THE NEWS PLUS PORTAL FOR THE DISCERNING INDIANS OVER THE GLOBE

Wednesday, December 1, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news ഓക്‌സിജന്‍ സിലിണ്ടറുകള്‍ ഇന്ത്യയിലേക്ക് കൊണ്ടുപോവാന്‍ ഐഎന്‍എസ് കപ്പല്‍ ദോഹയില്‍

ഓക്‌സിജന്‍ സിലിണ്ടറുകള്‍ ഇന്ത്യയിലേക്ക് കൊണ്ടുപോവാന്‍ ഐഎന്‍എസ് കപ്പല്‍ ദോഹയില്‍

ദോഹ: കൊവിഡിനെതിരായ പോരാട്ടത്തില്‍ മാതൃരാജ്യത്തിന് കൈത്താങ്ങായി ഖത്തറിലെ ഇന്ത്യന്‍ പ്രവാസികള്‍ സമാഹരിച്ച മെഡിക്കല്‍ ഉപകരണങ്ങള്‍ കൊണ്ടുപോവാന്‍ ഇന്ത്യന്‍ നാവിക കപ്പലായ ഐഎന്‍എസ് കൊല്‍ക്കത്ത ദോഹയിലെത്തി.

ഇന്ത്യയില്‍ ഓക്‌സിജന്‍ ക്ഷാമം മൂലം ആശുപത്രികളില്‍ കൊവിഡ് രോഗികള്‍ ശ്വാസം കിട്ടാതെ മരിച്ചുകൊണ്ടിരുന്ന പശ്ചാത്തലത്തില്‍ കൊവിഡ് ചികില്‍സയ്ക്ക് ആവശ്യമായ വൈദ്യസഹായം എത്തിക്കുന്നതിന് ഇന്ത്യന്‍ കമ്മ്യൂണിറ്റി ബെനവലന്റ് ഫോറത്തിന്റെ നേതൃത്വത്തില്‍ സമാഹരിച്ച 200 ഓക്സിജന്‍ സിലിണ്ടറുകളും 43 ഓക്സിജന്‍ കോണ്‍സണ്‍ട്രേറ്ററുകളുമാണ് കപ്പല്‍ നാട്ടിലേക്ക് കൊണ്ടുപോവുക.

കൊവിഡിനെതിരായ ഇന്ത്യയുടെ പോരാട്ടത്തില്‍ കൂടെ നിന്ന ഖത്തറിലെ പ്രവാസി സമൂഹത്തിനും ഐസിബിഎഫിനും ഇന്ത്യന്‍ എംബസി ട്വിറ്ററിലൂടെ നന്ദി അറിയിച്ചു. വിവിധ രാജ്യങ്ങളില്‍ മെഡിക്കല്‍ ഉപകരണങ്ങള്‍ ഇന്ത്യയിലെത്തിക്കുന്നതിന് കേന്ദ്ര സര്‍ക്കാര്‍ ഏര്‍പ്പെടുത്തിയ ഏഴ് കപ്പലുകളിലൊന്നാണ് ഐഎന്‍എസ് കൊല്‍ക്കത്ത.

കൊവിഡ് ചികില്‍സ ശക്തിപ്പെടുത്തുന്നതിന് കൂടുതല്‍ ഓാക്സിജന്‍ ലഭ്യമാക്കുന്നതിന് ഓപറേഷന്‍ സമുദ്ര സേതു-2 എന്ന പേരില്‍ പ്രത്യേക ദൗത്യത്തിന് തുടക്കമിട്ടതായി ഇന്ത്യന്‍ പ്രതിരോധ മന്ത്രി രാജ്നാഥ് സിംഗ് കഴിഞ്ഞ ദിവസം അറിയിച്ചിരുന്നു. പദ്ധതി പ്രകാരം ഐഎന്‍എസ് കൊല്‍ക്കത്ത, ഐഎന്‍എസ് കൊച്ചി, തബാര്‍, ത്രികന്ദ്, ജലാശ്വ, ഐരാവത് എന്നീ കപ്പലുകളാണ് ഇന്ത്യയ്ക്ക് സഹായം വാഗ്ദാനം ചെയ്ത വിവിധ രാജ്യങ്ങളിലെ തുറമുഖങ്ങളിലെത്തുന്നത്. ഇതിന്റെ ഭാഗമായി ബഹ്‌റൈനിലെ മനാമയിലെത്തിയ ഐഎന്‍സ് തല്‍വാര്‍ 40 മെട്രിക് ടണ്‍ ലിക്വിഡ് മെഡിക്കല്‍ ഓക്സിജനുമായി ഇന്ത്യയിലേക്ക് പുറപ്പെട്ടു കഴിഞ്ഞു.

ഖത്തറില്‍ നിന്നുള്ള മെഡിക്കല്‍ ഉപകരണങ്ങള്‍ ശേഖരിച്ച ശേഷം കപ്പല്‍ കുവൈത്ത് തുറമുഖത്തേക്ക് നീങ്ങും. ഇവിടെ നിന്ന് ലിക്വിഡ് ഓക്സിജന്‍ ടാങ്കുകള്‍ കയറ്റിയ ശേഷം ഇന്ത്യയിലേക്ക് തിരിക്കും.

LEAVE A REPLY

Please enter your comment!
Please enter your name here

Most Popular

Recent Comments