THE NEWS PLUS PORTAL FOR THE DISCERNING INDIANS OVER THE GLOBE

Monday, November 29, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news കൊവിഡ് : ഓക്സിജൻ ലഭിക്കാതെ ആറ് മരണം

കൊവിഡ് : ഓക്സിജൻ ലഭിക്കാതെ ആറ് മരണം

വെല്ലൂർ: ഓക്‌സിജൻ ലഭ്യമാകാത്തതിനെ തുടർന്ന് തമിഴ്‌നാട്ടിൽ ആറ് കൊവിഡ്-19 രോഗികൾ മരിച്ചതായി ആരോപണം. വെല്ലൂർ സർക്കാർ ആശുപത്രിയിലാണ് ദാരുണമായ സംഭവം. വാർഡിൽ ചികിത്സയിൽ കഴിഞ്ഞ നാല് പേരും തീവ്ര പരിചരണ വിഭാഗത്തിൽ പ്രവേശിപ്പിച്ചിരുന്ന മൂന്ന് പേരുമാണ് മരിച്ചതെന്ന് ഇന്ത്യൻ എക്‌സ്‌പ്രസ് റിപ്പോർട്ട് ചെയ്‌തു.

കൊവിഡ് ചികിത്സയിൽ കഴിഞ്ഞവരുടെ മരണവാർത്ത പുറത്തുവന്നതോടെ ജില്ലാ കളക്‌ടർ അന്വേഷണത്തിന് ഉത്തരവിട്ടു. ആശുപത്രി അധികൃതരുടെ വീഴ്‌ച മൂലമാണ് മരണം സംഭവിച്ചതെന്ന് ബന്ധുക്കൾ ആരോപിച്ചു. ഓക്‌സിജൻ വിതരണത്തിലെ അപാകതയാണ് മരണത്തിന് കാരണമായതെന്ന് ഇവർ പറഞ്ഞു.

ഓക്‌സിജൻ വിതരണത്തിൽ സങ്കേതിക പ്രശ്‌നങ്ങൾ ഉണ്ടായിരുന്നുവെന്നും എന്നാൽ മിനിറ്റുകൾക്കകം പരിഹരിച്ചിരുന്നെന്നാണ് ആശുപത്രി അധികൃതർ നൽകുന്ന വിശദീകരണം. മരിച്ചവരുടെ ബന്ധുക്കൾ നടത്തിയ ആരോപണങ്ങൾ ആശുപത്രി അധികൃതർ തള്ളുകയാണ്. മരിച്ചവർക്ക് ഗുരുതര ആരോഗ്യ പ്രശ്‌നങ്ങൾ ഉണ്ടായിരുന്നുവെന്നാണ് റിപ്പോർട്ടുകൾ. ഇവരിൽ നാല് പേർക്ക് പ്രമേഹം, രക്തസമ്മർദ്ദം, വൃക്കസംബന്ധമായ പ്രശ്‌നങ്ങൾ, ഹൃദയസംബന്ധമായ രോഗങ്ങൾ എന്നിവ ഉണ്ടായിരുന്നതായി ആശുപത്രി അധികൃതർ വ്യക്തമാക്കി.

മരിച്ചവരുടെ ബന്ധുക്കൾ പ്രകോപിതരായതോടെ ആശുപത്രി പരിസരത്ത് സംഘർഷാവസ്ഥ ഉടലെടുത്തു. കൊവിഡ് വാർഡിൽ കഴിഞ്ഞിരുന്ന 59 രോഗികള്‍ക്കും മറ്റ് വാർഡുകളിൽ ഉണ്ടായിരുന്ന 62 രോഗികള്‍ക്കും ഓക്‌സിജന്‍ നല്‍കിയിരുന്നു. ആശുപത്രിയിലെ ഓക്‌സിജൻ വിതരണത്തിൽ വീഴ്‌ച സംഭവിച്ചിരുന്നുവെങ്കിൽ ഈ രോഗികളെയും ബാധിക്കേണ്ടതായിരുന്നില്ലേ എന്നും ആശുപത്രി അധികൃതർ ചോദിക്കുന്നുണ്ട്. സംഭവത്തിൽ വിശദമായ റിപ്പോർട്ട് സമർപ്പിക്കണമെന്ന് വെല്ലൂർ ജില്ലാ കളക്ടർ എ. ഷൺമുഖ സുന്ദരം വ്യക്തമാക്കി.

LEAVE A REPLY

Please enter your comment!
Please enter your name here

Most Popular

Recent Comments