THE NEWS PLUS PORTAL FOR THE DISCERNING INDIANS OVER THE GLOBE

Wednesday, December 1, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news കെആർ ​ഗൗരിയമ്മ ആശുപത്രിയിൽ

കെആർ ​ഗൗരിയമ്മ ആശുപത്രിയിൽ

തിരുവനന്തപുരം: മുൻ മന്ത്രി കെ ആർ ഗൗരിയമ്മയെ ആശുപത്രിയിൽ പ്രവേശിപ്പിച്ചു. പനിയെ തുടർന്നാണ് ഗൗരിയമ്മയെ തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചത്. അത്യാഹിത വിഭാഗത്തിൽ ആണ് ചികിത്സ.

പനിയും ശ്വാസംമുട്ടലും കാരണമാണ് ആശുപത്രിയിൽ പ്രവേശിപ്പിച്ചതെന്നാണ് റിപ്പോർട്ടുകൾ വ്യക്തമാക്കുന്നത്. ആഴ്ചകൾക്ക് മുൻപായിരുന്നു 102കാരിയായ കെ ആർ ഗൗരിയമ്മ ആലപ്പുഴയിൽ നിന്ന് തിരുവനന്തപുരത്തേക്ക് താമസം മാറ്റിയത്.

ആലപ്പുഴ ചാത്തനാട്ട് വീട്ടിൽ നിന്ന് വഴുതക്കാടുള്ള സഹോദരി പുത്രിയുടെ വീട്ടിലേക്കായിരുന്നു ഗൗരിയമ്മ എത്തിയത്. കൊവിഡ് സാഹചര്യത്തിൽ സന്ദർശകർക്ക് കർശന നിയന്ത്രണം ഏർപ്പെടുത്തിയിരുന്നു.ഒന്നര പതിറ്റാണ്ടിന് ശേഷമാണ് തലസ്ഥാനത്ത് ഗൗരിയമ്മ മടങ്ങിയെത്തിയത്. വഴുതക്കാട്ടെ ഉദാരശിരോമണി റോഡിലെ തറയിൽ വീട്ടിൽ സഹോദരി ഗോമതിയുടെ മകൾ പ്രൊഫ. പി.സി. ബീനാകുമാരിയ്ക്കൊപ്പമാണ് ഗൗരിയമ്മ.

കേരള നിയമസഭയില്‍ ഏറ്റവും കൂടുതല്‍ കാലം അംഗമായ രണ്ടാമത്തെ എംഎല്‍എയാണ് ഗൗരിയമ്മ. കേരള കോണ്‍ഗ്രസ് എം നേതാവായിരുന്ന കെഎം മാണിയാണ് ഒന്നാമത്. എട്ട് തവണയാണ് ഗൗരിയമ്മ നിയമസഭയിലേക്ക് തെരഞ്ഞെടുക്കപ്പെട്ടത്. ആകെ 11 തവണയാണ് മത്സരിച്ചത്. 1957ല്‍ നടന്ന ആദ്യ തെരഞ്ഞെടുപ്പില്‍ വിജയിച്ച് ആദ്യ നിയമസഭയില്‍ അംഗമായി. ഇഎംഎസ് മന്ത്രിസഭയില്‍ റവന്യൂ മന്ത്രിയുമായി. 1960, 67, 70, 82, 87, 91, 2001 വര്‍ഷങ്ങളില്‍ എംഎല്‍എയായി തെരഞ്ഞെടുക്കപ്പെട്ടു.

LEAVE A REPLY

Please enter your comment!
Please enter your name here

Most Popular

Recent Comments