THE NEWS PLUS PORTAL FOR THE DISCERNING INDIANS OVER THE GLOBE

Wednesday, July 6, 2022

THE NEWS PLUS PORTAL FOR THE DISCERNING INDIANS OVER THE GLOBE

Home America മാസങ്ങൾക്ക് മുമ്പ് കാണാതായ യുവതിയെ വനത്തിൽ കണ്ടെത്തി; കഴിഞ്ഞത് പുല്ലും പായലും കഴിച്ച്

മാസങ്ങൾക്ക് മുമ്പ് കാണാതായ യുവതിയെ വനത്തിൽ കണ്ടെത്തി; കഴിഞ്ഞത് പുല്ലും പായലും കഴിച്ച്

വാഷിങ്ടൺ: ആറുമാസങ്ങൾക്ക് മുമ്പ് യുഎസിലെ യുട്ടയിലെ ഒരു മലയിടുക്കിൽ വെച്ച് കാണാതായ 47കാരിയെ കണ്ടെത്തി. ഒരു ടെന്‍റിൽ കഴിഞ്ഞുവരുന്ന നിലയിലാണ് സ്ത്രീയെ കണ്ടെത്തിയതെന്ന് അധികൃതർ അറിയിച്ചു. പുല്ലും പായലും കഴിച്ചായിരുന്നു ഇവർ ഇത്രയും കാലം ജീവിച്ചതെന്നാണ് യുട്ട പോലീസിനെ ഉദ്ധരിച്ചുള്ള റിപ്പോർട്ട് പറയുന്നത്.

2020 നവംബർ 25നാണ് ഈ സ്ത്രീയെ കാണാതായത്. ഇവരുടെ പേരുവിവരങ്ങൾ അധികൃതർ പുറത്ത് വിട്ടിട്ടില്ല. സ്പാനിഷ് ഫോർക്ക് എന്ന മലയിടുക്കിൽ ഡയമണ്ട് ഫോർക്ക് എന്ന സ്ഥലത്ത് വെച്ച് കാണാതായി എന്നായിരുന്നു റിപ്പോർട്ടുകൾ പുറത്ത് വന്നത്. ഇവർ അപകടത്തിൽപ്പെട്ടതല്ലെന്നും സ്വന്തം ഇഷ്ടപ്രകാരം ആ പ്രദേശത്ത് കഴിയാൻ തീരുമാനിച്ചതാകാം എന്നുമായിരുന്നു അധികൃതർ കരുതിയിരുന്നത്.

ഡ്രോൺ ഉപയോഗിച്ചുള്ള പരിശോധനയ്ക്കിടെയാണ് 47കാരി താമസിച്ച് വരികയായിരുന്ന ടെന്‍റ് കണ്ടെത്താൻ കഴിഞ്ഞത്. ദേശീയ വനമേഖലയുടെ ഉൾഭാഗത്തായാണ് ഇവരെ കണ്ടെത്തിയതെന്നാണ് റിപ്പോർട്ട്. ഞായറാഴ്ചയാണ് ഇവരെ കണ്ടെത്തിയത്. വളരെ ക്ഷീണിതയായാ നിലയിലാണ് ഇവരെ കണ്ടെത്താൻ കഴിഞ്ഞതെന്നും ശരീരഭാരം വലിയതോതിൽ കുറഞ്ഞിട്ടുണ്ടെന്നും അധികൃതർ പറഞ്ഞു.

ടെന്‍റ് തുറന്ന് സ്ത്രീ പുറത്തുവരുന്നത് വരെ അത് വനത്തിനുള്ളിൽ ഉപേക്ഷിക്കപ്പെട്ട ഒരു ടെന്‍റാണെന്നാണ് കരുതിയിരുന്നതെന്ന് യുട്ട ഷെരീഫ് ഓഫീസ് അറിയിച്ചു. സമീപത്തുള്ള നദിയിൽ നിന്നാണ് ഇവർക്ക് വെള്ളം കിട്ടിയിരുന്നത്. ഇവരുടെ കൈവശം വളരെക്കുറച്ച് ഭക്ഷണവും അവശേഷിച്ചിരുന്നു. എന്നാൽ പ്രധാനമായും പുല്ലും പായലുമൊക്കെ കഴിച്ചാണ് ഇത്രയും കാലം കഴിഞ്ഞതെന്നാണ് അവർ രക്ഷാപ്രവർത്തനം നടത്തിയവരോട് പറഞ്ഞത്.

ഭക്ഷണത്തിന് പുറമെ ആ പ്രദേശത്തെ അതിതീവ്രമായ ശൈത്യ കാലാവസ്ഥയെയും അവർക്ക് അതിജീവിക്കേണ്ടിവന്നു. രക്ഷപ്പെടുത്തിയതിന് ശേഷം ഇവരുടെ മാനസികാരോഗ്യ നില പരിശോധിക്കുന്നതിനായി അടുത്തുള്ള ആശുപത്രിയിലേക്ക് മാറ്റിയിട്ടുണ്ട്. ക്യാമ്പ് ഗ്രൗണ്ടിന്‍റെ പാർക്കിങ് ലോട്ടിൽ ഉപേക്ഷിക്കപ്പെട്ട നിലയിൽ ഒരു കാർ കണ്ടെത്തിയതിനെ തുടർന്നാണ് ഈ സ്ത്രീയ്ക്കായുള്ള തിരച്ചിൽ ആരംഭിച്ചത്.

LEAVE A REPLY

Please enter your comment!
Please enter your name here

Most Popular

Recent Comments