THE NEWS PLUS PORTAL FOR THE DISCERNING INDIANS OVER THE GLOBE

Wednesday, December 8, 2021

THE NEWS PLUS PORTAL FOR THE DISCERNING INDIANS OVER THE GLOBE

Home America 'മതസ്വാതന്ത്രമില്ല, മോദി സർക്കാർ ഹിന്ദുത്വ നിലപാടുകൾക്കൊപ്പം': ഇന്ത്യയെ കരിമ്പട്ടികയിൽ ചേർക്കണമെന്ന് യുഎസ് കമ്മീഷൻ

‘മതസ്വാതന്ത്രമില്ല, മോദി സർക്കാർ ഹിന്ദുത്വ നിലപാടുകൾക്കൊപ്പം’: ഇന്ത്യയെ കരിമ്പട്ടികയിൽ ചേർക്കണമെന്ന് യുഎസ് കമ്മീഷൻ

വാഷിങ്‌ടൺ: മതസ്വാതന്ത്രത്തിനെതിരെ വർധിച്ചുവരുന്ന ആശങ്കാജനകമായ സാഹചര്യത്തിൽ ഇന്ത്യയെ കരിമ്പട്ടികയിൽ ഉൾപ്പെടുത്തണമെന്ന് യുഎസ് കമ്മീഷൻ. മതസ്വാതന്ത്രങ്ങൾക്കെതിരെ ഇന്ത്യൻ ഭരണകൂടം നിഷേധാത്മക നിലപാടാണ് സ്വീകരിക്കുന്നതെന്ന് സ്വതന്ത്ര സർക്കാർ പാനലായ യുഎസ് കമ്മീഷൻ ഓൺ ഇൻ്റർനാഷണൽ റിലീജിയസ് ഫ്രീഡം വ്യക്തമാക്കിയതായി അൽജസീറ റിപ്പോർട്ട് ചെയ്‌തു.

ഇന്ത്യയിലെ മത ന്യൂനപക്ഷങ്ങൾക്കെതിരെ ഭരണകൂടം സ്വീകരിക്കുന്ന നിലപാടുകളെ മുൻപും കമ്മീഷൻ രൂക്ഷമായ ഭാഷയിൽ വിമർശിച്ചിരുന്നു. ഇന്ത്യയെ കൂടാതെ റഷ്യ, വിയറ്റ്‌നാം, സിറിയ എന്നീ രാജ്യങ്ങളെയുംകരിമ്പട്ടികയിൽ ചേർക്കണമെന്ന് കമ്മീഷൻ ആവശ്യപ്പെടുന്നുണ്ട്.

നരേന്ദ്ര മോദി സർക്കാരിനെ പേരെടുത്ത് പറഞ്ഞാണ് കമ്മീഷൻ വിമർശിക്കുന്നത്. “പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള സർക്കാർ ഹിന്ദുത്വത്തെയും സമാന നയങ്ങളെയും പ്രോത്സാഹിപ്പിക്കുകയാണ്. ഇതിൻ്റെ ഫലമായി മതസ്വാതന്ത്രം ലംഘിക്കപ്പെടുകയാണ്. ആസൂത്രിതമായ ഇത്തരം പ്രവർത്തനങ്ങൾ തുടർച്ചയായി നടക്കുന്നുണ്ട്” – എന്നും കമ്മീഷൻ വ്യക്തമാക്കുന്നുണ്ട്.

പൗരത്വ നിയമവുമായി ബന്ധപ്പെട്ട് ഡൽഹിയിലുണ്ടായ കലാപം ചൂണ്ടിക്കാട്ടിയാണ് കമ്മീഷൻ്റെ നിരീക്ഷണം. ഡൽഹി കലപാങ്ങളിൽ മുസ്ലീം വിഭാഗങ്ങൾക്കെതിരെയുണ്ടായ പോലീസ് നടപടികളും പൗരത്വ നിലപാടുകളെക്കുറിച്ചുള്ള പ്രധാനമന്ത്രിയുടെ നിലപാടും കമ്മീഷൻ ചൂണ്ടിക്കാട്ടി. അതേസമയം, കമ്മീഷൻ്റെ റിപ്പോർട്ടിനോട് പ്രതികരിക്കാൻ കേന്ദ്ര സർക്കാർ വൃത്തങ്ങൾ ഇതുവരെ തയ്യാറായിട്ടില്ല. കമ്മീഷൻ മുൻപ് നടത്തിയ നിരീക്ഷങ്ങളെ കേന്ദ്ര സർക്കാർ തള്ളിക്കളഞ്ഞിരുന്നു.

ആശങ്കയുണ്ടാക്കുന്ന രാജ്യങ്ങളുടെ പട്ടികയിലാണ് ഇന്ത്യയെ കമ്മീഷൻ ഉൾപ്പെടുത്തിയിരിക്കുന്നത്. ചൈന, എറിത്രിയ, ഇറാൻ, മ്യാൻമർ, വടക്കൻ കൊറിയ, പാകിസ്ഥാൻ, സൗദി അറേബ്യ, താജിക്കിസ്ഥാൻ, തുർക്ക്മെനിസ്‌താൻ എന്നീ രാജ്യങ്ങളെയാണ് യുഎസ് റിലീജിയസ് ഫ്രീഡം പാനലിൻ്റെ കരിമ്പട്ടികയിലുള്ള രാഷ്ട്രങ്ങൾ. സാമ്പത്തിക ഉപരോധമടക്കമുള്ള നടപടികൾ ഈ രാജ്യങ്ങൾക്ക് മേൽ ചുമത്തണമെന്നാണ് കമ്മീഷ ആവശ്യപ്പെടുന്നത്.

കമ്മീഷൻ്റെ മുൻപത്തെ റിപ്പോർട്ടിൽ കശ്‌മീരിൻ്റെ പ്രത്യേക പദവി എടുത്ത് കളഞ്ഞ മോദി സർക്കാരിൻ്റെ തീരുമാനവും ബംഗ്ലാദേശിൽനിന്നുള്ള മുസ്ലീ കുടിയേറ്റക്കാരെ ‘ചിതലുകൾ’ എന്ന് വിളിച്ച അമിത് ഷായുടെ പ്രസ്‌താവനയും ഉൾപ്പെട്ടിരുന്നു.

റോഹിംഗ്യൻ വിഭാഗങ്ങളെ ലക്ഷ്യമാക്കി നടത്തിയ പ്രവർത്തനങ്ങളാണ് മ്യാന്മറിന് തിരിച്ചടിയായത്. ബുദ്ധമതം, ക്രിസ്‌ത്യൻ, ഇസ്ലാം എന്നീ മതവിശ്വാസികൾക്കെതിരെ സർക്കാർ നടത്തുന്ന നടപടികളാണ് ചൈനയ്‌ക്കെതിരെ തിരിയാൻ കമ്മീഷനെ പ്രേരിപ്പിച്ചത്.

LEAVE A REPLY

Please enter your comment!
Please enter your name here

Most Popular

Recent Comments