THE NEWS PLUS PORTAL FOR THE DISCERNING INDIANS OVER THE GLOBE

Monday, November 29, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news ബഹ്‌റൈനിലേക്ക് വരുന്ന കുട്ടികള്‍ക്ക് നെഗറ്റീവ് സര്‍ട്ടിഫിക്കറ്റ് വേണ്ട

ബഹ്‌റൈനിലേക്ക് വരുന്ന കുട്ടികള്‍ക്ക് നെഗറ്റീവ് സര്‍ട്ടിഫിക്കറ്റ് വേണ്ട

മനാമ: ഇന്ത്യയില്‍ നിന്ന് ബഹ്റൈനിലേക്ക് വരുന്ന ആറു വയസ്സിനു താഴെയുള്ള കുട്ടികള്‍ക്ക് കൊവിഡ് നെഗറ്റീവ് സര്‍ട്ടിഫിക്കറ്റ് വേണ്ടെന്ന് ഗള്‍ഫ് എയര്‍, എയര്‍ ഇന്ത്യ വൃത്തങ്ങള്‍ അറിയിച്ചു. കുട്ടികള്‍ക്ക് നെഗറ്റിവ് സര്‍ട്ടിഫിക്കറ്റ് വേണോ എന്ന കാര്യത്തിലുണ്ടായ ആശയക്കുഴപ്പത്തെ തുടര്‍ന്നാണ് വിശദീകരണവുമായി എയര്‍ ഇന്ത്യയും ഗള്‍ഫ് എയറും രംഗത്തെത്തിയത്.

ഏപ്രില്‍ 27 മുതലാണ് ബഹ്റൈനിലേക്ക് എത്തുന്ന യാത്രക്കാര്‍ക്കുള്ള പുതിയ നിബന്ധന പ്രാബല്യത്തില്‍ വന്നത്. യാത്ര പുറപ്പെടുന്നതിന് മുമ്പ് അംഗീകൃത സെന്ററുകളില്‍ നിന്നും 48 മണിക്കുറിനുള്ളില്‍ എടുത്ത ക്യുആര്‍ കോഡോട് കൂടിയ കൊവിഡ് നെഗറ്റീവ് സര്‍ട്ടിഫിക്കറ്റ് വേണമെന്നായിരുന്നു നിബന്ധന. എന്നാല്‍ ഈ നിബന്ധനയില്‍ കുട്ടികള്‍ ഉള്‍പ്പെടുമോ എന്നതിനെ ചൊല്ലിയായിരുന്നു ആശയക്കുഴപ്പം.

കരിപ്പൂരില്‍ ഉള്‍പ്പെടെയുള്ള വിമാനത്താവളങ്ങളില്‍ നിന്ന് നെഗറ്റീവ് സര്‍ട്ടിഫിക്കറ്റില്ലാത്ത നവജാത ശിശുക്കളെ പോലും യാത്ര ചെയ്യാന്‍ അനുവദിച്ചിരുന്നു. ഇതുകാരണം ചിലരുടെ യാത്ര മുടങ്ങുകയോ മറ്റു ചില കുട്ടികളെ പിസിആര്‍ ടെസ്റ്റിന് വിധേയരാക്കുകയോ ചെയ്യേണ്ടി വന്നിരുന്നു. ഇത് വിവാദമായതിനെ തുടര്‍ന്നാണ് ആറു വയസ്സിന് താഴെയുള്ള കുട്ടികള്‍ക്ക് സര്‍ട്ടിഫിക്കറ്റ് വേണ്ടെന്ന വിശദീകരണവുമായി എയര്‍ലൈനുകള്‍ രംഗത്തെത്തിയത്. ഇന്ത്യക്ക് പുറമെ ബംഗ്ലാദേശ്, പാകിസ്ഥാന്‍ എന്നിവിടങ്ങളില്‍നിന്നുള്ള യാത്രക്കാര്‍ക്കും ഈ നിയമം ബാധകമാണ്.

LEAVE A REPLY

Please enter your comment!
Please enter your name here

Most Popular

Recent Comments