THE NEWS PLUS PORTAL FOR THE DISCERNING INDIANS OVER THE GLOBE

Saturday, December 4, 2021

THE NEWS PLUS PORTAL FOR THE DISCERNING INDIANS OVER THE GLOBE

Home America വാക്സിനെടുത്തവർക്ക് മാസ്ക് ധരിക്കാതെ പുറത്തിറങ്ങാൻ അനുവാദം നൽകി അമേരിക്ക

വാക്സിനെടുത്തവർക്ക് മാസ്ക് ധരിക്കാതെ പുറത്തിറങ്ങാൻ അനുവാദം നൽകി അമേരിക്ക

വാഷിങ്ടൺ: കൊവിഡ് വാക്സിനേഷൻ പൂർത്തിയായവർക്ക് മാസ്ക് ധരിക്കാതെ പുറത്തിറങ്ങാൻ അനുവാദം നൽകി അമേരിക്ക. അതേസമയം മാസ്ക് നിർബന്ധമുള്ള പൊതുസ്ഥലങ്ങളിൽ അവ ധരിക്കണമെന്നും യുഎസ് സെന്‍റർ ഫോർ ഡിസീസ് കൺട്രോൾ ആൻഡ് പ്രിവൻഷൻ (സിഡിസി) അറിയിച്ചു.

യുഎസിൽ പ്രായപൂർത്തിയായ പൗരന്മാരിൽ പകുതിയിലധികം പേരും ആദ്യ ഡോസ് കൊവിഡ് വാക്സിൻ സ്വീകരിച്ചതിന് പിന്നാലെയാണ് അധികൃതർ മാർഗനിർദേശങ്ങളിൽ മാറ്റം വരുത്തിയത്. വാക്സിനേഷൻ പൂർത്തിയായവർക്ക് വീട്ടിൽ നിന്ന് പുറത്തിറങ്ങുമ്പോൾ ഇനി മാസ്ക് ധരിക്കണമെന്നില്ല. അതേസമയം മാസ്ക് നിർബന്ധമാക്കിയിട്ടുള്ള പൊതുസ്ഥലങ്ങളിലേക്കാണ് പോകുന്നതെങ്കിൽ അവ ധരിക്കണമെന്നും മാർഗനിർദേശത്തിലുണ്ടെന്ന് വാർത്താ ഏജൻസിയായ റോയ്ട്ടേഴ്സ് റിപ്പോർട്ട് ചെയ്തു.

കൊവിഡ് വാക്സിനേഷൻ പൂർത്തിയാക്കുന്ന അമേരിക്കക്കാർക്ക് മഹാമാരിയുടെ പശ്ചാത്തലത്തിൽ അവർ നിർത്തിവെച്ച പ്രവർത്തനങ്ങൾ പുനരാരംഭിക്കുന്നതിനുള്ള ആദ്യ പടിയായാണ് മാർഗനിർദേശങ്ങൾ പുറത്തിറക്കുന്നത്. അതേസമയം മറ്റുള്ളവരിലേക്ക് വൈറസ് പകരാനുള്ള സാധ്യതയെക്കുറിച്ച് ബോധവാന്മാരാകണമെന്നും സിഡിസി പറയുന്നു.

കൊവിഡ് വ്യാപനത്തെ പ്രതിരോധിക്കാനുള്ള ഏറ്റവും ഫലപ്രദമായ വഴികളിലൊന്നായാണ് മാസ്ക് ഉപയോഗത്തെ കണക്കാക്കുന്നത്. യുഎസിൽ പുതിയ കൊവിഡ് കേസുകളിൽ 16 ശതമാനത്തിന്‍റെ കുറവാണ് കഴിഞ്ഞയാഴ്ച ഉണ്ടായത്. രാജ്യത്ത് ആദ്യ ഡോസ് വാക്സിൻ സ്വീകരിച്ചവരുടെ എണ്ണം 140 മില്യൺ കടന്നെന്നാണ് റിപ്പോർട്ടുകൾ വ്യക്തമാക്കുന്നത്. ഫൈസർ, മോഡേണ, ജോൺസൺ ആൻഡ് ജോൺസൺ വാക്സിനുകളാണ് അമേരിക്കയിൽ ജനങ്ങൾ സ്വീകരിക്കുന്നത്.

LEAVE A REPLY

Please enter your comment!
Please enter your name here

Most Popular

Recent Comments