THE NEWS PLUS PORTAL FOR THE DISCERNING INDIANS OVER THE GLOBE

Tuesday, November 30, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news ഇന്ത്യയില്‍ നിന്നുള്ള വാണിജ്യ വിമാന സര്‍വീസുകള്‍ നിര്‍ത്തിവെച്ച് കുവൈറ്റ്

ഇന്ത്യയില്‍ നിന്നുള്ള വാണിജ്യ വിമാന സര്‍വീസുകള്‍ നിര്‍ത്തിവെച്ച് കുവൈറ്റ്

കുവൈറ്റ് സിറ്റി: ഇന്ത്യയില്‍ നിന്ന് വരുന്ന എല്ലാ വാണിജ്യ വിമാന സര്‍വീസുകളും താത്ക്കാലികമായി നിര്‍ത്തിവെച്ചതായി കുവൈറ്റ് ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍. ശനിയാഴ്ച രാവിലെ ട്വിറ്ററിലൂടെയാണ് ഇക്കാര്യം അറിയിച്ചത്. ഇന്ന് (ഏപ്രില്‍ 24) മുതല്‍ പ്രാബല്യത്തില്‍ വരുന്ന വിലക്ക് ഇനിയൊരു അറിയിപ്പ് ഉണ്ടാകുന്നത് വരെ നീണ്ടുനില്‍ക്കും. ഇന്ത്യയില്‍ ക്രമാതീതമായി ഉയരുന്ന കൊവിഡ് സാഹചര്യം കണക്കിലെടുത്താണ് കുവൈറ്റ് അധികൃതരുടെ ഈ തീരുമാനം.

ആഗോള കൊറോണവൈറസ് സ്ഥിതി വിലയിരുത്തിയ ശേഷം ആരോഗ്യ അധികൃതരുടെ നിര്‍ദേശങ്ങള്‍ അനുസരിച്ചാണ് ഈ നീക്കം. ഇന്ത്യയില്‍ 14 ദിവസം തങ്ങിയ ശേഷം നേരിട്ടോ മറ്റൊരു രാജ്യം വഴിയോ വരുന്നവര്‍ക്ക് കുവൈറ്റില്‍ പ്രവേശനാനുമതി ലഭിക്കില്ലെന്ന് പ്രസ്താവനയില്‍ പറയുന്നു.

കുവൈറ്റ് പൗരന്മാര്‍ക്കും അവരുടെ അടുത്ത ബന്ധുക്കള്‍ക്കും വീട്ടുജോലിക്കാര്‍ക്കും രാജ്യത്തേക്ക് പ്രവേശിക്കാന്‍ അനുവാദമുണ്ടാകും. ചരക്ക് ഗതാഗതത്തെ നിയന്ത്രണം ബാധിക്കില്ല. നിലവില്‍ രണ്ട് മാസത്തോളമായി സൗദി, കുവൈറ്റ് എന്നീ രാജ്യങ്ങളിലെ യാത്രക്കാര്‍ക്ക് ഇന്ത്യയിലേക്ക് പ്രവേശന വിലക്കുണ്ട്. ഒമാന്റെയും യുഎഇയുടെയും വിലക്ക് ഏപ്രില്‍ 24 മുതല്‍ പ്രാബല്യത്തില്‍ വരും. ഇതോടെ ഗള്‍ഫ് രാജ്യങ്ങളില്‍ ഖത്തര്‍, ബഹ്‌റൈന്‍ ഒഴികെയുള്ള രാജ്യങ്ങളിലേക്ക് ഇന്ത്യക്കാര്‍ക്ക് പ്രവേശിക്കാന്‍ സാധിക്കില്ല.

LEAVE A REPLY

Please enter your comment!
Please enter your name here

Most Popular

Recent Comments