THE NEWS PLUS PORTAL FOR THE DISCERNING INDIANS OVER THE GLOBE

Tuesday, November 30, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news ഒമാനില്‍ ഈദ് പ്രാര്‍ഥനയ്ക്കും ഒത്തുചേരലുകള്‍ക്കും വിലക്ക്

ഒമാനില്‍ ഈദ് പ്രാര്‍ഥനയ്ക്കും ഒത്തുചേരലുകള്‍ക്കും വിലക്ക്

മസ്‌കറ്റ്: റമദാന്‍ അവസാനത്തോടെ ഈദ് അല്‍ ഫിത്തറില്‍ ഒമാനില്‍ പൊതു പ്രാര്‍ഥന നടത്തില്ലെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു. വര്‍ദ്ധിച്ചു വരുന്ന കൊവിഡ് കേസുകളെ നിയന്ത്രിക്കാന്‍ രാജ്യം പാടുപെടുന്നതിനാലാണ് സുപ്രിം കമ്മിറ്റി ഈ തീരുമാനം എടുത്തത്.

ഈദ് അവധി ദിനങ്ങള്‍ മെയ് 12 ബുധനാഴ്ച ആരംഭിച്ച് മെയ് 15 ശനിയാഴ്ച അവസാനിക്കും. ഈദ് അല്‍ ഫിത്തര്‍ വ്യാഴാഴ്ചയാണെങ്കില്‍ ഞായറാഴ്ച പ്രവൃത്തി ദിനമായിരിക്കും. അമീലി സമ്മേളനങ്ങള്‍ അല്ലെങ്കില്‍ ഈദിന്റെ ബഹുജന ആഘോഷങ്ങള്‍ ഉള്‍പ്പെടെ എല്ലാത്തരം സമ്മേളനങ്ങളും സമിതി നിരോധിച്ചു.

ഈദ് അവധിക്കാലത്ത് ബീച്ചുകളിലും പാര്‍ക്കുകളിലും ഒത്തുചേരല്‍ അനുവദനീയമല്ലെന്നും സമിതി വ്യക്തമാക്കി. മെയ് 8 മുതല്‍ 15 വരെ ഭക്ഷ്യ സ്റ്റോറുകള്‍. ഇന്ധന സ്‌റ്റേഷനുകള്‍, ആരോഗ്യ കേന്ദ്രങ്ങള്‍, ഹോം ഡെലിവറി എന്നിവ ഒഴികെയുള്ള എല്ലാ വാണിജ്യ പ്രവര്‍ത്തനങ്ങളും അടയ്ക്കുന്നത് ഉള്‍പ്പെടെ കൊവിഡിന്റെ വ്യാപനം തടയുന്നതിന് കമ്മിറ്റി ഈദ് അല്‍ ഫിത്തറിന് മുമ്പായി കര്‍ശന നടപടികള്‍ സ്വീകരിച്ചു.

രാത്രി യാത്രാ നിരോധനം മെയ് 8 ശനിയാഴ്ച മുതല്‍ മെയ് 15 വരെ നീട്ടി. 33 മരണങ്ങള്‍ ഉള്‍പ്പെടെ 2500 കേസുകള്‍ ഒമാനില്‍ ഞായറാഴ്ച രേഖപ്പെടുത്തി. 24 മണിക്കൂറിനുള്ളില്‍ നൂറിലധികം രോഗികളെ ആശുപത്രികളില്‍ പ്രവേശിപ്പിച്ചു.

മെയ് 15 വരെ വൈകുന്നേരം 7 മുതല്‍ പുലര്‍ച്ചെ 4 വരെ കര്‍ഫ്യൂ ഏര്‍പ്പെടുത്തുമെന്ന് ഒമാന്‍ വാര്‍ത്താ ഏജന്‍സി അറിയിച്ചു. നിയന്ത്രണത്തിന്റെ ഭാഗമായി പലചരക്ക് കടകള്‍, ഗ്യാസ് സ്റ്റേഷനുകള്‍, ആരോഗ്യ സ്ഥാപനങ്ങള്‍, ഫാര്‍മസികള്‍ എന്നിവയൊഴികെ ബാക്കിയെല്ലാം പ്രവര്‍ത്തനങ്ങളും നിര്‍ത്തിവെച്ചിട്ടുണ്ട്. എല്ലാ ഡെലിവറി സേവനങ്ങളും ഒഴിവാക്കിയിട്ടുണ്ട്.

ജോലി സ്ഥലങ്ങളിലെ എല്ലാ ജീവനക്കാരുടെയും സാന്നിധ്യം സുല്‍ത്താനേറ്റില്‍ താത്ക്കാലികമായി നിര്‍ത്തിവെച്ചിരുന്നു. സംസ്ഥാന അഡ്മിനിസ്ട്രേറ്റീവ് ഉപകരണങ്ങളുടെയും മറ്റ് നിയമപരമായ പ്രവര്‍ത്തനങ്ങളുടെയും ജീവനക്കാര്‍ മെയ് 9 ഞായറാഴ്ച മുതല്‍ വീട്ടില്‍ നിന്ന് ജോലി ചെയ്യണം.

ഓണ്‍ലൈന്‍ പ്രവര്‍ത്തനം നടപ്പാക്കാനും ഓഫിസുകളിലെ ജീവനക്കാരുടെ എണ്ണം കുറയ്ക്കാനും സ്വകാര്യ മേഖലയോട് ഒമാനിലെ കൊവിഡിനെ നേരിടുന്ന സുപ്രിം കമ്മിറ്റി ആവശ്യപ്പെട്ടു. പള്ളികളില്‍ പെരുന്നാള്‍ നിസ്‌കാരം ഉണ്ടാകില്ല. പരമ്പരാഗത പെരുന്നാള്‍ വിപണികള്‍, പെരുന്നാള്‍ ആഘോഷങ്ങള്‍, ബീച്ചുകളിലെയും പാര്‍ക്കിലും പൊതു ഇടങ്ങളിലെയും ഒത്തുചേരല്‍ എന്നിവയ്ക്കും വിലക്ക് ഏര്‍പ്പെടുത്തിയിട്ടുണ്ട്.

LEAVE A REPLY

Please enter your comment!
Please enter your name here

Most Popular

Recent Comments