ന്യൂഡൽഹി : രാജ്യത്ത് ആദ്യം കൊവിഡ് വാക്സിൻ സ്വീകരിച്ചത് ഒരു ശുചീകരണ തൊഴിലാളി . ഡൽഹി എയിംസിലെ ജീവനക്കാരനായ മനീഷ് കുമാറാണ് രാജ്യത്ത് കൊവിഡ് വാക്സിന്റെ ആദ്യ ഡോസ് സ്വീകരിച്ച് ചരിത്രത്തിൽ ഇടം നേടിയത് . ഡൽഹി എയിംസിൽ വെച്ചാണ് അദ്ദേഹം വാക്സിൻ സ്വീകരിച്ചത് . ഓക്സ്ഫഡും ആസ്ത്രസെനക്കയും ചേർന്ന് നിർമിച്ച കോവിഷീൽഡ് വാക്സിനാണ് രാജ്യത്തിപ്പോൾ വിതരണം ചെയ്യുന്നത് . ആദ്യഘട്ടത്തിൽ ആരോഗ്യപ്രവർത്തകർക്കും കൊവിഡ് മുൻനിരപോരാളികൾക്കുമാണ് വാക്സിൻ ലഭ്യമാക്കുക . മൂന്നുകോടി ഇന്ത്യക്കാർ ഈ ഘട്ടത്തിൽ വാക്സിൻ സ്വീകരിക്കും.
