THE NEWS PLUS PORTAL FOR THE DISCERNING INDIANS OVER THE GLOBE

Wednesday, December 1, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Latest news മുൻ അറ്റോർണി ജനറൽ സോളി സൊറാബ്‌ജി കൊവിഡ് ബാധിച്ച് മരിച്ചു

മുൻ അറ്റോർണി ജനറൽ സോളി സൊറാബ്‌ജി കൊവിഡ് ബാധിച്ച് മരിച്ചു

ന്യൂഡല്‍ഹി: ഇന്ത്യയുടെ മുന്‍ അറ്റോര്‍ണി ജനറലും മുതിര്‍ന്ന അഭിഭാഷകനുമായ സോളി സൊറാബ്ജി അന്തരിച്ചു. കൊവിഡ് ബാധയെത്തുടർന്ന് ഡല്‍ഹിയിലെ സ്വകാര്യ ആശുപത്രിയില്‍ ചികിത്സയിലായിരുന്നു അദ്ദേഹം. 91 വയസായിരുന്നു. വെള്ളിയാഴ്ച പുലര്‍ച്ചെയാണ് അന്ത്യം. കുറച്ച് ദിവസങ്ങൾക്ക് മുൻപായിരുന്നു സോളി സൊറാബ്‌ജിയ്ക്കും ഭാര്യയ്ക്കും കൊവിഡ് സ്ഥിരീകരിച്ചത്. ഭാര്യയുടെ ആരോഗ്യ നില മെച്ചപ്പെട്ടെങ്കിലും സൊറാബ്ജി മരണത്തിന് കീഴടങ്ങുകയായിരുന്നു. രാജ്യത്തെ മികച്ച നിയമജ്ഞരിലൊരാളായണ് അദ്ദേഹം അറിയപ്പെടുന്നത്.

1953ൽ മുംബൈ ഹൈക്കോടതിയിൽ അഭിഭാഷകനായാണ് തുടക്കം. 1971ൽ സുപ്രീംകോടതിയിലും പിന്നീട് ഇന്ത്യയുടെ അറ്റോർണി ജനറലായും സേവനമുഷ്ഠിച്ചു. 1989 ഡിസംബർ 9 മുതൽ 1990 ഡിസംബർ 2 വരെയും, 1998 ഏപ്രിൽ 7 മുതൽ 2004 വരെയുമായിരുന്നു ഇന്ത്യയുടെ അറ്റോർണി ജനറലായി പ്രവർത്തിച്ചത്. നിയമമേഖലയ്ക്ക് നൽകിയ സംഭാവനകൾ മുൻനിർത്തി രാജ്യം 2002ൽ പദ്മവിഭൂഷൺ നൽകി ആദരിച്ചു. എഴുപത് വർഷത്തോളം നീണ്ടുനിന്ന അഭിഭാഷക ജീവിതം ആയിരുന്നു സോളി സൊറാബ്‌ജിയുടേത്. യുഎന്‍ മനുഷ്യാവകാശ ഉപസമിതി ചെയര്‍മാനുമായിരുന്നു.

LEAVE A REPLY

Please enter your comment!
Please enter your name here

Most Popular

Recent Comments