THE NEWS PLUS PORTAL FOR THE DISCERNING INDIANS OVER THE GLOBE

Wednesday, December 8, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news ആശങ്കപ്പെടുത്തുന്നത് കേരളമടക്കമുള്ള എട്ട് സംസ്ഥാനങ്ങൾ: 15 ശതമാനം പേരിൽ ഗുരുതര ലക്ഷണങ്ങളെന്ന് ആരോഗ്യ മന്ത്രാലയം

ആശങ്കപ്പെടുത്തുന്നത് കേരളമടക്കമുള്ള എട്ട് സംസ്ഥാനങ്ങൾ: 15 ശതമാനം പേരിൽ ഗുരുതര ലക്ഷണങ്ങളെന്ന് ആരോഗ്യ മന്ത്രാലയം

ന്യൂഡൽഹി: കേരളമടക്കമുള്ള എട്ട് സംസ്ഥാനങ്ങളിലെ കൊവിഡ്-19 സാഹചര്യം ആശങ്കയുണ്ടാക്കുന്നതാണെന്ന് കേന്ദ്ര ആരോഗ്യ മന്ത്രാലയം. കൊവിഡ് വ്യാപനം രൂക്ഷമായതിനാൽ ലക്ഷണങ്ങൾ പ്രകടമായാൽ ഉടൻ സ്വയം നിരീക്ഷണത്തിൽ പ്രവേശിക്കണം. തുടക്കത്തിൽ തന്നെ രോഗം തിരിച്ചറിഞ്ഞാൽ നേട്ടമാണെന്നും ആരോഗ്യ മന്ത്രാലയം ജോയിൻ്റ് സെക്രട്ടറി ലവ് അഗർവാൾ പറഞ്ഞു.

സ്വയം നിരീക്ഷണത്തിൽ പ്രവേശിക്കുന്നതിന് കൊവിഡ് പരിശോധനാഫലം ലഭ്യമാകുന്നതുവരെ കാത്തിരിക്കേണ്ടതില്ല. കേരളത്തെ കൂടാതെ മഹാരാഷ്‌ട്ര, ഉത്തർപ്രദേശ്, കർണാടക, രാജസ്ഥാൻ, ഛത്തീസ്‌ഗഡ്, ഗുജറാത്ത്, തമിഴ്‌നാട് എന്നീ സംസ്ഥാനങ്ങളാണ് ആശങ്കയുണ്ടാക്കുന്നതെന്നും കേന്ദ്ര ആരോഗ്യ മന്ത്രാലയം വ്യക്തമാക്കി.

ഈ എട്ട് സംസ്ഥാനങ്ങളിലും കൊവിഡ് വ്യാപനം രൂക്ഷമാണ്. ഒരു ലക്ഷത്തിലധികം രോഗികൾ ഈ സംസ്ഥാനങ്ങളിലുണ്ട്. രോഗബാധിതരിൽ 15% പേർക്കാണ് ഗുരുതര ലക്ഷണങ്ങൾ കാണുന്നതെന്നും കേന്ദ്ര ആരോഗ്യ മന്ത്രാലയം അറിയിച്ചു.

കൊവിഡ് മാനദണ്ഡങ്ങൾ പാലിക്കാതെ ആശുപത്രികളിൽ സൗകര്യങ്ങൾ മെച്ചപ്പെടുത്തിയിട്ട് കാര്യമില്ല. രാജ്യത്തെ ഓക്‌സിജൻ പ്രതിസന്ധി പരിഹരിക്കാനുള്ള ശ്രമങ്ങൾ ഊർജിതമാക്കിയിട്ടുണ്ട്. ഓക്‌സിജൻ ഉത്പാദനം വർധിപ്പിച്ചു. വിദേശ രാജ്യങ്ങളിൽ നിന്നടക്കം ഓക്‌സിജൻ ലഭ്യമാകുന്നുണ്ട്. രാജ്യത്തെ വിവിധ സംസ്ഥാനങ്ങളിലേക്ക് ഓക്‌സിജൻ എത്തിച്ച് കൊണ്ടിരിക്കുകയാണെന്നും കേന്ദ്രം വ്യക്തമാക്കി.

കേന്ദ്ര ആരോഗ്യമന്ത്രാലയം അറിയിച്ചു. വൈറസ് വ്യാപനം അത്രമേൽ തീവ്രമാണെന്നും ആരോഗ്യമന്ത്രാലയം വ്യക്തമാക്കി. കൊവിഡ് വ്യാപനം രൂക്ഷമായ സാഹചര്യത്തിൽ വീടുകളിലും മാസ്‌ക് ധരിക്കണമെന്ന് നീതി ആയോഗ് അംഗം വികെ പോൾ അറിയിച്ചു. കേരളത്തിലെ രോഗവ്യാപനം ആശങ്കാജനകമെന്നും ആരോഗ്യമന്ത്രാലയം. ടിപിആര്‍ 10 ന് മുകളിൽ ഉള്ളയിടങ്ങളില്‍ കടുത്ത നിയന്ത്രണം വേണം. ആര്‍ത്തവ ദിനങ്ങള്‍ക്കിടയിലും വാക്‌സിൻ സ്വീകരിക്കാം. നേരിയ ലക്ഷണങ്ങള്‍ മാത്രമുള്ളവരും വീടുകളില്‍ തന്നെ കഴിയാനും നിര്‍ദേശമെന്നും കേന്ദ്രം വ്യക്തമാക്കി.

LEAVE A REPLY

Please enter your comment!
Please enter your name here

Most Popular

Recent Comments