THE NEWS PLUS PORTAL FOR THE DISCERNING INDIANS OVER THE GLOBE

Monday, December 5, 2022

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news യുഐഡി സ്ഥിരീകരിക്കാത്ത ആധാര്‍ തിരിച്ചറിയല്‍ രേഖയായി സ്വീകരിക്കരുത്

യുഐഡി സ്ഥിരീകരിക്കാത്ത ആധാര്‍ തിരിച്ചറിയല്‍ രേഖയായി സ്വീകരിക്കരുത്

രാജ്യത്തെ വ്യക്തികളുടെ തിരിച്ചറിയല്‍ രേഖയായി ആധാര്‍ സ്വീകരിക്കുന്നതിന് മുമ്പ് യുഐഡി പരിശോധിച്ച് സ്ഥിരീകരിക്കണമെന്ന് സ്ഥാപനങ്ങളോട് സര്‍ക്കാര്‍ വൃത്തങ്ങളെ ഉദ്ധരിച്ച് ആധാര്‍ അതോറിറ്റി നിര്‍ദേശം നല്‍കി. പ്രിന്റ് രൂപത്തിലുള്ളതോ ഇലക്ട്രോണ്ക് രൂപത്തിലുള്ളതോ ആയ ആധാര്‍ കാര്‍ഡുകള്‍ക്കും ഈ നിര്‍ദേശം ബാധകമാണ്. ഇത്തരത്തില്‍ തിരിച്ചറിയല്‍ രേഖ സ്ഥിരീകരിക്കുന്നതില്‍ യുണീക് ഐഡന്റിഫിക്കേഷന്‍ അതേറിറ്റി ഓഫ് ഇന്ത്യക്കു ആധാര്‍ ഉടമസ്ഥരുടെ അനുമതി വേണമെന്നും നിര്‍ദേശത്തിലുണ്ട്. സമര്‍പ്പിച്ച ആധാറിന്റെ വസ്തുത ഉറപ്പിക്കേണ്ടത് ഉചിതമായ നടപാടിയാണെന്നും നിര്‍ദേശം വ്യക്തമാക്കുന്നു. ആധാര്‍ ലെറ്റര്‍, ഇ-ആധാര്‍, ആധാര്‍ പിവിസി കാര്‍ഡ്, എം ആധാര്‍ എന്നിവയ്ക്കും നിര്‍ദേശം ബാധകമാണ്.

adpost

ആധാര്‍ ഉപയോഗിച്ച് സാമൂഹ്യ വിരുദ്ധരുടെ ചൂഷണം തടയാന്‍ സ്ഥീരികരണം സഹായിക്കും. ആധാര്‍ കൃത്വിമത്വം നടത്തുന്നതും കണ്ടെത്താന്‍ ഇത്തരം ഒാഫ് ലൈന്‍ വേരിഫിക്കേഷനുകള്‍ സഹായിക്കുമെന്നാണ് അധികൃതര്‍ വ്യക്തമാക്കുന്നത്. ആധാര്‍ ആക്ടിലെ സെക്ഷന്‍ 35 അനുസരിച്ച് ആധാര്‍ രേഖകളില്‍ കൃത്വമത്വം കാണിക്കുന്നത് ശിക്ഷാര്‍ഹമായ കുറ്റമാണ്. സംസ്ഥാന സര്‍ക്കാരുകളോടും ആധാര്‍ വേരിഫിക്കേഷന്‍ സംബന്ധിച്ച നിര്‍ദേശം കേന്ദ്രം നല്‍കിയിട്ടുണ്ട്. ഏത് സാഹചര്യത്തിലും തിരിച്ചറിയല്‍ രേഖയായി ആധാര്‍ ഉപയോഗിക്കുമ്പോള്‍ രേഖകളുടെ വസ്തുത ഉറപ്പു വരുത്തണമെന്നാണ് സംസ്ഥാന സര്‍ക്കാരുകള്‍ക്ക് ആധാര്‍ അതോറിറ്റി മുഖേന കേന്ദ്രം നല്‍കിയിരിക്കുന്ന നിര്‍ദേശം. ഇതു സംബന്ധിച്ച സ്ഥാപനങ്ങള്‍ക്കുള്ള സര്‍ക്കുലറുകളും ഡാറ്റ സ്ഥിരീകരിക്കുന്ന സമയത്ത് പാലിക്കേണ്ട പ്രോട്ടോക്കോളും ഈ സര്‍ക്കുലര്‍ വിശദീകരിക്കുന്നുണ്ട്.

adpost

ഏതു രൂപത്തിലുള്ള ആധാര്‍ കാര്‍ഡിലും നല്‍കിയിരിക്കുന്ന ക്യുആര്‍കോഡ് സ്‌കാന്‍ ചെയ്താല്‍ രേഖകള്‍ സ്ഥിരീകരിക്കാനാകും. ആന്‍ഡ്രോയ്ഡിലും ഐഒഎസിലും അടിസ്ഥാനമായി പ്രവര്‍ത്തിക്കുന്ന ഏതൊരു ഫോണിലും ക്യുആര്‍ കോഡ് സ്‌കാനര്‍ ലഭ്യമാണ്. വിന്‍ഡോസ് അടിസ്ഥാനമാക്കിയുള്ള ഉപകരണങ്ങള്‍ക്കും ക്യുആര്‍ കോഡ് സ്‌കാനര്‍ ലഭിക്കും. ഇന്ത്യക്കാരായിട്ടുള്ള ആധാര്‍ കാര്‍ഡ് ഉടമകള്‍ക്ക് ക്യുആര്‍ കോഡ് പരിശോധനയിലൂടെ അപ്‌ഡേറ്റ ചെയ്തിട്ടുള്ള വിവരങ്ങള്‍ കൃത്യമാണോ എന്നു പരിശോധിക്കാനുള്ള അവസരവും ക്യുആര്‍കോഡ് സ്‌കാന്‍ ചെയ്യുന്നതിലൂടെ ലഭ്യമാണ്. ആധാര്‍ ഉപയോഗിക്കുമ്പോള്‍ ശ്രദ്ധിക്കേണ്ട കാര്യങ്ങളെക്കുറിച്ചും ആധാര്‍ അതോറിറ്റിയുടെ നിര്‍ദേശത്തില്‍ വിശദമാക്കുന്നുണ്ട്. 

LEAVE A REPLY

Please enter your comment!
Please enter your name here

Most Popular

Recent Comments

WP2Social Auto Publish Powered By : XYZScripts.com