THE NEWS PLUS PORTAL FOR THE DISCERNING INDIANS OVER THE GLOBE

Saturday, June 12, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Keralam അനാക്കോണ്ടയ്ക്ക് എസി, കടുവയ്ക്ക് ഷവര്‍: സൂപ്പര്‍ കൂളായി തിരുവനന്തപുരം മൃഗശാല

അനാക്കോണ്ടയ്ക്ക് എസി, കടുവയ്ക്ക് ഷവര്‍: സൂപ്പര്‍ കൂളായി തിരുവനന്തപുരം മൃഗശാല

തിരുവനന്തപുരം: രാജവെമ്പാലയ്ക്കും അനാക്കോണ്ടയ്ക്കും എസി, കടുവയ്ക്ക് കുളിച്ചു തിമിര്‍ക്കാന്‍ ഷവര്‍, കരടിക്ക് ഐസിട്ട് തണ്ണിമത്തന്‍, ചെറിയ പാമ്പുകള്‍ക്കായി ചട്ടിയില്‍ വെള്ളം… ഈ വേനല്‍ ചൂടില്‍ സൂപ്പര്‍ കൂളായിരിക്കുകയാണ് തിരുവനന്തപുരം മൃഗശാലയിലെ മൃഗങ്ങള്‍.

മനുഷ്യരെക്കാള്‍ ചൂട് താങ്ങാന്‍ ശേഷി കുറവായ മിണ്ടാപ്രാണികള്‍ക്ക് ചൂട് കാലാവസ്ഥയില്‍ ആരോഗ്യപ്രശ്‌നങ്ങള്‍ ഉണ്ടാകാതെയിരിക്കാനാണ് മൃഗശാല അധികൃതര്‍ പുതിയ മാര്‍ഗങ്ങള്‍ സ്വീകരിച്ചിരിക്കുന്നത്. മൃഗങ്ങളുടെ ശരീര ഊഷ്മാവ് വ്യതിയാനമില്ലാതെ നിലനിർത്താനുള്ള മാര്‍ഗങ്ങളാണ് ഇതിലൂടെ ലക്ഷ്യമിടുന്നതെന്ന് മൃഗശാല അധികൃതര്‍ പറഞ്ഞു.

മൃഗങ്ങളുടെ ആരോഗ്യസംരക്ഷണത്തിനുള്ള മുന്‍കരുതലുകളും സ്വീകരിച്ചിട്ടുണ്ട്. വെജിറ്റേറിയന്മാരുടെ ഭക്ഷണത്തില്‍ തണ്ണിമത്തന്‍, സലാഡ് തുടങ്ങിയവയുടെ അളവ് കൂട്ടി. കുരങ്ങന്‍, കാട്ടുപോത്ത്, കരടി, കടുവ, പാമ്പുകള്‍, കണ്ടാമൃഗം തുടങ്ങിയവയുടെ കൂടുകളിലെ കുളങ്ങളില്‍ വെള്ളം നിറച്ച് നല്‍കി. ഇതു കൂടാതെ ചെറിയ പാമ്പുകള്‍ക്ക് ചട്ടിയില്‍ വെള്ളം നിറച്ചു നല്‍കുന്നുമുണ്ട്.

നീലക്കാളയ്ക്ക് ഫാനും നാലുപാടും വെള്ളം ചീറ്റുന്ന സ്പ്രിങ്ക്ളറും സജ്ജീകരിച്ചു. കരടിക്കു പഴ വര്‍ഗങ്ങള്‍ തണുപ്പിച്ച് ഐസ് ബ്ലോക്കുകളാക്കിയാണു നല്‍കുന്നത്. പക്ഷികളുടെ കൂടുകളിലെല്ലാം വെള്ളം നിറച്ചു. കാണ്ടാമൃഗത്തിനും മ്ലാവിനും തണുപ്പ് കൂടുതല്‍ വേണ്ടതിനാല്‍ ചെളിക്കുളമാണ് തയാറാക്കിയിരിക്കുന്നത്.

LEAVE A REPLY

Please enter your comment!
Please enter your name here

Most Popular

Recent Comments