THE NEWS PLUS PORTAL FOR THE DISCERNING INDIANS OVER THE GLOBE

Saturday, January 22, 2022

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news ചുവന്ന പട്ടികയില്‍ ഉള്‍പ്പെട്ട രാജ്യങ്ങള്‍ സന്ദര്‍ശിക്കുന്ന പൗരന്മാര്‍ക്ക് മൂന്ന് വര്‍ഷം യാത്രാ വിലക്കേർപ്പെടുത്തി സൗദി

ചുവന്ന പട്ടികയില്‍ ഉള്‍പ്പെട്ട രാജ്യങ്ങള്‍ സന്ദര്‍ശിക്കുന്ന പൗരന്മാര്‍ക്ക് മൂന്ന് വര്‍ഷം യാത്രാ വിലക്കേർപ്പെടുത്തി സൗദി

സൗദി അറേബ്യ: കോവിഡ് നിയന്ത്രണ നടപടികള്‍ കൂടുതല്‍ കര്‍ശനമാക്കുകയാണ് സൗദി. കൊറോണ വൈറസിന്‍റെ പുതിയ വകഭേദങ്ങള്‍ ഉയര്‍ത്തുന്ന ഭീഷണി മുന്നില്‍ക്കണ്ട് തങ്ങളുടെ പൗരന്മാര്‍ക്ക് കര്‍ശന നിര്‍ദ്ദേശങ്ങളാണ് നൽകിയിട്ടുള്ളത്.രാജ്യം പുറപ്പെടുവിച്ചിരിയ്ക്കുന്ന ചുവന്ന പട്ടികയില്‍ ഉള്‍പ്പെട്ട രാജ്യങ്ങള്‍ സന്ദര്‍ശിക്കുന്ന പൗരന്മാര്‍ക്ക് മൂന്ന് വര്‍ഷം വരെ യാത്രാ വിലക്ക് ഏര്‍പ്പെടുത്തുമെന്ന മുന്നറിയിപ്പ് കഴിഞ്ഞ ദിവസം പുറത്തുവന്നു.

2020 മാര്‍ച്ചിന് ശേഷം കഴിഞ്ഞ മെയ്‌ മാസത്തിലാണ് സൗദി തങ്ങളുടെ പൗരന്മാര്‍ക്ക് വിദേശ യാത്രയ്ക്ക് അനുമതി നല്‍കിയത്. എന്നാല്‍, ഇത് ദുരുപയോഗം ചെയ്യുന്നതായി കണ്ടെത്തിയതിനെത്തുടര്‍ന്നാണ് നടപടി കൂടുതല്‍ കര്‍ശനമാക്കുന്നത് എന്ന് അധികൃതര്‍ വ്യക്തമാക്കി. ഇത്തരത്തില്‍, കോവിഡ് കാലത്ത് വിദേശ യാത്ര നിയമങ്ങള്‍ ലംഘിക്കുന്നവര്‍ക്ക് സ്വദേശത്ത് തിരിച്ചെത്തുമ്പോള്‍ തക്കശിക്ഷ ലഭിക്കുമെന്നും മന്ത്രാലയ വക്താവ് വ്യക്തമാക്കി. നിയമ ലംഘനം നടത്തുന്നവര്‍ക്ക് മൂന്ന് വര്‍ഷം വരെ യാത്രാ വിലക്ക് ഏര്‍പ്പെടുത്തുമെന്നും അധികൃതര്‍ അറിയിച്ചു.

നിലവില്‍ അഫ്ഗാനിസ്ഥാൻ, അർജന്‍റീന, ബ്രസീൽ, ഈജിപ്ത്, എത്യോപ്യ, ഇന്ത്യ, ഇന്തോനേഷ്യ, ലെബനൻ, പാക്കിസ്ഥാൻ, ദക്ഷിണാഫ്രിക്ക, തുർക്കി, വിയറ്റ്നാം തുടങ്ങിയ രാജ്യങ്ങളിലേക്കുള്ള യാത്രയാണ് സൗദി അറേബ്യ നിരോധിച്ചിരിക്കുന്നത്. തങ്ങളുടെ പൗരന്മാര്‍ക്ക്, മറ്റു രാജ്യങ്ങളില്‍ നിന്നുപോലും ഈ രാജ്യങ്ങളിലേക്കുള്ള യാത്ര സൗദി പൂര്‍ണ്ണമായും വിലക്കിയിരിക്കുകയാണ്.

കോവിഡിനെ പ്രതിരോധിക്കുന്നതിനായി രാജ്യവും വാക്സിനേഷനാണ് മുന്‍ഗണന നല്‍കുന്നത്. സ്വദേശികള്‍ക്കും പ്രവാസികള്‍ക്കും ഒരേപോലെ വാക്സിനേഷന്‍ ലഭ്യമാക്കുന്നതിന് പ്രാധാന്യം നല്‍കുന്നുണ്ട് സൗദി. പൊതു, സ്വകാര്യ സ്ഥാപനങ്ങളില്‍ വാക്സിനെടുത്തവര്‍ക്ക് മാത്രമേ പ്രവേശനം നല്‍കൂ എന്ന് സൗദി അടുത്തിടെ നിയമം പുറത്തിറക്കിയിരുന്നു.

നിയന്ത്രണങ്ങള്‍ ശക്തമാക്കിയിട്ടും കോവിഡ് വ്യാപനം തടുക്കാന്‍ സാധിക്കാതെ വരുന്ന സാഹചര്യത്തിലാണ് നിയമങ്ങള്‍ കൂടുതല്‍ കര്‍ശനമാക്കാന്‍ സൗദി തീരുമാനിക്കുന്നത്‌.

LEAVE A REPLY

Please enter your comment!
Please enter your name here

Most Popular

Recent Comments