THE NEWS PLUS PORTAL FOR THE DISCERNING INDIANS OVER THE GLOBE

Wednesday, July 6, 2022

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news സ്വകാര്യ ആശുപത്രികളിലെ ചികിത്സാ നിരക്ക് ഏകീകരണം: ഹൈക്കോടതിയുടെ പ്രത്യേക സിറ്റിംഗ് ഇന്ന്

സ്വകാര്യ ആശുപത്രികളിലെ ചികിത്സാ നിരക്ക് ഏകീകരണം: ഹൈക്കോടതിയുടെ പ്രത്യേക സിറ്റിംഗ് ഇന്ന്

കൊച്ചി: കൊവിഡ് ചികിത്സയ്ക്ക് സ്വകാര്യ ആശുപത്രികള്‍ വൻ തുക ഈടാക്കുന്നതിന് എതിരായ ഹര്‍ജി ഇന്ന് ഹൈക്കോടതി പരിഗണിക്കും. പ്രത്യേക സിറ്റിംഗ് നടത്തിയാണ് ഹര്‍ജി പരിഗണിക്കുക.രാവിലെ 11 മണിയ്ക്ക് ജസ്റ്റീസ് ദേവൻ രാമചന്ദ്രൻ അടങ്ങിയ ഡിവിഷൻ ബഞ്ചാണ് ഹര്‍ജി പരിഗണിക്കുന്നത്.

കൊവിഡ് ചികിത്സയുടെ ഫീസ് നിരക്ക് നിശ്ചയിച്ച സര്‍ക്കാര്‍ ഉത്തരവ് സ്വകാര്യ ആശുപത്രികള്‍ പലരും പാലിക്കുന്നില്ലെന്നും ഈ സാഹചര്യത്തിൽ സമയബന്ധിതമായി ഒരു നയരൂപീകരണം ആവശ്യമാണെന്നും ഹൈക്കോടതി കഴിഞ്ഞ ദിവസം വ്യക്തമാക്കിയിരുന്നു.

സ്വകാര്യ ആശുപത്രികള്‍ അമിത നിരക്ക് ഈടാക്കുന്നതിനെതിരെ വ്യാപകമായ പരാതികളാണ് ലഭിക്കുന്നത്. പല കാര്യങ്ങള്‍ പറഞ്ഞാണ് തുക ഈടാക്കുന്നത്. പ്രതിദിനം രണ്ട് പിപിഇ കിറ്റുകളുടെ തുക ഓരോ രോഗിയില്‍ നിന്ന് ആശുപത്രി ഈടാക്കുന്നുണ്ട്. അമ്പത് രോഗികള്‍ ചികിത്സയിലുള്ള വാര്‍ഡില്‍ ഒരേ പിപിഇ കിറ്റ് ധരിച്ചാണ് ആരോഗ്യപ്രവര്‍ത്തകര്‍ നടക്കുന്നത്. എന്നാല്‍ അമ്പത് രോഗികളില്‍ നിന്നും രണ്ട് കിറ്റിനുള്ള തുക ഈടാക്കുന്നതായാണ് കാണുന്നത്. എന്തിനാണ് ഓരോ രോഗിയില്‍ നിന്നും രണ്ട് കിറ്റിനുള്ള തുക ഈടാക്കുന്നതെന്നും കോടതി കഴിഞ്ഞ ദിവസം ചോദിച്ചു.

ആശുപത്രികളുടെ കൊള്ളലാഭം അനുവദിക്കില്ലെന്നാണ് കോടതിയുടെ നിലപാട്. സ്വകാര്യ ആശുപത്രി മാനേജുമെന്റുകളേയും ഐഎംഎയെയും കോടതി കേസിൽ കക്ഷി ചേര്‍ത്തിട്ടുണ്ട്.

LEAVE A REPLY

Please enter your comment!
Please enter your name here

Most Popular

Recent Comments