THE NEWS PLUS PORTAL FOR THE DISCERNING INDIANS OVER THE GLOBE

Wednesday, December 1, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news കേരളത്തിൽ 18 വയസ്സിനു മുകളിലുള്ളവർക്ക് വാക്സിൻ ഘട്ടങ്ങളായി

കേരളത്തിൽ 18 വയസ്സിനു മുകളിലുള്ളവർക്ക് വാക്സിൻ ഘട്ടങ്ങളായി

തിരുവനന്തപുരം: സംസ്ഥാനത്ത് 18 വയസ്സിനു മുകളിൽ പ്രായമുള്ളവര്‍ക്ക് കൊവിഡ് 19 വാക്സിൻ നല്‍കുന്നതു സംബന്ധിച്ച രൂപരേഖയുമായി സര്‍ക്കാര്‍. 18 വയസ്സ് മുതൽ 45 വയസ്സു വരെ പ്രായമുള്ളവര്‍ക്ക് രണ്ടോ മൂന്നോ ഘട്ടങ്ങളായി വാക്സിൻ നല്‍കാനാണ് സര്‍ക്കാര്‍ പദ്ധതിയിടുന്നത്. എല്ലാവര്‍ക്കും സൗജന്യമായായിരിക്കും വാക്സിൻ വിതരണം ചെയ്യുന്നതെന്ന് സര്‍ക്കാര്‍ മുൻപ് വ്യക്തമാക്കിയിരുന്നു.കേരളത്തിൽ ഈ പ്രായവിഭാഗത്തിലുള്ള 1.65 കോടി ആളുകളുണ്ടെന്നാണ് സര്‍ക്കാരിൻ്റെ കണക്ക്. ഇവര്‍ക്ക് മൊത്തം 3.30 കോടിയോളം ഡോസ് വാക്സിൻ ആവശ്യമായി വരും. വാക്സിൻ വിതരണത്തിന് വിശദമായ മാര്‍ഗനിര്‍ദേശങ്ങള്‍ പുറപ്പെടുവിക്കുമെന്ന് മുഖ്യമന്ത്രി ട്വിറ്ററിൽ അറിയിച്ചു.

മെയ് ഒന്നു മുതൽ രണ്ടോ മൂന്നോ ഘട്ടങ്ങളായായിരിക്കും വാക്സിൻ വിതരണം ചെയ്യുക. കൊവിഡ് 19 ബാധിച്ചാൽ ആരോഗ്യസ്ഥിതി ഗുരുതരമാകാൻ സാധ്യതയുള്ളവര്‍ക്കായിരിക്കും പ്രഥമ പരിഗണനയെന്ന് മുഖ്യമന്ത്രി ട്വീറ്റ് ചെയ്തു.

മൂന്നാം ഘട്ട വാക്സിനേഷൻ്റെ ഭാഗമായി രാജ്യത്ത് 18 വയസ്സിനു മുകളിൽ പ്രായമുള്ള എല്ലാവര്‍ക്കും മെയ് ഒന്നു മുതൽ കൊവിഡ് 19 വാക്സിൻ നല്‍കാനാണ് കേന്ദ്രസര്‍ക്കാര്‍ സ്വീകരിച്ചിരിക്കുന്ന നിലപാട്. ആദ്യഘട്ടങ്ങളിൽ നിന്ന് വ്യത്യസ്തമായി മൊത്തം ഉത്പാദിപ്പിക്കുന്ന വാക്സിന്റെ 50 ശതമാനം പൊതുവിപണിയിലേയേ്ക്കോ സംസ്ഥാന സര്‍ക്കാരുകള്‍ക്കോ വിതരണം ചെയ്യാനും കേന്ദ്രം അനുമതി നല്‍കിയിട്ടുണ്ട്. അതേസമയം, സാര്‍വത്രിക സൗജന്യ വാക്സിനേഷനിൽ നിന്ന് കേന്ദ്രസര്‍ക്കാര‍് പിന്നോട്ടു പോകുന്നതിൽ പ്രതിഷേധിച്ച് കേരളമടക്കമുള്ള സംസ്ഥാനങ്ങള്‍ രംഗത്തെത്തിയിട്ടുണ്ട്. കേന്ദ്രം വാക്സിൻ നയം തിരുത്തമെന്ന് മുഖ്യമന്ത്രി പിണറായി വിജയൻ ആവശ്യപ്പെട്ടിരുന്നു.

അതേസമയം, കേന്ദ്രസര്‍ക്കാര്‍ നല്‍കുന്ന വാക്സിൻ വിഹിതത്തിനായി കാത്തു നിൽക്കില്ലെന്നും പൊതുവിപണിയിൽ നിന്ന് വാക്സിൻ വാങ്ങുമെന്നും മുഖ്യമന്ത്രി ഇന്നലെ അറിയിച്ചിരുന്നു. വാക്സിൻ കമ്പനികളുമായി ചര്‍ച്ച തുടരുകയാണെന്നും ചീഫ് സെക്രട്ടറിയുടെയും ധനകാര്യ സെക്രട്ടറിയുടെയും നേതൃത്വത്തിൽ ചര്‍ച്ചകള്‍ നടത്തി വാക്സിൻ വാങ്ങുമെന്നും മുഖ്യമന്ത്രി അറിയിച്ചു.

LEAVE A REPLY

Please enter your comment!
Please enter your name here

Most Popular

Recent Comments