ദില്ലി: വ്യോമസേനയിൽ അഗ്നിവീറുകളെ നിയമിക്കാനുള്ള രജിസ്ട്രേഷൻ ആരംഭിച്ചതോടെ ഇതുവരെ രജിസ്റ്റർ ചെയ്തത് 56960 പേർ. രജിസ്ട്രേഷൻ 2022 ജൂലൈ 05-ന് രജിസ്ട്രേഷൻ നടപടികൾ അവസാനിക്കും. https://agnipathvayu.cdac.in എന്ന വെബ്സൈറ്റിലൂടെ അപേക്ഷിക്കാം. മൂവായിരം പേർക്കാണ് ഇക്കൊല്ലം അഗിനിവീറുകളായി നിയമനം. അതെസമയം അഗ്നിപഥ് പദ്ധതിക്കെതിരെ ബീഹാറിൽ പ്രതിഷേധം പലയിടങ്ങളിലും തുടുരുകയാണ്.
യോഗ്യത മാനദണ്ഡങ്ങൾ കൃത്യമായി പാലിക്കണം. രജിസ്ട്രേഷൻ നടപടികൾ ജൂൺ 24 മുതൽ ആരംഭിച്ചു. ജൂലൈ 5 ആണ് അപേക്ഷിക്കാനുള്ള അവസാന തീയതി. ഓൺലൈൻ പരീക്ഷ ജൂലൈ 24 ന് നടക്കും. ആദ്യ ബാച്ച് ഡിസംബറോടെ എൻറോൾ ചെയ്യുകയും ഡിസംബർ 30-നകം പരിശീലനം ആരംഭിക്കുകയും ചെയ്യും.
ഓൺലൈൻ ടെസ്റ്റ്, ഫിസിക്കൽ ഫിറ്റ്നസ് ടെസ്റ്റ് (PFT), അഡാപ്റ്റബിലിറ്റി ടെസ്റ്റ്-I, അഡാപ്റ്റബിലിറ്റി ടെസ്റ്റ്-II, മെഡിക്കൽ പരീക്ഷ എന്നിവയുടെ അടിസ്ഥാനത്തിലാണ് ഉദ്യോഗാർത്ഥികളെ തിരഞ്ഞെടുക്കുന്നത്. അപേക്ഷകന് പത്താം ക്ലാസ് അല്ലെങ്കിൽ മെട്രിക്കുലേഷൻ പാസായ സർട്ടിഫിക്കറ്റ്, ഇന്റർമീഡിയറ്റ് അല്ലെങ്കിൽ 10+2 അല്ലെങ്കിൽ തത്തുല്യമായ മാർക്ക് ഷീറ്റ് അല്ലെങ്കിൽ 3 വർഷത്തെ എഞ്ചിനീയറിംഗ് ഡിപ്ലോമ അവസാന വർഷ മാർക്ക് ഷീറ്റ്, മെട്രിക്കുലേഷൻ മാർക്ക് ഷീറ്റ് അല്ലെങ്കിൽ 2 വർഷത്തെ വൊക്കേഷണൽ കോഴ്‌സ് മാർക്ക് ഷീറ്റ്, നോൺ-വൊക്കേഷണൽ മാർക്ക് ഷീറ്റ് എന്നിവ ഉണ്ടായിരിക്കണം.
താൽപ്പര്യവും യോഗ്യതയുമുള്ള ഉദ്യോഗാർത്ഥികൾക്ക് https://agnipathvayu.cdac.in/AV/ എന്നതിന്റെ ഔദ്യോഗിക വെബ്‌സൈറ്റ് അല്ലെങ്കിൽ IAF വെബ്‌സൈറ്റിൽ ലഭ്യമായ ഇന്ത്യൻ എയർഫോഴ്‌സ് അഗ്നിപഥ് അപേക്ഷാ ഫോറം 2022 സന്ദർശിച്ച് അപേക്ഷിക്കാം – https://indianairforce.nic.in/. പരീക്ഷാ ഫീസ് 250 രൂപയാണ്, ഇത് ഡെബിറ്റ് കാർഡുകൾ/ക്രെഡിറ്റ് കാർഡുകൾ/ഇന്റർനെറ്റ് ബാങ്കിംഗ് എന്നിവ ഉപയോഗിച്ച് പേയ്‌മെന്റ് ഗേറ്റ്‌വേ വഴിയോ ഏതെങ്കിലും ആക്‌സിസ് ബാങ്ക് ബ്രാഞ്ചിൽ ചലാൻ പേയ്‌മെന്റ് വഴിയോ അടക്കാം.
