THE NEWS PLUS PORTAL FOR THE DISCERNING INDIANS OVER THE GLOBE

Sunday, November 28, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news മോഷണക്കേസ് പ്രതി ക്വാറന്‍റൈൻ കേന്ദ്രത്തിൽ നിന്ന് ചാടിപ്പോയി: വീണ്ടും പിടികൂടി പോലീസ്

മോഷണക്കേസ് പ്രതി ക്വാറന്‍റൈൻ കേന്ദ്രത്തിൽ നിന്ന് ചാടിപ്പോയി: വീണ്ടും പിടികൂടി പോലീസ്

മുംബൈ: കൊവിഡ് ക്വാറന്‍റൈൻ കേന്ദ്രത്തിൽ നിന്ന് ചാടിയ മോഷണക്കേസ് പ്രതിയെ 24 മണിക്കൂറിനകം പിടികൂടി പോലീസ്. മുംബൈ കണ്ടിവാലിയിലാണ് സംഭവം. ഭാര്യയെ കാണാനായാണ് യുവാവ് ക്വാറന്‍റൈൻ കേന്ദ്രത്തിൽ നിന്ന് ചാടിയതെന്ന് ടൈംസ് നൗ റിപ്പോർട്ട് ചെയ്തു. നിരവധി മോഷണക്കേസുകളിലെ പ്രതിയാണ് ഇയാളെന്നാണ് പോലീസ് പറയുന്നത്.

ബാന്ദ്രയിലെയും ബൊറിവാലിയിലെയും നിരവധി കടകളിൽ നടന്ന മോഷണവുമായി ബന്ധപ്പെട്ടാണ് ഷാബുള്ള ഖാൻ എന്ന യുവാവിനെ പോലീസ് അറസ്റ്റ് ചെയ്തത്. അറസ്റ്റിന് പിന്നാലെ നടത്തിയ വൈദ്യപരിശോധനയിലാണ് ഇയാൾ കൊവിഡ് പോസിറ്റീവാണെന്ന് വ്യക്തമാകുന്നത്. ഇതിന് പിന്നാലെയാണ് ഇയാള കൊവിഡ് ക്വാറന്‍റൈൻ കേന്ദ്രത്തിലേക്ക് മാറ്റുന്നത്.

ബൊറിവാലി വെസ്റ്റിലെ സായ് നഗറിലുള്ള കൊവിഡ് ക്വാറന്‍റൈൻ കേന്ദ്രത്തിലായിരുന്നു ഇയാളെ പ്രവേശിപ്പിച്ചത്. ഈ സമയത്ത് തന്നെ താൻ ഇവിടെ നിന്ന് ചാടിപ്പോകുമെന്ന് യുവാവ് പോലീസിനെ വെല്ലുവിളിച്ചിരുന്നു. രണ്ട് ദിവസത്തിനുള്ളിൽ ക്വാറന്‍റൈൻ കേന്ദ്രത്തിൽ ചാടിപ്പോകുമെന്നായിരുന്നു വെല്ലുവിളി.

ഇയാളെ കാണാതായെന്ന് അറിഞ്ഞതിന് പിന്നാലെ പോലീസ് അന്വേഷണം ആരംഭിക്കുകയും ഒഷിവാര പ്രദേശത്ത് നിന്ന് പിടികൂടുകയുമായിരുന്നു. ഭാര്യയെ കാണാൻ വേണ്ടിയാണ് ഇയാൾ കേന്ദ്രത്തിൽ നിന്ന് ചാടിപ്പോയതെന്നാണ് റിപ്പോർട്ടുകൾ വ്യക്തമാക്കുന്നത്. ഫാർമസികളിൽ മോഷണം നടത്തിയ കുറ്റവും ഇയാളുടെ പേരിലുണ്ട്.

അതേസമയം മുംബൈ കോർപ്പറേഷനിൽ കൊവിഡ് കേസുകളിലെ വർധനവ് തുടരുകയാണ്. രാജ്യം കൊവിഡ് രണ്ടാം തരംഗത്തിലൂടെ കടന്ന് പോകുന്നതിനിടെ സംസ്ഥാനത്ത് മൂന്നാം തരംഗവും ഉണ്ടായേക്കാമെന്ന് മഹാരാഷ്ട്ര ആരോഗ്യമന്ത്രി രാജേഷ് ടോപെ കഴിഞ്ഞദിവസം മുന്നറിയിപ്പ് നൽകിയിരുന്നു. ജൂലായ്- ഓഗസ്റ്റ് മാസത്തില്‍ മഹാരാഷ്ട്രയില്‍ കൊവിഡ് മൂന്നാം തരംഗം ഉണ്ടായേക്കാമെന്നാണ് മന്ത്രി പറഞ്ഞത്. ആദ്യ തരംഗത്തിലും രണ്ടാം തരംഗത്തിലും ഏറ്റവും അധികം രോഗബാധയും മരണങ്ങളും റിപ്പോർട്ട് ചെയ്ത സംസ്ഥാനമാണ് മഹാരാഷ്ട്ര.

LEAVE A REPLY

Please enter your comment!
Please enter your name here

Most Popular

Recent Comments