മികച്ച സ്പോർട്സ് റിപ്പോർട്ടിങ്ങിനുള്ള മുഷ്താഖ് പുരസ്കാരം പ്രഖ്യാപിച്ചു.

കോഴിക്കോട്: മികച്ച സ്പോർട്സ് റിപ്പോർട്ടിങ്ങിന് കാലിക്കറ്റ് പ്രസ് ക്ലബ് കോഴിക്കോട് ജില്ല ഫുട്ബാൾ അസോസിയേഷനുമായി ചേർന്ന് നൽകുന്ന മുഷ്താഖ് പുരസ്കാരം ​‘മാധ്യമം’ കോഴിക്കോട്​ ബ്യൂറോ സീനിയർ കറസ്​പോണ്ടൻറ്​ സി.പി ബിനീഷിനും ഫോട്ടോഗ്രാഫർക്കുള്ള പുരസ്കാരം ടൈംസ് ഓഫ് ഇന്ത്യ തിരുവനന്തപുരം ബ്യുറോയിലെ ടി.കെ ദീപപ്രസാദിനും ലഭിച്ചു. 10000 രൂപയും ഫലകവുമടങ്ങുന്നതാണ് പുരസ്കാരം . സി പി വിജയകൃഷ്ണൻ, എ.എൻ രവീന്ദ്രദാസ്, കമാൽ വരദൂർ എന്നിവരടങ്ങിയ ജൂറിയാണ് പുരസ്കാര ജേതാവിനെ തെരഞ്ഞെടുത്തത്.