THE NEWS PLUS PORTAL FOR THE DISCERNING INDIANS OVER THE GLOBE

Friday, January 28, 2022

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news സിസേറിയനിടെ ഡോക്ടര്‍മാര്‍ തുണിയുടെ ഭാഗം വയറിനുള്ളില്‍ മറന്നുവെച്ചു: യുവതി മരിച്ചു

സിസേറിയനിടെ ഡോക്ടര്‍മാര്‍ തുണിയുടെ ഭാഗം വയറിനുള്ളില്‍ മറന്നുവെച്ചു: യുവതി മരിച്ചു

ലക്‌നൗ: സിസേറിയനിടെ ഡോക്ടര്‍മാര്‍ തുണിയുടെ ഭാഗം വയറിനുള്ളില്‍ മറന്നുവെച്ച ശേഷം ഗുരുതരാവസ്ഥയിലായ യുവതി (30) മരിച്ചു. ഉത്തര്‍പ്രദേശില്‍ ലക്‌നൗ ആശുപത്രിയില്‍ ചികിത്സയിലായിരുന്ന യുവതി തിങ്കളാഴ്ചയാണ് മരിച്ചത്.

സര്‍ക്കാര്‍ മെഡിക്കല്‍ കോളേജില്‍ ജനുവരി ആറിനായിരുന്നു രാംപൂര്‍ സ്വദേശിയായ നീലത്തിന്റെ ശസ്ത്രക്രിയ. യുവതി ഒരു പെണ്‍കുഞ്ഞിന് ജന്‍മം നല്‍കുകയും ചെയ്തിരുന്നു. സിസേറിയന് പിന്നാലെ കടുത്ത വയറുവേദനയെ തുടര്‍ന്നാണ് യുവതിയെ സ്വകാര്യ ആശുപത്രിയില്‍ പ്രവേശിപ്പിച്ചത്.

സിടി സ്‌കാന്‍ ചെയ്തപ്പോഴാണ് വയറ്റില്‍ തുണി കണ്ടെത്തിയത്. അത് ഓപ്പറേഷനിലൂടെ നീക്കം ചെയ്തിരുന്നു. എന്നാല്‍ ആരോഗ്യനില മോശമായതിനെ തുടര്‍ന്ന് കിങ് ജോര്‍ജ് മെഡിക്കല്‍ കോളജില്‍ പ്രവേശിപ്പിക്കുകയായിരുന്നു. വെന്റിലേറ്ററില്‍ ചികിത്സയിലായിരുന്നു യുവതി. തുടര്‍ന്നും യുവതിയുടെ നിലയില്‍ മാറ്റമൊന്നുമുണ്ടായിരുന്നില്ല.

തുണി മറന്നു വെച്ച സംഭവത്തെക്കുറിച്ച് അന്വേഷിക്കാന്‍ മെഡിക്കല്‍ കോളേജ് പ്രിന്‍സിപ്പല്‍ രാജേഷ് കുമാറിന്റെ നേതൃത്വത്തില്‍ മൂന്നംഗ സമിതിക്ക് രൂപം കൊടുത്തിരുന്നു. എന്നാല്‍ ഈ സമിതി തന്റെ ഭാഗം കേട്ടില്ലെന്ന് ഭര്‍ത്താവ് മനോജ് പറഞ്ഞു.

അന്വേഷണ സമിതി ബന്ധപ്പെട്ട ഡോക്ടറുടെ മൊഴിയെടുക്കാന്‍ ശ്രമിച്ചപ്പോള്‍ അദ്ദേഹം തൃപ്തികരമായ മറുപടി നല്‍കിയില്ലെന്ന് മെഡിക്കല്‍ കോളേജ് വക്താവ് ഡോ.പൂജ ത്രിപാഠി പറഞ്ഞു.

LEAVE A REPLY

Please enter your comment!
Please enter your name here

Most Popular

Recent Comments