പാലാ :വിനയവും സഹിഷ്ണുതയും എന്തെന്ന് പഠിച്ചത് കെ.എം. മാണിയിൽ നിന്നാണെന്ന് സ്പീക്കർ പി. ശ്രീരാമകൃഷ്ണൻ. പാലായിൽ കെ.എം. മാണിയുടെ പ്രതിമ അനാഛാദനം ചെയ്ത് സംസാരിക്കുകയായിരുന്നു സ്പീക്കർ. യൂത്ത് ഫ്രണ്ടും കെ.എം. മാണി ഫൗണ്ടേഷനും ചേർന്നാണ് പ്രതിമ സ്ഥാപിച്ചിരിക്കുന്നത്.
നിയമസഭാ തിരഞ്ഞെടുപ്പിൽ കെ.എം. മാണി എന്ന വികാരമുണർത്തി മുന്നണിമാറ്റത്തെ ഏതു വിധേനയും ന്യായീകരിക്കാനുള്ള ശ്രമത്തിനിടെയാണ് ജോസ് കെ. മാണി വിഭാഗം നഗരത്തിൽ കെ.എം. മാണിയുടെ പ്രതിമ സ്ഥാപിച്ചിരിക്കുന്നത്.
