THE NEWS PLUS PORTAL FOR THE DISCERNING INDIANS OVER THE GLOBE

Saturday, December 4, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news സ്വദേശിവല്‍ക്കരണം: കുവൈറ്റ് സര്‍ക്കാര്‍ മേഖലയിലെ 8000 പ്രവാസികള്‍ക്ക് ജോലി നഷ്ടമാവും

സ്വദേശിവല്‍ക്കരണം: കുവൈറ്റ് സര്‍ക്കാര്‍ മേഖലയിലെ 8000 പ്രവാസികള്‍ക്ക് ജോലി നഷ്ടമാവും

കുവൈറ്റ് സിറ്റി: സ്വദേശിവല്‍ക്കരണ നയത്തിന്റെ ഭാഗമായി ഈ വര്‍ഷം അവസാനത്തോടെ വിവിധ സര്‍ക്കാര്‍ ഏജന്‍സികളില്‍ ജോലി ചെയ്യുന്ന 7970 പ്രവാസികള്‍ക്ക് തൊഴില്‍ നഷ്ടമാവുമെന്ന് കുവൈറ്റ് സിവില്‍ സര്‍വീസ് ബ്യൂറോ അറിയിച്ചു. കുവൈറ്റില്‍ സ്വദേശിവല്‍ക്കരണത്തിന് തുടക്കം കുറിച്ച് 2017 മുതല്‍ ഇതിനകം 6127 പ്രവാസികളെ സര്‍ക്കാര്‍ ജോലികളില്‍ നിന്ന് പിരിച്ചുവിട്ടതായി ബ്യൂറോ ഉദ്യോഗസ്ഥരെ ഉദ്ധരിച്ച് അല്‍ റായ് പത്രം റിപ്പോര്‍ട്ട് ചെയ്തു. ഈ വര്‍ഷം അവസാനത്തോടെ 1840 പേരെ കൂടി പിരിച്ചുവിടുമെന്ന് ബ്യൂറോയിലെ തൊഴില്‍ വിഭാഗം ഡയറക്ടര്‍ ആയിഷ അല്‍ മുതവ്വ പറഞ്ഞു.

നിലവില്‍ സിവില്‍ സര്‍വീസ് ബ്യൂറോയുമായി ബന്ധിപ്പിച്ചിട്ടുള്ള വിവിധ സര്‍ക്കാര്‍ ഏജന്‍സികളിലായി 308,000 കുവൈത്തികളാണ് ജോലി ചെയ്യുന്നത്. എന്നാല്‍ ഈ മേഖലയില്‍ ജോലി ചെയ്യുന്ന പ്രവാസികളുടെ എണ്ണം 71,000 ആയി കുറഞ്ഞു. പ്രവാസികളില്‍ 31,000 പേരും ആരോഗ്യ മേഖലയിലാണ് പ്രവര്‍ത്തിക്കുന്നത്. 24,000 പേര്‍ അധ്യാപകരും ബാക്കിയുള്ളവര്‍ ഡ്രൈവര്‍, അറ്റന്റര്‍ തുടങ്ങിയ തസ്തികകളില്‍ ജോലി ചെയ്യുന്നവരുമാണ്.

പ്രവാസി ജീവനക്കാരില്‍ 9000ത്തോളം പേര്‍ എഞ്ചിനീയറിംഗ്, അക്കൗണ്ടന്റ്, ശാസ്ത്രം തുടങ്ങിയ മേഖലകളിലാണ് ജോലി ചെയ്യുന്നത്. ഇവരെ മാറ്റി കുവൈറ്റികളെ നിയമിക്കുന്നതിനുളള നടപടികള്‍ ആരംഭിച്ചു കഴിഞ്ഞതായും ആയിഷ അല്‍ മുതവ്വ പറഞ്ഞു.

LEAVE A REPLY

Please enter your comment!
Please enter your name here

Most Popular

Recent Comments