THE NEWS PLUS PORTAL FOR THE DISCERNING INDIANS OVER THE GLOBE

Saturday, December 4, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news കൊവിഡ് പ്രതിസന്ധി ചർച്ച ചെയ്യാൻ ഇന്ന് സർവകക്ഷി യോഗം

കൊവിഡ് പ്രതിസന്ധി ചർച്ച ചെയ്യാൻ ഇന്ന് സർവകക്ഷി യോഗം

തിരുവനന്തപുരം: സംസ്ഥാനത്തെ കൊവിഡ് 19 സാഹചര്യം ചര്‍ച്ച ചെയ്യാൻ ഇന്നു സര്‍വകക്ഷിയോഗം ചേരും. പുതിയ രോഗികളുടെ എണ്ണവും ടെസ്റ്റ് പോസിറ്റിവിറ്റി നിരക്കും അപകടകരമായ രീതിയിൽ ഉയര്‍ന്നു നിൽക്കുന്ന സാഹചര്യത്തിലാണ് പുതിയ നിയന്ത്രണങ്ങള്‍ ചര്‍ച്ച ചെയ്യാൻ സര്‍ക്കാര്‍ സര്‍വകക്ഷിയോഗം വിളിച്ചിരിക്കുന്നത്. സര്‍ക്കാരിൻ്റെ കൊവിഡ് പ്രതിരോധ പരിപാടികള്‍ക്ക് കഴിഞ്ഞ ദിവസം പ്രതിപക്ഷം പിന്തുണ പ്രഖ്യാപിച്ചിരുന്നു.

വോട്ടെണ്ണൽ ദിനത്തിൽ സ്വീകരിക്കേണ്ട കര്‍ശന നിയന്ത്രണങ്ങളും വാക്സിൻ ക്ഷാമുവും യോഗത്തിൽ ചര്‍ച്ചയാകും. മുഖ്യമന്ത്രിയുടെ അധ്യക്ഷതയിലാണ് യോഗം ചേരുന്നത്. പൊതുസ്ഥലങ്ങളിലും ആരാധനാലയങ്ങളിലും വരുംദിവസങ്ങളിൽ സ്വീകരിക്കേണ്ട നിയന്ത്രണവും സര്‍വകക്ഷിയോഗത്തിൽ തീരുമാനിക്കും.

മൂന്നാം ഘട്ട വാക്സിനേഷൻ്റെ നടപടികള്‍ എങ്ങനെ വേണമെന്ന് കൂടിയാലോചിക്കാൻ ഇന്ന് ചീഫ് സെക്രട്ടറിയുടെ അധ്യക്ഷതയിൽ ഉന്നതതല യോഗവും ചേരുന്നുണ്ട്. 18 വയസ്സു മുതൽ 45 വയസ്സു വരെയുള്ളവരുടെ വാക്സിനേഷൻ്റെ ചെലവ് കേന്ദ്രസര്‍ക്കാര്‍ ഏറ്റെടുക്കില്ലെന്ന് വ്യക്തമായ സാഹചര്യത്തിലാണ് യോഗം. ഈ പ്രായവിഭാഗത്തിലുള്ളവര്‍ സ്വകാര്യ വാക്സിനേഷൻ കേന്ദ്രങ്ങളിലോ സംസ്ഥാന സര്‍ക്കാരുകളുടെ വാക്സിനേഷൻ കേന്ദ്രങ്ങളിലോ വാക്സിൻ സ്വീകരിക്കണമെന്ന് കേന്ദ്ര ആരോഗ്യമന്ത്രാലയം ഇന്നലെ നിര്‍ദേശം പുറത്തിറക്കിയിരുന്നു.

ചികിത്സയിലുള്ള രോഗികളുടെ എണ്ണം കുതിച്ചുയരുന്ന സാഹചര്യത്തിൽ സംസ്ഥാനത്ത് ലോക്ക്ഡൗണിനു തുല്യമായ നിയന്ത്രണങ്ങള്‍ കൊണ്ടുവന്നേക്കുമെന്നാണ് റിപ്പോര്‍ട്ടുകള്‍. ഏപ്രിൽ 19-ാം തീയതി സംസ്ഥാനത്ത് ചികിത്സയിലുള്ള രോഗികളുടെ എണ്ണം ഒരു ലക്ഷം കടന്നിരുന്നു. ഒരാഴ്ച കൊണ്ട് ഇത് ഇരട്ടിയായി. ഈ സാഹചര്യത്തിൽ രോഗവ്യാപനം കുറയ്ക്കാനും രോഗികളുടെ എണ്ണം ഉയരാതെ പിടിച്ചു നിര്‍ത്താനുമാണ് ശ്രമം. എന്നാൽ ലോക്ക്ഡൗൺ വേണ്ടെന്നു തന്നെയാണ് പാര്‍ട്ടികളുടെ പൊതുവായ നിലപാട്. പൊതുസ്ഥലങ്ങളിലും ബീച്ചുകളിലും ആളുകള്‍ എത്തുന്നത് നിയന്ത്രിക്കാനുള്ള നടപടികളായിരിക്കും സ്വീകരിക്കുക. പ്ലസ് ടു പ്രാക്ടിക്കൽ പരീക്ഷകള്‍ മാറ്റി വെക്കുന്ന കാര്യത്തിലും ഇന്നു തീരുമാനമുണ്ടായേക്കും.

വോട്ടെണ്ണൽ ദിവസം സംസ്ഥാനത്ത് ലോക്ക്ഡൗൺ വേണമെന്ന് ആവശ്യപ്പെട്ടുള്ള ഹര്‍ജി ഹൈക്കോടതിയുടെ പരിഗണനയിലുണ്ട്. ഇക്കാര്യത്തിൽ എന്തു നിലപാട് സ്വീകരിക്കണമെന്ന് യോഗത്തിനു ശേഷം തീരുമാനിക്കും. എന്നാൽ ലോക്ക്ഡൗൺ വേണ്ടെന്നും ആഘോഷപരിപാടികള്‍ പരമാവധി ഒഴിവാക്കാമെന്നുമാണ് പാര്‍ട്ടികളുടെ നിലപാട്.

രാജ്യത്ത് നിലവിൽ നേരിടുന്ന വാക്സിൻ ക്ഷാമത്തിനിടെ 18 വയസിനു മുകളിലുള്ളവരുടെ വാക്സിനേഷൻ എങ്ങനെ നടപ്പാക്കണമെന്ന കാര്യത്തിലും ഇന്നു തീരുമാനമുണ്ടാകും. പണം കൊടുത്തു ജനങ്ങള്‍ വാക്സിനെടുക്കണമെന്ന കേന്ദ്രനയത്തെ യുഡിഎഫും എൽഡിഎഫും ഒരുപോലെ എതിര്‍ക്കുന്നുണ്ട്.

LEAVE A REPLY

Please enter your comment!
Please enter your name here

Most Popular

Recent Comments