THE NEWS PLUS PORTAL FOR THE DISCERNING INDIANS OVER THE GLOBE

Wednesday, December 1, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news അസമിൽ ബി.ജെ.പി തന്നെ

അസമിൽ ബി.ജെ.പി തന്നെ

ന്യൂഡൽഹി: അസമിൽ എൻഡിഎ സഖ്യത്തിന് ജയം. ആകെയുള്ള 126 സീറ്റുകളിൽ 73 സീറ്റുകളിലാണ് എൻഡിഎ വിജയിച്ചിരിക്കുന്നത്. കോൺഗ്രസ് നേതൃത്വം നൽകുന്ന മുന്നണിക്ക് 52 സീറ്റുകളാണ് ലഭിച്ചത്.

കോൺഗ്രസ്-എഐയുഡിഎഫ്-ബിപിഎഫ് സഖ്യത്തിൽ, കോൺഗ്രസ്-30, എഐയുഡിഎഫ്-16. ബിപിഎഫ്-5, സിപിഎം-1 എന്നിങ്ങനെയാണ് സീറ്റുനില. കഴിഞ്ഞതവണ 19 സീറ്റുകൾ ലഭിച്ച കോൺഗ്രസിന് നില മെച്ചപ്പെടുത്താൻ സാധിച്ചിട്ടുണ്ട്.

2016 ൽ കോൺഗ്രസ് നേതൃത്വം നൽകിയ മുന്നണിക്ക് 24 സീറ്റുകളായിരുന്നു. 60 സീറ്റുകളാണ് ബിജെപിക്ക് ലഭിച്ചത്. എജിപിക്ക് 14 സീറ്റുകളും ബോഡോലാൻഡ് പീപ്പിൾസ് ഫ്രണ്ട് പാർട്ടിക്ക് പന്ത്രണ്ട് സീറ്റുകളും ലഭിച്ചു. ഇവരെ കൂടെ നിർത്തി ശക്തമായ സഖ്യത്തിനാണ് ബിജെപി രൂപം നൽകിയത്.

ഇക്കുറി പൗരത്വ നിയമം, ദേശീയ പൗരത്വ രജിസ്റ്റ‍ര്‍ അടക്കമുള്ളവയായിരുന്നു അസമിലെ തെരഞ്ഞെടുപ്പ് ച‍ര്‍ച്ചാ വിഷയം. ഭരണം തിരികെ പിടിക്കുകയായിരുന്നു കോൺഗ്രസിന്റെ ലക്ഷ്യം. കോൺഗ്രസ് രൂപീകരിച്ച മുന്നണിക്ക് വലിയ മുന്നേറ്റം കാഴ്ചവെക്കാൻ സാധിച്ചില്ല.

അസമിലെ തദ്ദേശീയ‍ര്‍ക്ക് ബംഗാളിൽ നിന്നും കുടിയേറിയ മുസ്ലിങ്ങൾ ഭീഷണിയാകുമെന്ന പ്രചാരണമാണ് ബിജെപി നടത്തിയത്. വടക്കൻ അസമിലും അപ്പ‍ര്‍ അസമിലും പൗരത്വ രജിസ്റ്റ‍ര്‍ സംബന്ധിച്ച ച‍‍ര്‍ച്ചകൾ നടത്താൻ ബിജെപി ഭയന്നിരുന്നുവെന്നാണ് റിപ്പോ‍ര്‍ട്ട്. ഏതായാലും ബിജെപിയുടെ നീക്കങ്ങൾ ഫലം കണ്ടുവെന്നാണ് റിസൾട്ട് സൂചിപ്പിക്കുന്നത്.

LEAVE A REPLY

Please enter your comment!
Please enter your name here

Most Popular

Recent Comments