THE NEWS PLUS PORTAL FOR THE DISCERNING INDIANS OVER THE GLOBE

Friday, January 28, 2022

THE NEWS PLUS PORTAL FOR THE DISCERNING INDIANS OVER THE GLOBE

Home America വെജിറ്റേറിയൻ പ്രേമികൾക്ക് സന്തോഷ വാർത്ത: സസ്യാഹാരികൾക്കായി കെഎഫ്‌സി ചിക്കൻ ആരംഭിച്ചു

വെജിറ്റേറിയൻ പ്രേമികൾക്ക് സന്തോഷ വാർത്ത: സസ്യാഹാരികൾക്കായി കെഎഫ്‌സി ചിക്കൻ ആരംഭിച്ചു

ന്യൂയോർക്ക്: കെഎഫ്‌സി കഴിക്കാൻ ഇഷ്ടമുള്ളവരാണ് ഒട്ടുമിക്ക ചിക്കൻ പ്രേമികളും. മാംസാഹാരികൾ കെഎഫ്‌സി ചിക്കനൊക്കെ കഴിച്ച് ആസ്വദിക്കുമ്പോൾ വീഗൻ ആയവരെ അഥവാ സസ്യാഹാരികളെ വിസ്മരിക്കാൻ കെഎഫ്‌സി തയ്യാറല്ല. അതുകൊണ്ട് തന്നെ സസ്യാഹാരികൾക്കായി ‘വീഗൻ ചിക്കൻ‘ ഒരുക്കിയിരിക്കുകയാണ് കെഎഫ്‌സി.

അതെങ്ങനെ യാഥാർത്ഥ്യമാക്കുമെന്ന് ചിന്തിച്ച് കുഴയേണ്ട. സസ്യാഹാരങ്ങളെ ഉപയോഗിച്ചാണ് വെജിറ്റേറിയൻ ചിക്കൻ ഉണ്ടാക്കുന്നത്. അതായത്, ചിക്കനാണെന്ന് ഒറ്റ നോട്ടത്തിൽ തോന്നുമെങ്കിലും അത് മാംസം ആയിരിക്കില്ലെന്ന് ചുരുക്കം.

‘ബിയോണ്ട് ഫ്രൈഡ് ചിക്കൻ’ എന്ന പേരിലാണ് കെഎഫ്‌സി ഇവ പുറത്തിറക്കുന്നത്. 2022 ജനുവരി 10 മുതൽ കെഎഫ്‌സി ഔട്ട്‌ലെറ്റുകളിൽ ഇവ ലഭ്യമാകും. വളരെ കുറച്ച് കാലത്തേക്ക് യുഎസിൽ മാത്രമായിരിക്കും ആദ്യഘട്ടത്തിൽ വിപണിയിലെത്തുക. 2019 മുതൽ അറ്റ്‌ലാന്റയിൽ ഇവ പരീക്ഷണാടിസ്ഥാനത്തിൽ ഉപഭോക്താക്കൾക്ക് നൽകാൻ തുടങ്ങിയിരുന്നു. ഒടുവിൽ വിപണി കീഴടക്കാൻ ഇവ 2022ൽ എത്തുകയാണ്.

ചിക്കൻ നഗ്ഗറ്റുകളുടെ രൂപത്തിൽ ആറ് പീസുകൾ വരുന്ന കെഎഫ്‌സി പാക്ക് ആണ് പുറത്തിറക്കുന്നത്. 6.99 യുഎസ് ഡോളറിന് ഇവ കെഎഫ്‌സി ഔട്ട്‌ലെറ്റിൽ ലഭ്യമാകും. ചിക്കൻ കഴിക്കുന്ന പ്രതീതിയിൽ തന്നെ ‘വെജിറ്റേറിയനായ കെഎഫ്‌സി ചിക്കൻ’ കഴിക്കാം എന്നാണ് കമ്പനി അധികൃതരുടെ വാഗ്ദാനം.

LEAVE A REPLY

Please enter your comment!
Please enter your name here

Most Popular

Recent Comments