THE NEWS PLUS PORTAL FOR THE DISCERNING INDIANS OVER THE GLOBE

Thursday, September 23, 2021

THE NEWS PLUS PORTAL FOR THE DISCERNING INDIANS OVER THE GLOBE

Home America തര്‍ക്ക വിഷയങ്ങളില്‍ ഖത്തറിൻ്റെ മധ്യസ്ഥ ശ്രമങ്ങള്‍ക്ക് അമേരിക്കൻ പിന്തുണ

തര്‍ക്ക വിഷയങ്ങളില്‍ ഖത്തറിൻ്റെ മധ്യസ്ഥ ശ്രമങ്ങള്‍ക്ക് അമേരിക്കൻ പിന്തുണ

വാഷിംഗ്ടണ്‍: വാഷിംഗ്ടണിലെത്തിയ ഖത്തര്‍ വിദേശകാര്യ മന്ത്രി അമേരിക്കന്‍ വിദേശകാര്യ മന്ത്രി ആന്റണി ബ്ലിങ്കനുമായി കൂടിക്കാഴ്ച നടത്തി. മിഡില്‍ ഈസ്റ്റിലെ തര്‍ക്ക വിഷയങ്ങളില്‍ ഖത്തര്‍ നടത്തി വരുന്ന മധ്യസ്ഥ ശ്രമങ്ങള്‍ക്ക് അമേരിക്ക പിന്തുണ ഉറപ്പാക്കിയെന്ന് വിദേശകാര്യ മന്ത്രിയെ ഉദ്ധരിച്ച് പ്രാദേശിക പത്രം റിപ്പോര്‍ട്ട് ചെയ്തു.

നിലവില്‍ അഫ്ഗാന്‍, യെമന്‍, സിറിയ തുടങ്ങിയ വിഷയങ്ങളില്‍ അമേരിക്ക മികച്ച മധ്യസ്ഥ പങ്കാളിയെ തേടുന്നുണ്ട്. അഫ്ഗാനില്‍ നിന്നും സൈന്യത്തെ പിന്‍വലിക്കാന്‍ തീരുമാനിച്ച അമേരിക്കയുടെ നിലപാട് നിലവില്‍ അഫ്ഗാനില്‍ താലിബാന്റെ വളര്‍ച്ചക്ക് സഹായകരമായി എന്ന പൊതു അഭിപ്രായമാണ് മേഖലയിലുള്ളത്.

അഫ്ഗാന്‍ പ്രശ്‌നം രമ്യമായി പരിഹരിക്കാന്‍ ഖത്തര്‍ മധ്യസ്ഥതയില്‍ നടക്കുന്ന അഫ്ഗാന്‍ ചര്‍ച്ചകള്‍ കൊണ്ട് സാധിക്കുമെന്നും അമേരിക്ക കണക്ക് കൂട്ടുന്നു. ഖത്തര്‍ വിദേശകാര്യ മന്ത്രിയുമായുള്ള കൂടിക്കാഴ്ചക്ക് ശേഷം തര്‍ക്ക വിഷയങ്ങളില്‍ ഖത്തര്‍ നടത്തി വരുന്ന മധ്യസ്ഥ ശ്രമങ്ങളെ അഭിനന്ദിച്ചു കൊണ്ട് ബ്ലിങ്കന്‍ പ്രത്യേക പ്രസ്താവന നടത്തിയതും ശ്രദ്ധേയമായി.

LEAVE A REPLY

Please enter your comment!
Please enter your name here

Most Popular

Recent Comments