THE NEWS PLUS PORTAL FOR THE DISCERNING INDIANS OVER THE GLOBE

Thursday, March 4, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news ജിഡിപി 7.5 ശതമാനം ഇടിഞ്ഞു; രാജ്യം സാങ്കേതിക സാമ്പത്തിക മാന്ദ്യത്തിലേക്ക്, ചരിത്രത്തില്‍ ആദ്യം

ജിഡിപി 7.5 ശതമാനം ഇടിഞ്ഞു; രാജ്യം സാങ്കേതിക സാമ്പത്തിക മാന്ദ്യത്തിലേക്ക്, ചരിത്രത്തില്‍ ആദ്യം

ന്യൂഡല്‍ഹി: രാജ്യത്തിന്റെ മൊത്ത ആഭ്യന്തര ഉത്പാദനം (ജിഡിപി) 202021 രണ്ടാം പാദത്തില്‍ 7.5 ശതമാനം ഇടിഞ്ഞതായി റിപ്പോര്‍ട്ട്. ജൂലൈ സെപ്റ്റംബര്‍ കാലയളവിലാണ് ഇടിവ് രേഖപ്പെടുത്തിയത്. സ്റ്റാറ്റിസ്റ്റിക്‌സ് ആന്‍ഡ് പ്രോഗ്രാം ഇപ്ലിമെന്റേഷന്‍ മന്ത്രാലയമാണ് ഇതുമായി ബന്ധപ്പെട്ട കണക്ക് പുറത്തുവിട്ടത്. കൊവിഡിനെ തുടര്‍ന്ന് കഴിഞ്ഞ സാമ്പത്തിക പാദത്തില്‍ 23.9 ശതമാനം ഇടിവാണ് രേഖപ്പെടുത്തിയത്. രണ്ട് പാദങ്ങളില്‍ തുടര്‍ച്ചയായി ഇടിവ് രേഖപ്പെടുത്തിയതോടെ രാജ്യത്തിന്റെ സമ്പദ് വ്യവസ്ഥ സാങ്കേതിക മാന്ദ്യത്തിലേക്ക് കടക്കുകയാണെന്നാണ് പുറത്തുവിട്ട കണക്കുകളില്‍ നിന്നും വ്യക്തമാക്കുന്നത്.

ഈവര്‍ഷം മാത്രം ഇന്ത്യയുടെ സമ്പദ വ്യവസ്ഥ മൊത്തത്തില്‍ 8.1 ശതമാനം ഇടിവാണ് രേഖപ്പെടുത്തിയത്. ഇതിന് മുമ്പത്തെ വര്‍ഷം ഇതേ കാലയളവില്‍ രേഖപ്പെടുത്തിയതിനേക്കാള്‍ ഇടിവ് തുടര്‍ച്ചയായ രണ്ട് പാദങ്ങളില്‍ രേഖപ്പെടുത്തുന്നതോടെയാണ് രാജ്യം ചരിത്രത്തില്‍ ആദ്യമായി സാങ്കേതിക സാമ്പത്തിക മാന്ദ്യത്തിലേക്ക് എത്തുന്നതായി കണക്കാക്കുന്നത്. നാല് ദശാബ്ദങ്ങള്‍ക്കിടെയിലെ ഏറ്റവും മോശം അവസ്ഥയാണെന്നാണ് ഇതിനെ വിലയിരുത്തുന്നത്.

തുടര്‍ച്ചയായ രണ്ടാം പാദത്തിലും സാമ്പത്തിക മേഖ തളര്‍ച്ച രേഖപ്പെടുത്തുന്നതോടെ ഇന്ത്യന്‍ സമ്പദ് രംഗം മാന്ദ്യം എന്ന അവസ്ഥയിലെത്തുമെന്ന് നേരത്തെ റിസര്‍ന് ബാങ്ക് പുറത്തുവിട്ട പഠന റിപ്പോര്‍ട്ടില്‍ വ്യക്തമാക്കിയിരുന്നു. അതേസമയം, കൊവിഡ് വാക്‌സിന്‍ വിതരണം ചെയ്യുന്നതോടെ സമ്പദ് വ്യവസ്ഥയെ ഉത്തേജിപ്പിക്കാമെന്നാണ് വിദഗ്ദര്‍ അഭിപ്രായപ്പെടുന്നത്. കൊവിഡ് ലോക്ഡൗണില്‍ തകര്‍ന്ന ഇന്ത്യന്‍ സമ്പദ്‌വ്യവസ്ഥ തിരിച്ചുവരവിന്റെ പാതയിലാണെന്ന് റിസര്‍വ് ബാങ്ക് ഗവര്‍ണറും അഭിപ്രായപ്പെട്ടിരുന്നു.

LEAVE A REPLY

Please enter your comment!
Please enter your name here

Most Popular

Recent Comments