THE NEWS PLUS PORTAL FOR THE DISCERNING INDIANS OVER THE GLOBE

Saturday, June 12, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news ദുരിതാശ്വാസ നിധിയിലേക്ക് 2 ലക്ഷം രൂപ സംഭാവന നൽകി ബീഡി തൊഴിലാളി

ദുരിതാശ്വാസ നിധിയിലേക്ക് 2 ലക്ഷം രൂപ സംഭാവന നൽകി ബീഡി തൊഴിലാളി

കണ്ണൂർ: മുഖ്യമന്ത്രിയുടെ ദുരിതാശ്വാസ നിധിയിലേക്ക് രണ്ട് ലക്ഷം രൂപ നൽകിയ ബീഡി തൊഴിലാളിയെക്കുറിച്ച് മുഖ്യമന്ത്രി തന്നെ കഴിഞ്ഞദിവസം സംസാരിച്ചിരുന്നു. ഒരു ബാങ്ക് ഉദ്യോഗസ്ഥൻ ദുരിതാശ്വാസ നിധിയിലേക്ക് പണം അയക്കാനെത്തിയ ആളെക്കുറിച്ച് എഴുതിയ ഫേസ്ബുക്ക് പോസ്റ്റിലൂടെയായിരുന്നു ഈ വാർത്ത പുറത്ത് വന്നത്. എന്നാൽ ഇതാരാണെന്ന് ഇതുവരെയും ആർക്കും അറിയില്ലായിരുന്നു. ദിവസങ്ങൾക്ക് ശേഷം ആ ബീഡി തൊഴിലാളിയെ കണ്ടെത്തിയിരിക്കുകയാണ്. കണ്ണൂർ അവേര സ്വദേശി ജനാർദനാണ് തന്‍റെ സമ്പാദ്യം വാക്സിൻ ചലഞ്ചിലേക്ക് നൽകിയത്.

വാക്സിൻ ചലഞ്ചിലേക്ക് രണ്ട് ലക്ഷം രൂപ നൽകിയതിനെക്കുറിച്ച് ജനാർദനൻ വിവിധ മാധ്യമങ്ങളോട് നടത്തിയ പ്രതികരണവും ഇതിനോടകം സോഷ്യൽ മീഡിയയിൽ വൈറലായിട്ടുണ്ട്. ‘പൈസ കുന്നുകൂട്ടിവച്ചിട്ട് കാര്യമുണ്ടോ? ആവശ്യങ്ങൾക്ക് ഉപയോഗിക്കുകയല്ലേ വേണ്ടത്’ എന്നായിരുന്നു ജനാർദനൻ പ്രതികരണം. രാജ്യം കൊവിഡ് ഭീതിയിലൂടെ കടന്ന് പോകുമ്പോൾ വാക്സിന് വില ഉയർത്തിയത് തന്‍റെ മനസിനെ ഉലച്ചെന്നും അതുകൊണ്ടാണ് ഇത്തരമൊരു തീരുമാനമെടുത്തതെന്നും അദ്ദേഹം പറയുന്നു.

ഭാര്യ രജനിയുടെ മരണശേഷം കിട്ടിയ ഗ്രാറ്റുവിറ്റി തുകയാണ് ദുരിതാശ്വാസ നിധിയിലേക്ക് നൽകിയതെന്നും അദ്ദേഹം വ്യക്തമാക്കി. അടുത്ത ദിവസം തന്നെ ബാങ്കില്‍ പോയി അത് ദുരിതാശ്വാസനിധിയിലേക്ക് ഇടാന്‍ പറയുകയായിരുന്നു അദ്ദേഹം ചെയ്തത്. ഇത് ആരും അറിയരുതെന്നാണ് താൻ ആഗ്രഹിച്ചിരുന്നെന്നും അദ്ദേഹം വ്യക്തമാക്കി.

ജന്മനാ കേള്‍വിക്കുറവുള്ള തനിക്ക് രണ്ട് ശസ്ത്രക്രിയ ജില്ലാആശുപത്രിയിലാണ് നടന്നതെന്നും അദ്ദേഹം പറഞ്ഞു. “ഇപ്പോള്‍ ശ്രവണ സഹായി ഉപയോഗിച്ച് നന്നായി കേള്‍ക്കാം. ഹെര്‍ണിയ ശസ്ത്രക്രിയയും ചെയ്തു. രണ്ട് പ്രാവശ്യം ക്ഷയരോഗം വന്നു. അപ്പോഴെല്ലാം സര്‍ക്കാര്‍ ആശുപത്രിയിലെ ചികിത്സയാണെടുത്തത്. ഇപ്പോഴും ഗവ. ആശുപത്രിയില്‍ ചികിത്സ നടത്തുന്നു.” കേരള ബാങ്ക് കണ്ണൂര്‍ ശാഖയിലെ ഉദ്യോഗസ്ഥന്‍ സി പി സൗന്ദര്‍ രാജന്‍റെ ഫേസ്ബുക്ക് പോസ്റ്റിലൂടെയാണ് ജനാര്‍ദനന്‍റെ സംഭവാന പുറംലോകമറിഞ്ഞത്.

LEAVE A REPLY

Please enter your comment!
Please enter your name here

Most Popular

Recent Comments