THE NEWS PLUS PORTAL FOR THE DISCERNING INDIANS OVER THE GLOBE

Friday, October 7, 2022

THE NEWS PLUS PORTAL FOR THE DISCERNING INDIANS OVER THE GLOBE

Home Latest news കോവിഡ് വാക്‌സിൻ വിതരണം; ഒരു സംസ്ഥാനത്തോടും വിവേചനമില്ലെന്ന് കേന്ദ്രം

കോവിഡ് വാക്‌സിൻ വിതരണം; ഒരു സംസ്ഥാനത്തോടും വിവേചനമില്ലെന്ന് കേന്ദ്രം

ന്യൂഡൽഹി: കൊറോണ വാക്‌സിൻ ഡോസുകൾ അനുവദിക്കുന്നതിൽ ഒരു സംസ്ഥാനത്തോടും വിവേചനം കാണിച്ചിട്ടില്ലെന്ന് കേന്ദ്ര സർക്കാർ. ആരോഗ്യ പ്രവർത്തകർക്കായി 1.65 കോടി കൊവിഷീൽഡ്, കൊവാക്‌സിൻ ഡോസുകൾ സംസ്ഥാനങ്ങൾക്ക് അനുവദിച്ചെന്ന് കേന്ദ്രം വ്യക്തമാക്കി.

adpost

ആരോഗ്യ പ്രവർത്തകരുടെ ഡേറ്റാ ബേസിന്റെ അനുപാതത്തിൽ 1.65 കോടി കൊവീഷീൽഡ്, കൊവാക്‌സിൻ ഡോസുകൾ എല്ലാ സംസ്ഥാനങ്ങൾക്കും കേന്ദ്ര ഭരണ പ്രദേശങ്ങൾക്കുമായി അനുവദിച്ചിരിക്കുന്നത്. അതിനാൽ വാക്‌സിൻ ഡോസുകൾ അനുവദിക്കുന്നതിൽ ഏതെങ്കിലുമൊരു സംസ്ഥാനത്തോട് വിവേചനം കാണിച്ചോയെന്ന ചോദ്യമുദിക്കുന്നില്ലെന്നും ആരോഗ്യ മന്ത്രാലയം വ്യക്തമാക്കിയിട്ടുണ്ട്.

adpost

വാക്‌സിൻ ഡോസുകൾ വിതരണം ചെയ്യുന്നതിന്റെ പ്രാരംഭ ഘട്ടമാണ് നടക്കുന്നത്. വരും ആഴ്ച്ചകളിൽ കുറവുകൾ നികത്തും. വിതരണത്തിന്റെ അപര്യാപ്തത കാരണം പ്രകടിപ്പിക്കുന്ന ആശങ്ക അടിസ്ഥാന രഹിതമാണെന്നും മന്ത്രാലയം കൂട്ടിച്ചേർത്തു. ഒരു കോടി ആരോഗ്യ ആരോഗ്യ പ്രവർത്തകർക്ക് ഉൾപ്പെടെ 30 കോടി ആളുകൾക്ക് ആദ്യ ഘട്ടത്തിൽ പ്രതിരോധ കുത്തിവെയ്പ്പ് നൽകാനാണ് കേന്ദ്ര സർക്കാർ പദ്ധതിയിടുന്നത്. ഇതിനായുള്ള നടപടി ക്രമങ്ങൾ സർക്കാർ ആരംഭിച്ചിട്ടുണ്ട്.

ജനുവരി 16 നാണ് സംസ്ഥാനത്ത് കൊറോണ വാക്‌സിൻ വിതരണം ആരംഭിക്കുന്നത്. മൂന്ന് കോടിയോളമുള്ള ആരോഗ്യ പ്രവർത്തകർക്കും കൊറോണ മുൻനിര പോരാളികൾക്കുമാണ് രാജ്യത്ത് ആദ്യ ഘട്ടത്തിൽ വാക്സിൻ നൽകുക. രണ്ടാം ഘട്ടത്തിൽ 50 വയസിന് മുകളിൽ പ്രായമുള്ളവർക്കും രോഗവ്യാപന സാധ്യത കൂടുതലുള്ള 50 വയസിന് താഴെ പ്രായമുള്ളവർക്കും നൽകും.

LEAVE A REPLY

Please enter your comment!
Please enter your name here

Most Popular

Recent Comments

WP2Social Auto Publish Powered By : XYZScripts.com