THE NEWS PLUS PORTAL FOR THE DISCERNING INDIANS OVER THE GLOBE

Tuesday, December 7, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Gulf ആധാര്‍ - പാന്‍കാര്‍ഡുകള്‍ ഉടന്‍ ബന്ധിപ്പിക്കുക; ഇല്ലെങ്കില്‍ 31ന്‌ ശേഷം അസാധു

ആധാര്‍ – പാന്‍കാര്‍ഡുകള്‍ ഉടന്‍ ബന്ധിപ്പിക്കുക; ഇല്ലെങ്കില്‍ 31ന്‌ ശേഷം അസാധു

ന്യൂഡൽഹി: ആധാറുമായി ബന്ധിപ്പിക്കാത്ത പാന്‍കാര്‍ഡുകള്‍ വരുന്ന 31 ആം തീയതിക്ക്‌ ശേഷം ആസാധുവാകും. 1000 രൂപ പിഴയും നല്‍കേണ്ടി വരും. ലോക്‌സഭയില്‍ പാസാക്കിയ പുതിയ ധനകാര്യ ബില്‍ പ്രകാരമാണ്‌ ആധാറുമായി ബന്ധിപ്പിക്കാത്തവര്‍ക്ക്‌ പിഴ ഈടാക്കുന്നത്‌.

നേരത്തെ പല തവണ ആധാറും പാന്‍കാര്‍ഡും ബന്ധിപ്പിക്കാന്‍ കേന്ദ്രം മുന്നറിയിപ്പ്‌ നല്‍കിയിരുന്നു. പല തീയതികളും നിശ്ചയിച്ചെങ്കിലും പിന്നീട്‌ അവസാന തീയതി നല്‍കിയിരുന്നു.

അതേസമയം പിഴതുകയില്‍ വലിയ മാറ്റം വരില്ലെന്നാണ്‌ ധനമന്ത്രാലയം നല്‍കുന്ന സൂചന. നിലവില്‍ ഉപയോഗിക്കുന്ന പാന്‍ കാര്‍ഡ്‌ അസാധുവാകുന്ന സാഹചര്യം വന്നാല്‍ നികുതി അടയ്‌ക്കുന്നതിന്‌ അടക്കം തടസം നേരിട്ടേക്കും.

സമയബന്ധിതമായി നികുതി അടച്ചില്ലെങ്കില്‍ വന്‍ തുക പിഴയായി നല്‍കേണ്ടി വരുകയും ചെയ്യും.www.incometaxindiafiling.gov.in എന്ന വെബ്‌സൈറ്റ്‌ വഴിയാണ്‌ ആധാറും, പാന്‍ കാര്‍ഡും പരസ്‌പരം ബന്ധിപ്പിക്കേണ്ടത്‌. വെബ്‌സൈറ്റിലെ ലിങ്ക്‌ ആധാര്‍ എന്ന ലിങ്കില്‍ ക്ലിക്ക്‌ ചെയ്‌ത ശേഷം ആവശ്യമായ വിവരങ്ങള്‍ നല്‍കി നടപടികള്‍ പൂര്‍ത്തിയാക്കാം.

കൂടാതെ 567678,56161 നമ്പറുകള്‍ വഴി എംഎംഎസ്‌ മുഖേനെയും ബന്ധിപ്പിക്കാവുന്നതാണ്‌. uidpan എന്ന്‌ ടൈപ്പ്‌ ചെയ്‌ത ശേഷം സ്‌പേസ്‌ നല്‍കി ആധാര്‍ നമ്പറും പാന്‍ നമ്പറും രേഖപ്പെടുത്തിയ ശേഷം എസ്‌.എം.എസ്‌ നല്‍കാം.

LEAVE A REPLY

Please enter your comment!
Please enter your name here

Most Popular

Recent Comments