ന്യൂയോർക്ക് : ന്യൂയോർക്കിലുണ്ടായ വിമാനാപകടത്തിൽ ഇന്ത്യൻ വംശജയായ ഡോക്ടറും കുടുംബവും കൊല്ലപ്പെട്ടു. ശനിയാഴ്ചയാണ് സ്വകാര്യ വിമാനം തകർന്നുവീണ് അപകടമുണ്ടായത്.
കൊല്ലപ്പെട്ടവരിൽ കായികതാരവും ഉൾപ്പെടുന്നു. ആറുപേരാണ് വിമാനത്തിലുണ്ടായിരുന്നത്. കാറ്റ്സ്കിൽസിലേക്ക് വിനോദയാത്ര പോവുകയായിരുന്ന കുടുംബം സഞ്ചരിച്ച ഇരട്ട എൻജിൻ മിത്സുബിഷി MU- 2B വിമാനമാണ് കോപാക്കിലെ മഡ്ഡി ഫീൽഡിൽ തകർന്നുവീണത്.
ഇന്ത്യൻ വംശജയായ യൂറോഗെനക്കോളജിസ്റ്റ് ഡോ. ജോയ് സെനി, ഭർത്താവും ന്യൂറോസയന്റിസ്റ്റുമായ ഡോ. മൈക്കിൾ ഗ്രോഫ്, മകൾ കരേന ഗ്രോഫ്, സുഹൃത്ത് ജെയിംസ് സാന്റോറോ, മകൻ ജേർഡ് ഗ്രോഫ്, പങ്കാളി അലക്സിയ എന്നിവരാണ് വിമാനത്തിലുണ്ടായിരുന്നത്.
എല്ലാവരും അപകടത്തിൽ കൊല്ലപ്പെട്ടു. വെസ്റ്റ്ചെസ്റ്റർ കൗണ്ടി എയർപോർട്ടിൽ നിന്നും കൊളംബിയ കൗണ്ടി എയർപോർട്ടിലേക്ക് പുറപ്പെട്ടതായിരുന്നു വിമാനം.
