THE NEWS PLUS PORTAL FOR THE DISCERNING INDIANS OVER THE GLOBE

Monday, November 29, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news യു.പിയിൽ എല്ലാ ഞായറാഴ്ചയും ലോക്ക്ഡൗൺ

യു.പിയിൽ എല്ലാ ഞായറാഴ്ചയും ലോക്ക്ഡൗൺ

ന്യൂഡൽഹി: കൊവിഡ് വ്യാപനം രൂക്ഷമായ ഉത്തർപ്രദേശിൽ എല്ലാ ഞായറാഴ്ചകളിലും ലോക്ക്ഡൗൺ പ്രഖ്യാപിച്ചു. രാജസ്ഥാൻ, ചണ്ഡിഗഢ് എന്നിവിടങ്ങളിൽ ശനി, ഞായർ ദിവസങ്ങളിൽ ലോക്ക്ഡൗൺ തീരുമാനിച്ചു.
യു.പിയിൽ ഞായറാഴ്ച ആശുപത്രികളും മരുന്നുകടകളും മറ്റ് അവശ്യസേവനങ്ങളും മാത്രമാകും പ്രവർത്തിക്കുക. യു.പിയിൽ മാസ്‌ക്ക് ധരിക്കാത്തതിന് ആദ്യതവണ ആയിരം രൂപയും രണ്ടാം വട്ടം പതിനായിരം രൂപയുമാണ് പിഴ. യുപിയിൽ എം.എൽ.എ ഫണ്ട് കൊവിഡ് പ്രതിരോധ പ്രവർത്തനങ്ങൾക്കായി ഉപയോഗിക്കാനും തീരുമാനമായിട്ടുണ്ട്.
ഡൽഹിയിൽ
 റെക്കാർഡ് കുതിപ്പ്
ഡൽഹിയിൽ പ്രതിദിന കൊവിഡ് കേസുകൾ ഇരുപതിനായിരത്തിലേക്ക്. ഇന്നലെ 19486 പേർക്കാണ് രോഗം സ്ഥിരീകരിച്ചത്. ഇതുവരെയുള്ളതിൽ ഏറ്റവും ഉയർന്ന പ്രതിദിന കണക്കാണിത്. 141 പേർകൂടി മരിച്ചു ആകെ കേസുകൾ 8 ലക്ഷം കടന്നു. മരണം 11793.
 300 പൊലീസുകാർക്ക് കൊവിഡ്
ഡൽഹിയിൽ 300ലേറെ പൊലീസുകാർക്ക് കൊവിഡ് ബാധിച്ചു. 15 പേരെ ആശുപത്രിയിൽ പ്രവേശിപ്പിച്ചു. അതേസമയം ഡൽഹിയിൽ കൊവിഡ് നിയന്ത്രിക്കാൻ പത്തുദിവസം സമ്പൂർണ ലോക്ക്ഡൗൺ വേണമെന്ന് കോൺഫെഡറേഷൻ ഒഫ് ഓൾ ഇന്ത്യ ട്രേഡേഴ്സ് ആവശ്യപ്പെട്ടു.  കടുത്ത നടപടികളെടുക്കേണ്ട സമയമാണിതെന്ന് സെക്രട്ടറി ജനറൽ പ്രവൺ ഖണ്ഡേൽവാൽ പറഞ്ഞു.
കൊവാക്‌സിൻ
നിർമ്മിക്കാൻ
ഹാഫ്‌കൈൻ
ഇൻസ്റ്റിറ്റിയൂട്ടിന് അനുമതി
കൊവാക്‌സിൻ നിർമ്മിക്കാൻ മഹാരാഷ്ട്രയിലെ ഹാഫ്കൈൻ ഇൻസ്റ്റിറ്റിയൂട്ടിന് കേന്ദ്രസർക്കാർ അനുമതി. മഹാരാഷ്ട്ര സർക്കാരിന്റെ ഉടമസ്ഥതയിലുള്ളതാണ് സ്ഥാപനം.വാക്‌സിൻ നിർമ്മാണത്തിന് അനുമതി നൽകിയതിൽ പ്രധാനമന്ത്രി നരേന്ദ്രമോദിക്ക് മഹാരാഷ്ട്ര മുഖ്യമന്ത്രി ഉദ്ധവ് താക്കറെ നന്ദി അറിയിച്ചു.

LEAVE A REPLY

Please enter your comment!
Please enter your name here

Most Popular

Recent Comments