THE NEWS PLUS PORTAL FOR THE DISCERNING INDIANS OVER THE GLOBE

Saturday, June 12, 2021

THE NEWS PLUS PORTAL FOR THE DISCERNING INDIANS OVER THE GLOBE

Home Keralam ജീവനക്കാരെ പിന്തുണച്ച് കെ.എസ്.ആര്‍.ടി.സി എം.ഡി

ജീവനക്കാരെ പിന്തുണച്ച് കെ.എസ്.ആര്‍.ടി.സി എം.ഡി

തിരുവനന്തപുരം: ജീവനക്കാര്‍ക്ക് മുന്‍ഗണന നല്‍കുന്നതാണ് തന്റെ നയമെന്ന് കെ.എസ്.ആര്‍.ടി.സി എം.ഡി ബിജു പ്രഭാകര്‍. ശമ്പള പരിഷ്‌കരണം നടക്കാത്ത സാഹചര്യത്തില്‍ ഏതെങ്കിലും ജീവനക്കാര്‍ ജനങ്ങളോട് മോശമായി പെരുമാറിയിട്ടുണ്ടെങ്കില്‍ അവരുടെ ജീവിത സാഹചര്യങ്ങള്‍ കാരണമാണ്. ബാങ്ക് ജപ്തി നേരിടുന്ന ഒരു ഡ്രൈവര്‍ എങ്ങനെ മന:സമാധാനമായി വണ്ടി ഓടിക്കും അദ്ദേഹം ചോദിച്ചു. ജീവനക്കാരുമായി ഫെയ്സ്ബുക് ലൈവിലൂടെ സംസാരിക്കുകയായിരുന്നു അദ്ദേഹം. കെ.എസ്.ആര്‍.ടി.സിയില്‍ കുറച്ചു പേര്‍ മാത്രമാണ് പ്രശ്‌നമുണ്ടാക്കുന്നതെന്നും അദ്ദേഹം പറഞ്ഞു. ഈ പ്രശ്നങ്ങള്‍ പരിഹരിക്കാനാണ് തന്റെ ശ്രമം. ജീവനക്കാരെ താന്‍ അധിക്ഷേപിച്ചിട്ടില്ലെന്നും കെ.എസ്.ആര്‍.ടി.സിയെ നന്നാക്കാമെന്ന് ആത്മവിശ്വാസമുണ്ട്. പ്രധാന ഓഫിസിലെ ഉപജാപക സംഘത്തെയാണ് താന്‍ ചൂണ്ടിക്കാട്ടിയത്. ബിജു പ്രഭാകര്‍ പറഞ്ഞു. താന്‍ പറഞ്ഞത് ആര്‍ക്കെങ്കിലും കൊണ്ടിട്ടുണ്ടെങ്കില്‍ അത് ഇവിടുത്തെ കള്ളന്മാര്‍ക്കാണ്. ജീവനക്കാര്‍ സന്തുഷ്ടരായാല്‍ മാത്രമേ കെ.എസ്. ആര്‍.ടി. സിയെ മുന്നോട്ട് കൊണ്ടുപോകാന്‍ കഴിയൂ.

LEAVE A REPLY

Please enter your comment!
Please enter your name here

Most Popular

Recent Comments