THE NEWS PLUS PORTAL FOR THE DISCERNING INDIANS OVER THE GLOBE

Wednesday, December 8, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news വേതന സംരക്ഷണ നിയമത്തിന് തുടക്കം കുറിച്ച് ബഹ്റൈൻ

വേതന സംരക്ഷണ നിയമത്തിന് തുടക്കം കുറിച്ച് ബഹ്റൈൻ

മനാമ: ബഹ്റൈനില്‍ സ്വകാര്യ മേഖലയില്‍ നടപ്പിലാക്കുന്ന വേതന സംരക്ഷണ നിയമത്തിന്റെ ആദ്യ ഘട്ടത്തിന് തുടക്കമായി. തൊഴിലാളികള്‍ക്ക് മാന്യമായ ശമ്പളം ഉറപ്പുവരുത്തുകയും ചൂഷണം തടയുകയും ചെയ്യുകയെന്ന ലക്ഷ്യത്തോടെ നടപ്പിലാക്കുന്ന നിയമത്തിന്റെ ആദ്യ ഘട്ടം മെയ് ഒന്നു മുതല്‍ നിലവില്‍ വന്നു.

ആദ്യഘട്ടത്തില്‍ 500ലേറെ തൊഴിലാളികളുള്ള കമ്പനികളിലാണ് വേതന സംരക്ഷണ നിയമം നടപ്പിലാക്കുന്നത്. ഒന്നാം ഘട്ടത്തില്‍ പെടുന്ന 92 ശതമാനം കമ്പനികളും നിയമം നടപ്പിലാക്കിത്തുടങ്ങിയതായി ബഹ്റൈന്‍ ലേബര്‍ മാര്‍ക്കറ്റ് റെഗുലേറ്ററി അതോറിറ്റി അറിയിച്ചു.

നിയമം നടപ്പിലാക്കുന്നതിന്റെ ഭാഗമായി തൊഴിലുടമകള്‍ ഓരോ തൊഴിലാളിയുടെയും പേരില്‍ സെന്‍ട്രല്‍ ബാങ്കിന്റെ അംഗീകാരമുള്ള ഏതെങ്കിലും ധനകാര്യ സ്ഥാപനത്തില്‍ അക്കൗണ്ട് തുടങ്ങണം. സ്വകാര്യ മേഖലയിലെ സ്വദേശികളും പ്രവാസികളുമായ ജീവനക്കാരുടെ കാര്യത്തില്‍ ഇത് ബാധകമാണ്. ഇതിനകം ആദ്യഘട്ടത്തില്‍ നിയമം നടപ്പിലാക്കേണ്ട വലിയ കമ്പനികളിലെ 92 ശതമാനം ജീവനക്കാരുടെയും ശമ്പളം അക്കൗണ്ട് വഴി നല്‍കിത്തുടങ്ങിയതായി ലേബര്‍ മാര്‍ക്കറ്റ് റെഗുലേറ്ററി അതോറിറ്റി എക്സിക്യൂട്ടീവ് ചെയര്‍മാന്‍ ജമാല്‍ അബ്ദുല്‍ അസീസ് പറഞ്ഞു. നിയമം നടപ്പിലാക്കാന്‍ ആറ് മാസത്തെ ഗ്രേസ് കാലാവധിയാണ് സ്ഥാപനങ്ങള്‍ക്ക് അനുവദിച്ചിരിക്കുന്നത്.

തൊഴിലാളികള്‍ക്ക് കരാര്‍ പ്രകാരമുള്ള വേതനം ലഭിക്കുമെന്ന് ഉറപ്പാക്കാനും വേതനവുമായി ബന്ധപ്പെട്ട തര്‍ക്കങ്ങള്‍ ശരിയായ രീതിയില്‍ പരിഹരിക്കാനും ഇതിലൂടെ സാധിക്കുമെന്നും അദ്ദേഹം അറിയിച്ചു. സപ്തംബര്‍ ഒന്നു മുതലാണ് വേതന സംരക്ഷണ നിയമത്തിന്റെ രണ്ടാം ഘട്ടം നടപ്പിലാക്കുക. 50 മുതല്‍ 499 വരെ ജീവനക്കാര്‍ ജോലി ചെയ്യുന്ന സ്ഥാപനങ്ങളാണ് ഈ ഘട്ടത്തില്‍ നിയമം നടപ്പിലാക്കേണ്ടത്. 50ല്‍ താഴെ ജീവനക്കാരുള്ള സ്ഥാപനങ്ങള്‍ക്ക് അടുത്തവര്‍ഷം ജനുവരി ഒന്നു മുതല്‍ നിയമം ബാധകമാവും.

LEAVE A REPLY

Please enter your comment!
Please enter your name here

Most Popular

Recent Comments