട്ട് ഡോക്യുമെന്റ് ആപ്പിൾ അടുത്തിടെ പുറത്തിറക്കിയിരുന്നു . മുമ്പത്തെ ഐഫോൺ മോഡലുകളേക്കാൾ കൂടുതൽ കാന്തങ്ങൾ ഐഫോൺ 12 മോഡലുകളിൽ അടങ്ങിയിരിക്കുന്നതായി ആപ്പിൾ വെളിപ്പെടുത്തിയിട്ടുണ്ട് . സപ്പോർട്ട് ആപ്പിൾ ഡോട് കോമിലാണ് ഇക്കാര്യം കമ്പനി വ്യക്തമാക്കിയിരിക്കുന്നത്.

വയർലെസ് ചാർജ് ചെയ്യുമ്പോൾ ഹൃദയസംബന്ധമായ അസുഖമുള്ള ഉപയോക്താക്കൾ 12 ഇഞ്ച് അല്ലെങ്കിൽ 30 സെന്റിമീറ്റർ അകലത്തിലും ഐഫോൺ , മാഗ് സേഫ് ആക്സസറികൾ സുരക്ഷിതമായി സൂക്ഷിക്കണമെന്ന് ആപ്പിൾ പറയുന്നു . ഐഫോൺ 12 നെക്കുറിച്ച് ഒരു ഹെൽത്ത് പേപ്പർ പുറത്തിറക്കിയതിന് ശേഷമാണ് ഈ വിവരം പുറത്തുവിടുന്നത് . ഐഫോൺ 12 പ്രത്യേകിച്ചും അപ്പർ പാക്കറുകളിൽ സൂക്ഷിക്കുന്നത് ഒരു രോഗിയുടെ ജീവൻ രക്ഷിക്കാനുള്ള ചികിത്സയെ തടസ്സപ്പെടുത്തുമെന്ന് റിപ്പോർട്ട് വ്യക്തമാക്കി .

ഫോണിന് മാഗ് സേഫ് ആക്സസറികളുമായി പൊരുത്തപ്പെടുന്നതിന് ഐഫോൺ 12 സീരീസിൽ സെൻട്രലൈസ്ഡ് ചാർജിംഗ് കോയിലിന് ചുറ്റും വൃത്താകൃതിയിലുള്ള കാന്തങ്ങൾ ഉണ്ടെന്ന് പേപ്പർ കുറിക്കുന്നു. മാഗ് സേഫിൽ ഒരു മാഗ്നറ്റോമീറ്ററും സിംഗിൾ കോയിലും നിയർ ഫീൽഡ് കമ്മ്യൂണിക്കേഷൻസ് (എൻഎഫ്സി) റീഡർ അടങ്ങിയിരിക്കുന്നുവെന്ന് ഇത് രേഖപ്പെടുത്തുന്നു . ഈ കാന്തങ്ങൾ പിന്നീട് വയർലെസ് ചാർജറിലും മറ്റ് പെരിഫറൽ ആക്സസറികളിലും ഐഫോൺ വിന്യസിക്കാൻ സഹായിക്കുകയും വയർലെസ് ചാർജിംഗ് വേഗത 15 വാട്ട്സ് വരെ വർദ്ധിപ്പിക്കുകയും ചെയ്യുന്നു . എല്ലാ ഐഫോൺ 12 മോഡലുകളിലും മുമ്പത്തെ ഐഫോൺ മോഡലുകളേക്കാൾ കൂടുതൽ കാന്തങ്ങൾ അടങ്ങിയിട്ടുണ്ടെങ്കിലും , മുൻ ഐഫോൺ മോഡലുകളേക്കാൾ മെഡിക്കൽ ഉപകരണങ്ങളിൽ കാന്തിക ഇടപെടലിന് കൂടുതൽ അപകടസാധ്യതയുണ്ടെന്ന് ആപ്പിൾ അതിന്റെ സപ്പോർട്ട് പേജിൽ കുറിക്കുന്നു . ‘ ഇംപ്ലാന്റ് ചെയ്ത് പേസ് മേക്കറുകൾ , ഡീഫിബ്രിലേറ്ററുകൾ എന്നിവ പോലുള്ള മെഡിക്കൽ ഉപകരണങ്ങൾ കാന്തങ്ങളോടും റേഡിയോകളോടും പ്രതികരിക്കുന്ന സെൻസറുകൾ അടങ്ങിയിരിക്കാമെന്നും ആപ്പിൾ വെബ്സൈറ്റിലെ കുറിപ്പിൽ വ്യക്തമാക്കി.

LEAVE A REPLY

Please enter your comment!
Please enter your name here

Most Popular

Recent Comments