കോഴിക്കോട്: കോടഞ്ചേരിയില്‍ ബി ജെ പി സ്ഥാനാര്‍ത്ഥിയെ കാട്ടുപന്നി കുത്തി. കോടഞ്ചേരി പഞ്ചായത്ത് പത്തൊമ്പതാം വാര്‍ഡ് സ്ഥാനാര്‍ഥി വാസുകുഞ്ഞനാണ് (53) കുത്തേറ്റത്. സ്ഥാനാര്‍ത്ഥി സഞ്ചരിച്ചിരുന്ന ബൈക്ക് പന്നി കുത്തി വീഴ്ത്തുകയായിരുന്നു.
പുലര്‍ച്ചെ അഞ്ചേമുക്കാലിനാണ് സംഭവം നടന്നത്. രാവിലെ പോളിംഗ് ബൂത്തിലേക്ക് പോകുന്നതിനിടെ ചൂരമുണ്ട കണ്ണോത്ത് റോഡില്‍ വച്ചാണ് വാസുകുഞ്ഞിന് നേരെ കാട്ടുപന്നിയുടെ അപ്രതീക്ഷിത ആക്രമണമുണ്ടായത്. പരിക്കേറ്റ ഇദ്ദേഹത്തെ നെല്ലിപൊയിലിലെ സ്വകാര്യ ആശുപത്രിയില്‍ പ്രവേശിപ്പിച്ചു.
