ശമ്പളം മുടങ്ങി, മലയാളി നഴ്‌സുമാര്‍ സമരത്തില്‍

ആഗ്ര: ശമ്പളം മുടങ്ങിയതിനാല്‍ ഉത്തര്‍പ്രദേശിലെ നയതി മെഡിസിറ്റിയിലെ നഴ്സുമാര്‍ സമരത്തില്‍. മലയാളികളടക്കമുള്ള നഴ്സുമാരാണ് അനിശ്ചിതകാല സമരത്തിലുള്ളത്. ആറ് മാസമായി ഇവര്‍ക്ക് ശമ്പളം ലഭിച്ചിട്ടില്ല. 40 മലയാളികളക്കമുള്ള ഇരുനൂറിലേറെ ജീവനക്കാരാണ് സമരത്തിനിറങ്ങിയത്. കൊവിഡ് ഡ്യൂട്ടിയിലുള്ള നഴ്സുമാര്‍ക്കു പോലും ആശുപത്രി ശമ്പളം നല്‍കുന്നില്ലെന്നും പലരേയും ശമ്പളം നല്‍കാതെ നിര്‍ബന്ധിത അവധിയില്‍ വിടുകയും പിരിച്ചുവിടുകയും ചെയ്യുന്നതായി നഴ്സുമാര്‍ ആരോപിച്ചു. മലയാളികളടക്കമുള്ള തെക്കന്‍ സംസ്ഥാനങ്ങളിലെ ജീവനക്കാര്‍ക്കാണ് പിരിച്ചുവിടല്‍ നോട്ടീസ് നല്‍കിയത്.