THE NEWS PLUS PORTAL FOR THE DISCERNING INDIANS OVER THE GLOBE

Wednesday, December 1, 2021

THE NEWS PLUS PORTAL FOR THE DISCERNING INDIANS OVER THE GLOBE

Home News വാക്സിൻ ഇല്ലെന്നു പറഞ്ഞ് സംസ്ഥാന സർക്കാർ ജനങ്ങളെ പരിഭ്രാന്തിയിലാക്കുകയാണെന്ന് വി മുരളീധരൻ

വാക്സിൻ ഇല്ലെന്നു പറഞ്ഞ് സംസ്ഥാന സർക്കാർ ജനങ്ങളെ പരിഭ്രാന്തിയിലാക്കുകയാണെന്ന് വി മുരളീധരൻ

ന്യൂഡൽഹി: വാക്സിൻ ക്ഷാമത്തിൽ സംസ്ഥാന സര്‍ക്കാരിനെ കുറ്റപ്പെടുത്തി കേന്ദ്ര വിദേശകാര്യ സഹമന്ത്രി വി മുരളീധരൻ. വാക്സിൻ ഇല്ലെന്നു പറഞ്ഞ് ജനങ്ങളെ ആരോഗ്യമന്ത്രി അടക്കമുള്ളവര്‍ പരിഭ്രാന്തിയിലാക്കുകയാണെന്ന് കേന്ദ്രമന്ത്രി ആരോപിച്ചു. അടുത്ത നാലു ദിവസത്തിനുള്ളിൽ സംസ്ഥാനത്തിന് കേന്ദ്രം 6.5 ലക്ഷം ഡോസ് വാക്സിൻ നല്‍കുമെന്നും അദ്ദേഹം പറഞ്ഞു.

വാക്സിൻ വിതരണത്തിൽ സംസ്ഥാന സര്‍ക്കാരിനു മാറി നിൽക്കാനാകില്ലെന്നും വാക്സിൻ നിര്‍മാതാക്കളിൽ നിന്ന് സംസ്ഥാനത്തിന് നേരിട്ട് വാക്സിൻ വാങ്ങാമെന്നും അദ്ദേഹം പറഞ്ഞു. 50 ശതമാനം വാക്സിൻ നിര്‍മാതാക്കളിൽ നിന്ന് വില കൊടത്തു വാങ്ങാൻ അനുവദിക്കുന്ന പുതിയ കേന്ദ്രനയത്തിൻ്റെ പശ്ചാത്തലത്തിലായിരുന്നു കേന്ദ്രമന്ത്രിയുടെ വാക്കുകള്‍.

ഇനി 50 ലക്ഷം ഡോസ് വാക്സിൻ വേണമെന്നും രണ്ട് ലക്ഷം ഡോസ് വാക്സിൻ മാത്രമേ കൈയ്യിലുള്ളൂ എന്നാണ് ആരോഗ്യമന്ത്രി കഴിഞ്ഞ ദിവസം പറഞ്ഞതെന്ന് കേന്ദ്രമന്ത്രി ചൂണ്ടിക്കാട്ടി. നിലവിലെ പ്രശ്നത്തിനു കാരണം രജിസ്റ്റര്‍ ചെയ്യാത്തവര്‍ വാക്സിനെടുക്കാൻ എത്തുന്നതാണെന്നും രജിസ്റ്റര് ‍ചെയ്തവര്‍ക്ക് മാത്രമേ വാക്സിൻ നല്‍കാൻ പാടുള്ളൂ എന്നും അദ്ദേഹം ആരോപിച്ചു. വാക്സിൻ വിതരണം തുടങ്ങിയപ്പോള്‍ മുൻഗണനാ പട്ടികയിൽ 76 ലക്ഷം പേരുണ്ടെന്നാണ് കേരളം അറിയിച്ചതെന്നും 62 ലക്ഷം പേര്‍ സംസ്ഥാനത്ത് ഇന്നലെ വരെ വാക്സിനെടുത്തെന്നും കേന്ദ്രമന്ത്രി പറഞ്ഞു. നിലവിൽ വാക്സിൻ ക്ഷാമത്തിൻ്റെ സാഹചര്യമില്ലെന്നും ആരോഗ്യമന്ത്രി പറഞ്ഞു.

സംസ്ഥാനത്തെ പല വാക്സിനേഷൻ കേന്ദ്രങ്ങളിലും എത്തുന്ന വാക്സിൻ്റെ അളവിൽ വലിയ കുറവുണ്ടായതിനു പിന്നാലെയാണ് കേന്ദ്രമന്ത്രിയുടെ പ്രതികരണം എന്നത് ശ്രദ്ധേയമാണ്. കോട്ടയം അടക്കമുള്ള പല ജില്ലകളിലും വിതരണം ചെയ്യുന്ന വാക്സിൻ്റെ അളവ് കുറയുകയും വാക്സിൻ സ്വീകരിക്കാൻ കൂട്ടത്തോടെ ആളുകള്‍ എത്തുകയും ചെയ്തതോടെ വലിയ തിരക്ക് അനുഭവപ്പെട്ടിരുന്നു.

അതേസമയം, സംസ്ഥാന സര്‍ക്കാരിനെ കുറ്റപ്പെടുത്തുന്ന കേന്ദ്രമന്ത്രിയുടെ കണക്കുകളും സംസ്ഥാന സര്‍ക്കാരിനെ ഉദ്ധരിച്ചുള്ള റിപ്പോര്‍ട്ടുകളിലെ കണക്കുകളും തമ്മിൽ പൊരുത്തക്കേടുകളുണ്ട്. ഏപ്രിൽ 17 ശനിയാഴ്ചത്തെ മനോരമ റിപ്പോര്‍ട്ട് അനുസരിച്ച് സംസ്ഥാനത്ത് 48.97 ലക്ഷം പേരാണ് ആദ്യ ഡോസ് വാക്സിൻ സ്വീകരിച്ചത്. 5.93 ലക്ഷം പേര്‍ രണ്ടാം ഡോസും സ്വീകരിച്ചു. ഇതു പ്രകാരം 3.65 കോടിയോളം ജനസംഖ്യയുള്ള കേരളത്തിൽ 13.39 ശതമാനം പേര്‍ക്ക് മാത്രമാണ് വാക്സിൻ ലഭിച്ചിട്ടുള്ളത്. ഈ സാഹചര്യത്തിലാണ് അടിയന്തരമായി 50 ലക്ഷം ഡോസ് വാക്സിൻ സംസ്ഥാന സര്‍ക്കാര്‍ ആവശ്യപ്പെടുന്നത്.

കേന്ദ്രസര്‍ക്കാരിൻ്റെ വാക്സിൻ നയത്തിനെതിരെ കോൺഗ്രസ് അടക്കമുള്ള പ്രതിപക്ഷ പാര്‍ട്ടികള്‍ രംഗത്തെത്തിയിരുന്നു. വാക്സിൻ വിതരണത്തിന് വേഗം പോരെന്ന വിമര്‍ശനത്തിനു പിന്നാലെയാണ് കേന്ദ്രസര്‍ക്കാര്‍ കൂടുതൽ കൂടുതൽ വിദേശവാക്സിനുകള്‍ക്ക് അനുമതി നൽകിയതും പൊതുവിപണിയിലും സംസ്ഥാന സര്‍ക്കാരുകള്‍ക്കും വാക്സിൻ വിതരണം ചെയ്യാനും തീരുമാനിച്ചത്.

LEAVE A REPLY

Please enter your comment!
Please enter your name here

Most Popular

Recent Comments