THE NEWS PLUS PORTAL FOR THE DISCERNING INDIANS OVER THE GLOBE

Wednesday, September 28, 2022

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news പ്രവാസി ഇന്ത്യക്കാര്‍ക്കും വോട്ട് ചെയ്യാം; ഇലട്രോണിക് പോസ്റ്റല്‍ വോട്ട് ഏര്‍പ്പെടുത്തുമെന്ന് ഇലക്ഷന്‍ കമ്മിഷന്‍

പ്രവാസി ഇന്ത്യക്കാര്‍ക്കും വോട്ട് ചെയ്യാം; ഇലട്രോണിക് പോസ്റ്റല്‍ വോട്ട് ഏര്‍പ്പെടുത്തുമെന്ന് ഇലക്ഷന്‍ കമ്മിഷന്‍

ന്യൂഡല്‍ഹി: പ്രവാസി ഇന്ത്യക്കാര്‍ക്ക് ഇലട്രോണിക് പോസ്റ്റല്‍ വോട്ട് സൗകര്യം ഏര്‍പ്പെടുത്താന്‍ തയ്യാറാണെന്ന് കേന്ദ്ര തിരഞ്ഞെടുപ്പ് കമ്മിഷന്‍ അറിയിച്ചു. ഇതുമായി ബന്ധപ്പെട്ട് സാങ്കേതികമായും സാംസ്‌കാരികവുമായും തയ്യാറായതായി തിരഞ്ഞൈടുപ്പ് കമ്മിഷന്‍ കേന്ദ്ര നിയമമന്ത്രാലയത്തെ അറിയിച്ചു. അടുത്ത വര്‍ഷം ഏപ്രില്‍, മേയ് മാസങ്ങളില്‍ നടക്കുന്ന കേരളം ഉള്‍പ്പടെയുള്ള നിയമസഭ തിരഞ്ഞെടുപ്പുകളില്‍ പ്രവാസി ഇന്ത്യക്കാര്‍ക്ക് വോട്ട് ചെയ്യാന്‍ സാധിക്കുമെന്നാണ് വിവരം.

adpost

ഇതുമായി ബന്ധപ്പെട്ടുള്ള മാര്‍ഗ രേഖയും തിരഞ്ഞെടുപ്പ് കമ്മിഷന്‍ നിയമമന്ത്രാലയത്തെ അറിയിച്ചിട്ടുണ്ട്. പ്രവാസി ഇന്ത്യക്കാരില്‍ വോട്ട് ചെയ്യാന്‍ ആഗ്രഹിക്കുന്നവര്‍ തിരഞ്ഞെടുപ്പ് വിജ്ഞാപനം പുറത്തുവന്ന് അഞ്ച് ദിവസത്തിനുള്ളില്‍ വോട്ട് ചെയ്യാനുള്ള ആഗ്രഹം റിട്ടേണിംഗ് ഓഫീസറെ അറിയിക്കണം. തുടര്‍ന്ന് ബാലറ്റ് പേപ്പര്‍ റിട്ടേണിംഗ് ഓഫീസര്‍ ഇമെയിലിലൂടെ വോട്ടര്‍ക്ക് അയച്ചുനല്‍കും. ബാലറ്റ് പേപ്പറിന്റെ പ്രിന്റ് എടുത്തതിന് ശേഷം വോട്ട് രേഖപ്പെടു്തി ഏത് രാജ്യത്താണോ താമസിക്കുന്നത് ആ രാജ്യത്തെ ഇന്ത്യന്‍ എംബസി ജീവനക്കാരുടെ സാക്ഷ്യപത്രത്തോട് ഒപ്പം മടക്കി അയക്കണം.

adpost

അതേസമയം, വോട്ട് രേഖപ്പെടുത്തിയ ബാലറ്റ് പേപ്പര്‍ തിരികെ പോസ്റ്റ് വഴി അയയ്ക്കുകയാണോ അതോ എംബസിക്ക് കൈമാറുകയാണോ എന്ന് സംബന്ധിച്ച വ്യക്തത വന്നിട്ടില്ല. നിലവില്‍ സര്‍വീസ് ജീവനക്കാര്‍ക്ക് മാത്രമേ പോസ്റ്റല്‍ വോട്ടിംഗ് സമ്പ്രദായം നിലവിലിള്ളൂ. പ്രവാസി ഇന്ത്യക്കാര്‍ക്ക് ഈ വോട്ടിംഗ് രീതി സാധ്യമാകണമെങ്കില്‍ 1961ലെ തിരഞ്ഞെടുപ്പ് ചട്ടത്തില്‍ കേന്ദ്രസര്‍ക്കാര്‍ ഭേദഗതി കൊണ്ടുവരേണ്ടതുണ്ട്. ഇതിന് പാര്‍ലമെന്റ് അംഗീകാരം ആവശ്യമില്ല.

LEAVE A REPLY

Please enter your comment!
Please enter your name here

Most Popular

Recent Comments

WP2Social Auto Publish Powered By : XYZScripts.com