THE NEWS PLUS PORTAL FOR THE DISCERNING INDIANS OVER THE GLOBE

Saturday, June 12, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news ഗ്രൂപ്പ് പോര് ഭയം: താരിഖ് അന്‍വറിന്റെ സന്ദര്‍ശനം മാറ്റി

ഗ്രൂപ്പ് പോര് ഭയം: താരിഖ് അന്‍വറിന്റെ സന്ദര്‍ശനം മാറ്റി

ഡല്‍ഹി: കോൺഗ്രസിലെ ഗ്രൂപ്പ് പോര് അവസാനിക്കുന്നില്ല. കെപിസിസി അധ്യക്ഷനെ പ്രഖ്യാപിക്കുന്നതിന് മുന്നോടിയായി കേരളത്തില്‍ എത്താനിരുന്ന എഐസിസി ജനറല്‍ സെക്രട്ടറി താരിഖ് അന്‍വറിന്റെ സന്ദര്‍ശനം മാറ്റി. സംസ്ഥാനത്ത് ഇപ്പോള്‍ എത്തിയാല്‍ ഗ്രൂപ്പു നേതാക്കള്‍ കെപിസിസി/ ഡിസിസി അധ്യക്ഷ സ്ഥാനത്തേക്ക് ലിസ്റ്റുമായി വരുമെന്നതിനാലാണ് താരിഖ് അന്‍വര്‍ സന്ദര്‍ശനം ഒഴിവാക്കിയത്. ഇന്നോ നാളെയോ കെപിസിസി പ്രസിഡന്ടിനെ പ്രഖ്യാപിക്കാമെന്നാണ് ഹൈക്കമാന്‍ഡ് തീരുമാനിച്ചിട്ടുള്ളത്.

താരിഖ് അന്‍വര്‍ വന്നാല്‍ പദവികളിലേക്ക് പരിഗണിക്കാനായി പട്ടികയുമായി എ,ഐ ഗ്രൂപ്പ് നേതാക്കള്‍ കാത്തിരിക്കുകയായിരുന്നു. ഈ സാഹചര്യത്തില്‍ അവരെ കാണേണ്ടെന്ന് ഇതോടെ എഐസിസിയും നിര്‍ദേശിച്ചു. ഇന്നലെ രാഷ്ട്രീയകാര്യ സമിതിയംഗങ്ങളടക്കം 15 നേതാക്കന്‍മാരുമായി താരിഖ് അന്‍വര്‍ സംസാരിച്ചിരുന്നു.

അതേസമയം കെപിസിസി പ്രസിഡന്റിനൊപ്പം ഡിസിസി അധ്യക്ഷന്‍മാരെയും പ്രഖ്യാപിച്ചേക്കും. കെപിസിസി അധ്യക്ഷ സ്ഥാനത്തേക്ക് കെ സുധാകരനും പിടി തോമസുമാണ് അന്തിമ പട്ടികയില്‍ ഉള്ളത്. കെ സുധാകരനെ എതിര്‍ക്കുന്നവര്‍ അദ്ദേഹത്തിന്റെ പ്രായം പറയുന്നതിനാലാണ് സുധാകരനെക്കാള്‍ പ്രായം കുറഞ്ഞ പിടി തോമസിനെകൂടി അവസാന ഘട്ടത്തില്‍ പട്ടികയില്‍ പരിഗണിക്കാന്‍ തീരുമാനിച്ചത് .എങ്കിലും കെ സുധാകരന് തന്നെയാണ് സാധ്യത ഏറെയും.

LEAVE A REPLY

Please enter your comment!
Please enter your name here

Most Popular

Recent Comments