THE NEWS PLUS PORTAL FOR THE DISCERNING INDIANS OVER THE GLOBE

Wednesday, December 1, 2021

THE NEWS PLUS PORTAL FOR THE DISCERNING INDIANS OVER THE GLOBE

Home America മോഡേണ വാക്സിൻ അംഗീകരിച്ച് ലോകാരോഗ്യ സംഘടന

മോഡേണ വാക്സിൻ അംഗീകരിച്ച് ലോകാരോഗ്യ സംഘടന

ജനീവ: യുഎസ് സ്ഥാപനമായ മോഡേണ വികസിപ്പിച്ച കൊവിഡ് 19 പ്രതിരോധ വാക്സിന് അംഗീകാരവുമായി ലോകാരോഗ്യ സംഘടന. ഓക്സ്ഫഡ് സര്‍വകലാശാല വികസിപ്പിച്ച ആസ്ട്രസെനക്ക വാക്സിനും (കൊവിഷീൽഡ്) ഫൈസര്‍ ബയോൻടെക് വാക്സിനും ജോൺസൺ ആൻ്റ് ജോൺസൺ വാക്സിനും ശേഷം ലോകാരോഗ്യസംഘടന അംഗീകരിക്കുന്ന നാലാമത്തെ കൊവിഡ് പ്രതിരോധ വാക്സിനാണിത്.

വരും ദിവസങ്ങളിൽ ചൈന വികസിപ്പിച്ച സിനോഫാം, സിനോവാക് വാക്സിനുകള്‍ക്കും ലോകാരോഗ്യ സംഘടന അംഗീകാരം നല്‍കുമെന്നാണ് ലോകാരോഗ്യ സംഘടനയെ ഉദ്ധരിച്ചുള്ള അസോസിയേറ്റഡ് പ്രസ് റിപ്പോര്‍ട്ട്. നിര്‍മാതാക്കളിൽ നിന്ന് കൂടുതൽ വിവരങ്ങള്‍ ലഭിക്കേണ്ടതിനാൽ മാസങ്ങളോളം വൈകിയാണ് മോഡേണ വാക്സിന് ലോകാരോഗ്യസംഘടന അംഗീകാരം നല്‍കുന്നത്.

വാക്സിനുകളുടെ ക്ലിനിക്കൽ പരീക്ഷണങ്ങള്‍ നടത്താനും ഗുണനിലവാരം പരിശോധിക്കാനും വിപുലമായ സൗകര്യങ്ങളില്ലാത്ത രാജ്യങ്ങള്‍ ലോകാരോഗ്യസംഘടനയുടെ അംഗീകാരമാണ് കൊവിഡ് 19 വാക്സിൻ വിതരണത്തിന് മാനദണ്ഡമാക്കുന്നത്. കൂടാതെ അടിയന്തര ഘട്ടങ്ങളിൽ കുട്ടികള്‍ക്ക് വാക്സിൻ നല്‍കാൻ യൂണിസെഫ് ഉപയോഗിക്കുന്നതും ലോകാരോഗ്യസംഘടനയുടെ പട്ടികയാണ്.

അതേസമയം, ലോകാരോഗ്യസംഘടനയുടെ അംഗീകാരം ലഭിച്ചെങ്കിലും വികസ്വര രാജ്യങ്ങളിലേയ്ക്ക് മോഡേണ വാക്സിൻ ഉടൻ എത്തിയേക്കില്ലെന്നാണ് റിപ്പോര്‍ട്ട്. ധനികരാജ്യങ്ങള്‍ മുൻകൂട്ടി ഓര്‍ഡര്‍ ചെയ്ത കോടിക്കണക്കിന് ഡോസ് വാക്സിൻ ഇനിയും വിതരണം ചെയ്യാനുണ്ടെന്ന സാഹചര്യത്തിലാണ് വാക്സിൻ വിതരണം വൈകുന്നത്. അതേസമയം, ദരിദ്രരാജ്യങ്ങളിലേയ്ക്ക് വാക്സിൻ എത്തിക്കാനുള്ള കൊവാക്സ് ഉള്‍പ്പെടെയുള്ള പദ്ധതികളുമായി സഹകരിക്കാനുള്ള സാധ്യതകള്‍ പരിശോധിക്കുകയാണെന്ന് മോഡേണ സിഇഓ സ്റ്റെഫാൻ ബാൻസെൽ പറഞ്ഞു.

നിലവിൽ മറ്റു രാജ്യങ്ങള്‍ക്ക് വൻതോതിൽ വാക്സിൻ ഉത്പാദിപ്പിച്ച് വിതരണം ചെയ്യുന്നതിനാൽ തങ്ങളുടെ കൊവിഡ് 19 വാക്സിൻ ഇന്ത്യയിൽ ഉടൻ വിതരണം ചെയ്യേണ്ടെന്നാണ് മോഡേണയുടെ നിലപാടെന്നാണ് റിപ്പോര്‍ട്ടുകള്‍. ജോൺസൺ ആൻ്് ജോൺസൺ അടക്കമുള്ള വിദേശ കമ്പനികള്‍ ഇന്ത്യയിൽ വാക്സിൻ പുറത്തിറക്കാനുള്ള നപടികളുമായി മുന്നോട്ടു പോകുന്നതിനിടെയാണിത്.

LEAVE A REPLY

Please enter your comment!
Please enter your name here

Most Popular

Recent Comments