THE NEWS PLUS PORTAL FOR THE DISCERNING INDIANS OVER THE GLOBE

Friday, December 8, 2023

THE NEWS PLUS PORTAL FOR THE DISCERNING INDIANS OVER THE GLOBE

Home Latest news ഇക്കൊല്ലത്തെ ഏറ്റവും കുറഞ്ഞ സ്വര്‍ണ വില ഇന്ന്‌

ഇക്കൊല്ലത്തെ ഏറ്റവും കുറഞ്ഞ സ്വര്‍ണ വില ഇന്ന്‌

കൊച്ചി: കേരളത്തില്‍ ഇന്ന് സ്വര്‍ണ വില കുത്തനെ കുറഞ്ഞു. പവന് 320 രൂപ കുറഞ്ഞ് 35480 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 4435 രൂപയാണ് ഇന്നത്തെ സ്വര്‍ണ വില. 2021ലെ ഏറ്റവും കുറഞ്ഞ സ്വര്‍ണ വിലയാണ് ഇന്നത്തേത്. മാസങ്ങള്‍ക്ക് ശേഷമാണ് കേരളത്തില്‍ സ്വര്‍ണ വിലയില്‍ ഇത്രയും കുറവ് രേഖപ്പെടുത്തുന്നത്. ഫെബ്രുവരിയിലെ ഇതുവരെയുള്ള ഏറ്റവും ഉയ!ര്‍ന്ന വില ഫെബ്രുവരി ഒന്നിന് രേഖപ്പെടുത്തിയ പവന് 36800 രൂപയാണ്.

adpost

ആഗോള വിപണിയില്‍ വിലയേറിയ ലോഹങ്ങളുടെ നിരക്കില്‍ ഇടിവുണ്ടായതിനെത്തുടര്‍ന്ന് ഇന്ന് ഇന്ത്യന്‍ വിപണിയില്‍ സ്വര്‍ണത്തിന്റെയും വെള്ളിയുടെയും വില ഇടിഞ്ഞു. എംസിഎക്‌സില്‍, സ്വര്‍ണ്ണ ഫ്യൂച്ചറുകള്‍ 10 ഗ്രാമിന് 0.56 ശതമാനം കുറഞ്ഞ് 47549 രൂപയിലെത്തി. തുടര്‍ച്ചയായ നാലാം ദിവസമാണ് സ്വ!ര്‍ണ വില കുറയുന്നത്. എംസിഎക്‌സിലെ വെള്ളി ഫ്യൂച്ചര്‍ നിരക്ക് ഇന്ന് ഒരു ശതമാനം കുറഞ്ഞ് കിലോയ്ക്ക് 67,848 രൂപയിലെത്തി.

adpost

സ്വര്‍ണ്ണ നിരക്കിന്റെ ഇടിവും വീണ്ടെടുക്കുന്ന സമ്പദ്‌വ്യവസ്ഥയും ഇന്ത്യയിലെ ഭൗതിക സ്വര്‍ണ്ണ ആവശ്യകത വ!ര്‍ദ്ധിപ്പിക്കുമെന്ന് വിശകലന വിദഗ്ധര്‍ പറയുന്നു. ഓഗസ്റ്റില്‍ സ്വര്‍ണ്ണനിരക്ക് റെക്കോര്‍ഡ് ഉയര്‍ന്ന നിരക്കായ 56,200 രൂപയിലെത്തിയിരുന്നു. ആഗോള വിപണിയില്‍ യുഎസ് ബോണ്ട് വരുമാനം കുതിച്ചുകയറുന്നതിനിടയിലും ശക്തമായ ഡോളറിനിടയിലും സ്വര്‍ണ്ണ നിരക്ക് കുറഞ്ഞു. സ്‌പോട്ട് സ്വര്‍ണ വില ഔണ്‍സിന് 0.1 ശതമാനം കുറഞ്ഞ് 1,832.84 ഡോളറിലെത്തി. ഡോളര്‍ സൂചിക 91.198 ആയി ഉയര്‍ന്നു.

സ്‌പോട്ട് വെള്ളി വില 0.5 ശതമാനം ഇടിഞ്ഞ് 26.72 ഡോളറിലെത്തി. എട്ടുവര്‍ഷത്തെ ഏറ്റവും ഉയര്‍ന്ന നിരക്കായ 30.03 ഡോളറിലെത്തിയതിന് ശേഷം വിലകള്‍ കുറയുകയായിരുന്നു. വിലയേറിയ മറ്റ് ലോഹങ്ങളില്‍ പ്ലാറ്റിനം 0.4 ശതമാനം ഇടിഞ്ഞ് 1,096.08 ഡോളറിലെത്തി. പല്ലേഡിയത്തിന്റെ വില 0.2 ശതമാനം ഇടിഞ്ഞ് 2,270.06 ഡോളറിലെത്തി.

LEAVE A REPLY

Please enter your comment!
Please enter your name here

Most Popular

Recent Comments

WP2Social Auto Publish Powered By : XYZScripts.com